ພິທີມອບລາງວັນຄຸນນະພາບລະດັບຊາດຖືກດຳເນີນຢູ່ຮ່າໂນ້ຍ
(vovworld) - ຕອນເຊົ້າວັນທີ 26/2, ຢູ່ຮ່າໂນ້ຍ ໄດ້ດຳເນີນພິທີມອບລາງວັນຄຸນນະພາບລະດັບຊາດ ແລະ ລາງວັນຄຸນນະພາບລະດັບສາກົນ ອາຊີ - ປາເຊຟິກ ປີ 2011 ໃຫ້ແກ່ວິສາຫະກິດ 98 ແຫ່ງ. ລາງວັນຄຸນນະພາບລະດັບຊາດແມ່ນຮູບການເຊີດຊູ, ຍ້ອງຍໍສັນລະເສີນລະດັບຊາດປະຈຳປີຂອງນາຍົກລັດຖະມົນຕີມອບໃຫ້ບັນດາອົງການ, ວິສາຫະກິດບັນລຸຜົນງານດີເດັ່ນກ່ຽວກັບຄຸນນະພາບໃນການຜະລິດ, ດຳເນີນທຸລະກິດ ແລະ ບໍລິການ. ກ່າວຄຳເຫັນນະພິທີ, ທ່ານຮອງນາຍົກລັດຖະມົນຕີຫວຽດນາມ ຫງວຽນທ້ຽນເຍີນ ຢືນຢັນວ່າ: ລາງວັນຄຸນນະພາບລະດັບຊາດມີຄວາມໝາຍໃນການຍົກສູງກຳລັງແກ່ງແຍ້ງຂອງຜະລິດຕະພັນ, ສິນຄ້າ ແລະ ການບໍລິການຂອງຫວຽດນາມ, ພິເສດແມ່ນໃນການສົ່ງອອກ. ລາງວັນນີ້ຊ່ວຍໃຫ້ວິສາຫະກິດມີເຄື່ອນໄຂຮ່ຳຮຽນເອົາບົດຮຽນ, ຕີລາຄາ ແລະ ດັດແປງບັນດາການເຄື່ອນໄຫວຄຸ້ມຄອງ, ຄຸນນະພາບຜະລິດຕະພັນ... ຢ່າງຮອບດ້ານ. ນີ້ກໍແມ່ນກາລະໂອກາດທີ່ດີ ເພື່ອໃຫ້ບັນດາວິສາຫະກິດບັນລຸລາງວັນໂຄສະນາເຄື່ອງໝາຍຜະລິດຕະພັນ, ປະກອບສ່ວນຍົກສູງຄວາມສາມາດແກ່ງແຍ້ງໃນໄລຍະເຊື່ອມໂຍງເຂົ້າກັບສາກົນ. ທ່ານຮອງນາຍົກລັດຖະມົນຕີໃຫ້ຄຳຊີ້ນຳວ່າ: ລາງວັນຄຸນນະພາບລະດັບຊາດຕ້ອງປ່ຽນໃໝ່ກ່ຽວກັບວິທີ ເພື່ອສົ່ງເສີມວິສາຫະກິດຫຼາຍແຫ່ງເຂົ້າຮ່ວມ ແລະ ກາຍເປັນຂະບວນການກ້ວາງຂວາງໃນທົ່ວປະເທດ, ປະກອບສ່ວນຍົກສູງເຄື່ອງໝາຍການຄ້າຜະລິດຕະພັນ, ສິນຄ້າຫວຽດນາມໃນເວທີສາກົນ.
