ຝໍ໊ດຶກເຟືອງ - ນັກດົນຕີທີ່ມີຊື່ສຽງຂອງພື້ນຖານດົນຕີຫວຽດນາມ ຍຸກປັດຈຸບັນ

ນັກດົນຕີ ຝໍ໊ດຶກເຟືອງ ເກີດປີ 1944. ຄາວອາຍຸ 18 ປີທ່ານເສັງໄດ້ຄະແນນເຂົ້າຂະແໜງຟີຊິກຊາດ ມະຫາວິທະຍາໄລສ້າງຄູ. ແຕ່ຮອດປີ 1965 ຝໍ໊ດຶກເຟືອງ ຂໍເຊົ່າຮຽນດ້ວຍເຫດຜົນສະພາບຄອບຄົວປະສົບກັບຄວາມຫຍຸ້ງຍາກ ແລະ ທ່ານໄດ້ກາຍເປັນສະມາຊິກສັງກັດນິຄົມກະເສດຂຶ້ນກັບນິຄົມກະເສດ ເກືອລອງ (ແຂວງຮ່ວາບິ່ງ).

ປີ 1966 ຝໍ໊ດຶກເຟືອງ ເສັງເຂົ້າໂຮງຮຽນດົນຕີຫວຽດນາມ (ປັດຈຸບັນແມ່ນສະຖາບັນດົນຕີແຫ່ງຊາດຫວຽດນາມ). ນັກຕັ້ງແຕ່ຊຸມວັນທຳອິດ ທີ່ກ້າວເຂົ້າສູ່ວຽກງານປະພັນດົນຕີ, ຝໍ໊ດຶກເຟືອງ ໄດ້ເລືອກໃຫ້ແກ່ຕົນເອງແຫຼງບັນດາໃຈກ່ຽວກັບບ້ານເກີດເມືອງນອນ

ນັກດົນຕີ ຝໍ໊ດຶກເຟືອງບົນເວທີສະແດງ Liveshow ທີ່ຈອມພູ ຝູ່ເວິນ ປີ2016

ປີ 2001 ທ່ານໄດ້ຮັບລາງແຫ່ງລັດກ່ຽວກັບວັນນະຄະດີສີລະປະທີ່ສະຫງວນໃຫ້ແກ່ບັນດາບົດເພງ: ບັນດານາງສາວຂັບ ກວານຫໍ້, ໜອງເທິງພູ, ທິດທັດໜອງໂຮ່ໄຕ, ຍາຈາງໃນລະດູໃບໄມ້ຫຼົນ, ທີ່ຈອມພູຝູ່ເວິນ.

ນັກດົນຕີ ຝໍ໊ດຶກເຟືອງ ຖ່າຍຮູບເປັນທີ່ລະນຶກພ້ອມກັບຜູ້ຊົມຢູ່ Liveshow ທີ່ຈອມພູ ຝູ່ເວິນເມື່ອເດືອນທັນວາ 2016

ນັກດົນຕີ ຝໍ໊ດຶກເຟືອງ ກອດຮັກຮ້ອງ ຕຸ່ງເຢຶອງພາຍຫຼັງທີ່ນັກຮ້ອງຄົນນີ້ສະແດງບົດເພງ ໜອງເທິງພູ, ດົນຕີພື້ນເມືອງໄດ້ຊືມເລິກເຂົ້າໃນບົດເພງໂດຍ ຝໍ໊ດຶກເຟືອງ ປະພັນ ອັນໄດ້ສ້າງຊື່ສຽງຮຽງນາມໃຫ້ແກ່ນັກສີລະປິນນັກຮ້ອງທີ່ມີຊື່ສຽງຂອງຫວຽດນາມຄື: ແທງລາມ, ມີ໊ລິງ, ຈ້ອງເຕິ໊ນ…

ພ້ອມກັບນັກດົນຕີ 3 ຄົນທີ່ມີຊື່ສຽງຄື ເຈິ່ນຕຽນ, ຫງວຽນເກືອງ, ເຢຶອງທຸ, ນັກດົນຕີ ຝໍ໊ດຶກເຟືອງແມ່ນໜຶ່ງໃນຈຳນວນນັກດົນຕີ 4 ຄົນທີ່ມີຊື່ສຽງ ຂອງພື້ນຖານດົນຕີຫວຽດນາມໃນຍຸກປັດຈຸບັນ

ໃນພາລະກິດຂອງຕົນ ແຕ່ປີ 2002 – 2009 ທ່ານໄດ້ດຳລົງຕຳແໜ່ງເປັນຜູ້ອຳນວຍການສູນປົກປ້ອງ ລິຂະສິດດົນຕີຫວຽດນາມ ແລະ ເປັນຮອງປະທານສະມາຄົມດົນຕີຮ່າໂນ້ຍ

ໃນເດືອນກໍລະກົດທີ່ຜ່ານມາ, ຄອບຄົວ, ໝູ່ເພື່ອນ ແລະ ບັນດາຜູ້ນິຍົມດົນຕີຈັດຄ່ຳຄືນສະແດງດົນຕີທີ 2ຂອງສະເພາະທ່ານເອງດ້ວຍຊື່ວ່າ “ສຽງເພງພິເສດ”.

ນັກດົນຕີ ຝໍ໊ດຶກເຟືອງ ພ້ອມກັບຜູ້ເປັນເມຍ