 (ພາບປະກອບ) |
ກອງປະຊຸມແນໃສ່ຕີລາຄາຄວາມຄືບໜ້າຜັນຂະຫຍາຍບັນດາການເຄື່ອນໄຫວຮ່ວມມືໃນແຜນການດຳເນີນງານໄລຍະ 2016 – 2020 ແລະ ກະກຽມໃຫ້ບັນດາການເຄື່ອນໄຫວຂັ້ນສູງໃນໄລຍະຈະມາເຖິງ, ພິເສດ ແມ່ນໃນສະພາວະ 2 ຝ່າຍພວມຈັດຕັ້ງສະເຫຼີມສະຫຼອງ 40 ປີແຫ່ງການພົວພັນ ອາຊຽນ - ການາດາ. ທີ່ກອງປະຊຸມ ທ່ານ Donald Bobiash ຫົວໜ້າ SOM ການາດາ ເນັ້ນໜັກວ່າ: ການາດາ ປາດຖະໜາຢາກພ້ອມກັບ ອາຊຽນ ສືບຕໍ່ຊຸກຍູ້ຄວາມເສລີ ແລະ ຮ່ວມສຳພັນດ້ານການຄ້າ, ໃນນັ້ນ ອາດຈະສ້າງສັນຍາການຄ້າເສລີ ອາຊຽນ - ການາດາ.
ກ່າວຄຳເຫັນທີ່ກອງປະຊຸມ, ຫົວໜ້າຄະນະຜູ້ແທນ ຫວຽດນາມ, ທ່ານຮອງລັດຖະມົນຕີການຕ່າງປະເທດ ຫງວຽນກວກຢຸງ ຢືນຢັນວ່າ: ຫວຽດນາມ ຍາມໃດກໍ່ຖືເປັນສຳຄັນການພົວພັນ ອາຊຽນ - ການາດາ ແລະ ປາດຖະໜາຢາກໃຫ້ 2 ຝ່າຍຈະມີການເຄື່ອນໄຫວແທດຈິງຫລາຍຢ່າງຕື່ມອີກ ເພື່ອເສີມຂະຫຍາຍຄວາມສາມາດບົ່ມຊ້ອນການຮ່ວມມືກ່ວາອີກ.
