(vovworld.vn)- ຕອນເຊົ້າວັນທີ 7/2, ຢູ່ສູນກາງພັດທະນາກະຈາຍສຽງແຫ່ງຊາດ (58 ຖະໜົນ ກວ໋ານຊື໋, ຮ່າໂນ້ຍ) ທ່ານ ຫງວຽນດັງຕ໋ຽນ, ຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ ໄດ້ໃຫ້ການຕ້ອນຮັບຄະນະຜູ້ແທນ ສະຫະພັນ ສື່ມວນຊົນ ໄທ, ໂດຍທ່ານ ຈະວະຮົງ ລິມປັດທະມະປານີ, ປະທານ ສະຫະພັນ ສື່ມວນຊົນ ໄທ, ປະທານສະມາຄົມນັກຂ່າວໄທ ເປັນຫົວໜ້າຄະນະ. ທ່ານ ຫງວຽນດັງຕ໋ຽນ, ຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ ໄດ້ແນະນຳກັບຄະນະກ່ຽວກັບປະຫວັດແຫ່ງການສ້າງຕັ້ງ ແລະ ພັດທະນາຂອງ ວິທະຍຸກະຈາຍສຽງຫວຽດນາມ, ບັນຫາຍົກສູງຄູນນະພາບການກະຈາຍສຽງ, ການຮ່ວມມືລະຫວ່າງວິທະຍຸສູນກາງກັບວິທະຍຸທ້ອງຖີ່ນ.
”ວິທະຍຸກະຈາຍສຽງຫວຽດນາມແມ່ນອົງການໜຶ່ງດຽວທີ່ມີທັງ 4 ຮູບການສື່ມວນຊົນນັ້ນແມ່ນສື່ສິ່ງພິມ, ສື່ເອເລັກໂຕນິກ, ວິທະຍຸ, ໂທລະພາບ. ກ່ຽວກັບການເຄື່ອນໄຫວຂອງບັນດາສາຂານັກຂ່າວ, ໃນແຕ່ລະປີສະມາຄົມນັກຂ່າວຫວຽດນາມໄດ້ຈັດຕັ້ງຊຸດເຝິກອົບຮົມດ້ານວິຊາການ ແລະການສຳມະນາຕ່າງໆກ່ຽວກັບວິຊາການສື່ມວນຊົນ, ກໍ່ຄືສິດຜົນປະໂຫຍດຂອງສື່ມວນຊົນໃນການເຄື່ອນໄຫວສື່ມວນຊົນຢູ່ຫວຽດນາມ. ພວກເຮົາມີລະບົບບັນດາລາຍການກະຈາຍສຽງພາກ 11 ພາສາຕ່າງປະເທດ, ແລະກ່ອນນີ້ເກືອບ 1 ເດືອນ ພວກເຮົາໄດ້ເປີດສະຫຼອງ ເວັງໄຊ ດ້ວຍ 12 ພາສາໃນລະບົບ vov5”
ທ່ານ ຈະວະຮົງ ລິມປັດທະມະປານີ, ກໍ່ສະແດງຄວາມປາຖະໜາຢາກສືບຕໍ່ເພີ່ມທະວີການຮ່ວມມືລະຫວ່າງວິທະຍຸກະຈາຍສຽງຫວຽດນາມ ກັບວິທະຍຸກະຈາຍສຽງແຫ່ງຊາດໄທ ກໍ່ຄືຮ່ວມມືລະຫວ່າງຂະແໜງສື່ມວນຊົນຂອງສອງປະເທດ. ທັງສອງຝ່າຍກໍ່ຈະມານະພະຍາຍາມຊຸກຍູ້ການແລກປ່ຽນຄະນະນັກຊ່ຽວຊານ, ຮ່ຳຮຽນເອົາບົດຮຽນໃນການເຄື່ອນໄຫວດ້າວວິຊາການ ແລະ ພັດທະນາເຕັກໂນໂລຢີ ສື່ມວນຊົນ ໃນອະນາຄົດ.
