(vovworld) - ປີ 2012 ການເຄື່ອນໄຫວຂອງງານຕະຫລາດນັດສິນຄ້າ ຂອງຫວຽດນາມ ທີ່ມີຄຸນນະພາບສູງ ຈະມີການປ່ຽນໃຫມ່ ເພື່ອນຳມາຊຶ່ງມູນຄ່າເພີ່ມທີ່ມີຄວາມໝາຍທີ່ສຸດໃຫ້ແກ່ວິສາຫະກິດ. ງານຕະຫລາດນັດ ຈະຫັນເປັນ 3 ຮູບການນັ້ນແມ່ນ ງານຕະຫລາດນັດສິນຄ້າຫວຽດນາມທີ່ມີຄຸນນະພາບສູງ, ງານຕະຫລາດນັດສະເພາະຂະແຫນງ ແລະ ງານຕະຫລາດນັດສິນຄ້າ ຫວຽດນາມ ທີ່ມີຄຸນນະພາບສູງ ຈັດຂຶ້ນຢູ່ເຂດໃກ້ຄຽງປະເທດ ກຳປູເຈຍ, ມ້ຽນມາ, ຈີນ. ທີ່ງານຕະຫລາດນັດແຕ່ລະຄັ້ງ, ຄຽງຂ້າງຂາຍສິນຄ້າ, ແນະນຳຜະລິດຕະພັນແລ້ວ, ຄະນະຈັດຕັ້ງຈະຫນູນຊ່ວຍວິສາຫະກິດ ຊອກຮູ້ຕະຫລາດ, ເພີ່ມທະວີການໂຄສະນາ, ຍົກສູງພາບພົດ ແລະ ເປີດກວ້າງບັນດາການເຊື່ອມຕໍ່, ສະຫນອງຂໍ້ມູນຂ່າວການຕະຫລາດຂອງທ້ອງຖິ່ນທີ່ຈະຈັດງານຕະຫລາດນັດ, ເພີ່ມທະວີວຽກງານໂຄສະນາໃຫ້ແກ່ງານຕະຫລາດນັດ ແລະ ໃຫ້ແກ່ວິສາຫະກິດຢູ່ທ້ອງຖິ່ນຈັດຕັ້ງງານຕະຫລາດນັດ, ເຊື່ອມຕໍ່ໂດຍກົງກັບວິສາຫະກິດ, ກັບຕະຫລາດເມືອງ, ເຄືອຂ່າຍຕົວແທນຈຳຫນ່າຍຢູ່ທ້ອງຖິ່ນ, ອົບຮົມວຽກງານຂາຍຍ່ອຍສິນຄ້າ ແລະອື່ນໆ.
ງານຕະຫລາດນັດສິນຄ້າຫວຽດນາມ ທີ່ມີຄຸນນະພາບສູງ ປີ 2012 ຈະຈັດຂຶ້ນຢູ່ 6 ແຂວງ ນະຄອນທີ່ຂຶ້ນກັບບັນດາເຂດຄື: ທ່ົງພຽງແມ່ນ້ຳຂອງລວມມີ: ແຂວງ ອານຢາງ, ເບນແຈ, ທາງທິດຕາເວັນອອກພາກໃຕ້: ນະຄອນ ໂຮ່ຈິມີນ, ດົ່ງນາຍ, ຕອນກາງຂອງພາກກາງຫວຽດນາມ ລວມມີ ແຂວງບີ່ນດີ້ນ, ດັກລັກ. ງານຕະຫລາດນັດສິນຄ້າຫວຽດນາມຈັດຂຶ້ນເປັນຄັ້ງທຳອິດ ຂອງປີ 2012 ແມ່ນຕະຫລາດນັດ ອານຢາງ ຈະຈັດຂຶ້ນຢູ່ນະຄອນ ລອງຊວຽນ ແຕ່ວັນທີ 6 ເຖິງ 11/3/2012.
