( vovworld ) - ວັນທີ 25/2, ເວັບຊາຍເອໂລກໂຕນິກຂອງໜັງສືພິມ “ ບາງກອກໂພສ ”ໄດ້ໃຫ້ຂ່າວວ່າ, ມີກວ່າ 10.000 ຄົນຂອງຝ່າຍເຊື້ອແດງໄດ້ເຕົ້າໂຮມກັນຢູ່ນະຄອນຣັດຈະສີມາ ພາກອີສານຂອງໄທ ເພື່ອຄັດຄ້ານການກໍ່ໃຫ້ເກີດລັດຖະປະຫານດ້ານການທະຫານຢູ່ປະເທດນີ້. ນາຍພົນຕຳຫຼວດ ອົງອາດຜິວເຣື່ອງນົນ ຮັກສາການຜູ້ບັນຊາການຕຳຫຼວດນະຄອນຣັດຈະສີມາ ໃຫ້ຮູ້ວ່າ, ການເຕົ້າໂຮມກັນເລີ່ມຕົ້ນໃນຕອນເຊົ້າວັນທີ 25/2 ເພື່ອແນໃສ່ຄັດຄ້ານການກໍ່ໃຫ້ເກີດລັດຖະປະຫານດ້ານການທະຫານທີ່ຈະເກີດຂື້ນຕາມຂ່າວຄາວກ່ອນໜ້ານັ້ນ. ມີຕຳຫຼວດປະມານ 800 ຄົນໄດ້ຜັນຂະຫຍາຍເພື່ອບັນຊາບັນດາການເຄື່ອນໄຫວສັນຈອນໂປມາ ແລະ ສະກັດກັ້ນການໃຊ້ຄວາມຮຸນແຮງ.
ຝ່າຍເຊື້ອແດງແມ່ນກຳລັງທີ່ສະໜັບສະໜູນລັດຖະບານໂດຍພັກເພື່ອໄທນຳໜ້າ. ກ່ອນໜ້ານັ້ນໄດ້ມີຂ່າວຄາວກ່ຽວກັບກໍລະນີຈະເກີດການກໍ່ໃຫ້ເກີດລັດຖະປະຫານດ້ານການທະຫານໂຄ່ນລົ້ມລັດຖະບານໃນເດືອນເມສາທີຈະມາເຖິງ.
