 ທ່ານ ປະທານາທິບໍດີ ຟີລິບປິນ Rodrigo Duterte (ພາບ: ວັງປະທານາທິບໍດີ) |
ໃນບົດກ່າວປາໄສໃນວັນທີ 26 ຕຸລາ, ທ່ານ ປະທານາທິບໍດີ ຟີລິບປິນ Rodrigo Duterte ເນັ້ນໜັກວ່າ ອາຊຽນ ຄວນສືບຕໍ່ເດີນຕາມເສັ້ນທາງທີ່ສອດຄ່ອງກັບກົດໝາຍສາກົນ, ລວມທັງຄຳຕັດສິນຂອງສານອະນຸຍາໂຕຕຸລາການ ປີ 2016 ແລະ ເອກະສານທີ່ເຮັດໃຫ້ການຮຽກທວງສິດຂອງ ຈີນ ຢູ່ເຂດທະເລທີ່ຂັດແຍ້ງກັນໝົດຜົນສັກສິດ.
ອີກຄັ້ງໜຶ່ງ, ທ່ານປະທານາທິບໍດີ Duterte ໄດ້ຢັ້ງຢືນຄືນໃໝ່ຄຳໝັ້ນສັນຍາຂອງ ຟີລິບປິນ ໃນການຊ່ວຍສ້າງສຳເລັດກົດແຫ່ງການປະພຶດຢູ່ທະເລຕາເວັນອອກ (COC) ໃຫ້ມີປະສິດທິຜົນ ແລະ ແທດຈິງ ຢູ່ເຂດທະເລທີ່ຂັດແຍ້ງກັນ. ກ່ຽວຂ້ອງເຖິງຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC), ການນຳ ຟີລິບປິນ ຮຽກຮ້ອງໃຫ້ບັນດາປະເທດ ຫັນຄຳໝັ້ນສັນຍາໃຫ້ເປັນການກະທຳລະອຽດເພື່ອປັບປຸງຄວາມໄວ້ເນື້ອເຊື່ອໃຈທີ່ໄດ້ເພີ່ມພູນຄູນສ້າງມາຫຼາຍປີ.
ເຮືອງຈ່າ - ນັກຂ່າວ VOV ປະຈຳ ອິນໂດເນເຊຍ
