 |
| ສຳລັບວົງຄະນະຍາດເຜົ່າ ໄທ ຢູ່ເຂດ ໄຕບັກ (ໝາຍເຖິງ ທິດຕາເວັນຕົກສ່ຽງເໜືອຂອງຫວຽດນາມ), ຟ້ອນແຊ່ ແມ່ນອາຫານທາງດ້ານຈິດໃຈທີ່ຂາດບໍ່ໄດ້ໃນຊີວີດການເປັນຢູ່ຂອງພໍ່ແມ່ປະຊາຊົນພາຍຫຼັງຊຸມມື້ທີ່ອອກແຮງງານຢ່າງລຳບາກ; ພ້ອມທັງເປັນການເຊື່ອມຕໍ່ທຸກຄົນໃຫ້ເຂົ້າໃກ້ກັນກວ່າ. |
 |
| ສິລະປະຟ້ອນແຊ່ ຂອງຊາວເຜົ່າຜູ້ ໄທ ແມ່ນການດຳເນີນຊີວິດວັດທະນະທຳທີ່ເປັນເອກະລັກສະເພາະ, ເປັນສັນຍາລັກໃຫ້ແກ່ຊີວິດທາງດ້ານຈິດໃຈຂອງພໍ່ແມ່ປະຊາຊົມຊາວເຜົ່າຜູ້ ໄທ ຢູ່ ຫວຽດນາມ. |
 |
 |
| ປີ 2016, ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ໄດ້ປະກາດໃຊ້ເອກະສານເລກທີ 2715 ດ້ວຍການມອບໃຫ້ແຂວງ ອຽນບາຍ ເປັນປະທານ, ສົມທົບກັບບັນດາອົງການທີ່ມີໜ້າທີ່ ແລະ ແຂວງຕ່າງໆ ສ້າງເອກະສານລະດັບຊາດກ່ຽວກັບສິລະປະຟ້ອນແຊ່ ຂອງຊາວເຜົ່າຜູ້ ໄທ ຍື່ນສະເໜີຕໍ່ອົງການ UNESCO ຈົດຊື່ເຂົ້າໃນບັນຊີມໍລະດົກວັດທະນະທຳບໍ່ເປັນວັດຖຸຕາງໜ້າໃຫ້ມວນມະນຸດ. |
 |
| ແຕ່ປີ 2016-2020, ແຂວງ ອຽນບາຍ ໄດ້ເປັນເຈົ້າການສົມທົບກັບສະຖາບັນວັດທະນະທຳສິລະປະແຫ່ງຊາດ ຫວຽດນາມ ແລະ ບັນດາແຂວງ ເຊີນລາ, ລາຍເຈົາ, ດ້ຽນບຽນ ຈັດການສຳຫຼວດ, ສ້າງ ແລະ ຮຽບຮຽງສຳເນົາເອກະສານສິລະປະຟ້ອນແຊ່ ຂອງຊາວເຜົ່າຜູ້ ໄທ. |
 |
 |
| ທີ່ວາລະປະຊຸມຄະນະກຳມະການລະຫວ່າງລັດຖະບານສົນທິສັນຍາ 2003 ກ່ຽວກັບການອະນຸລັກຮັກສາມໍລະດົກວັດທະນະທຳບໍ່ເປັນວັດຖຸ ຄັ້ງທີ 16 ຂອງອົງການ UNESCO ເຊິ່ງດຳເນີນຢູ່ ປາຣີ (ຝລັ່ງ) ໃນຕອນບ່າຍວັນທີ 15 ທັນວາ, ອົງການ UNESCO ໄດ້ຈົດຊື່ມໍລະດົກວັດທະນະທຳສິລະປະຟ້ອນແຊ່ ຊາວເຜົ່າຜູ້ ໄທ ຂອງ ຫວຽດນາມ ເຂົ້າບັນຊີມໍລະດົກວັດທະນະທຳບໍ່ເປັນວັດຖຸຕາງໜ້າໃຫ້ມວນມະນຸດ. |
 |
 |
 |
 |
 |
| ສິລະປະຟ້ອນແຊ່ທາຍ ໄດ້ກຳເນີດມາຈາກຂະບວນການອອກແຮງງານຂອງປະຊາຊົນຊາວເຜົ່າຜູ້ ໄທ ແລະ ຄ່ອຍໆກາຍເປັນສິ່ງຕິດພັນກັບບັນດາຊົນເຜົ່າຢູ່ເຂດພູສູງ ໄຕບັກ. ຟ້ອນແຊ່ມີຫຼາຍປະເພດຄື: ແຊ່ວົງມົນ, ແຊ່ພິທີກຳ, ແຊ່ສະແດງ… ແຕ່ວ່າ ການຟ້ອນ ແຊ່ມົນແມ່ນນິຍົມກວ່າໝູ່. |
 |
 |
| ທ່າຟ້ອນແຊ່ເກັບດອກໄມ້, ພາວະນາຂໍໃຫ້ດິນຟ້າອາກາດເອື້ອອຳນວຍຄວາມສະດວກ, ລະດູການເກັບກ່ຽວໄດ້ຮັບຜົນດີ, ຕົ້ນໄມ້ໃບຫຍ້າຂະຫຍາຍຕົວຕີ, ໃຜໆກໍ່ມີສຸຂະພາບເຂັ້ມແຂງ, ອີ່ມໜຳສຳລານ, ສົມບູນພູນສຸກ |
 |
| ຟ້ອນແຊ່ ຂອງຊາວເຜົ່າຜູ້ ໄທ ໄດ້ກາຍເປັນສັນຍາລັກຂອງນ້ຳໃຈຮັກແພງແຂກຄົນ ແລະ ປຽບເໝືອນດັ່ງຂີດໝາຍວັດທະນະທຳສຳຄັນຂອງຊາວເຜົ່າຜູ້ ໄທ ຢູ່ເຂດ ໄຕບັກ, ຫວຽດນາມ. |
 |
| ຕາມກະຊວງວັດທະນະທຳ, ກິລາ ແລະ ທ່ອງທ່ຽວ ແລ້ວ, ຟ້ອນແຊ່ຂອງຊາວເຜົ່າຜູ້ ໄທ ໄດ້ຮັບການຮັບຮອງເປັນມໍລະດົກວັດທະນະທຳໂລກນັ້ນ ໄດ້ເປັນການຢັ້ງຢືນສີສັນວັດທະນະທຳ, ຮີດຄອງປະເພນີທີ່ອຸດົມສົມບູນ, ຄວາມຜູກພັນວົງຄະນະຍາດຂອງຊາດ ຫວຽດນາມ. |
 |
 |
 |
 |
 |
| ເລື່ອງ UNESCO ຈົດຊື່ຟ້ອນແຊ່ ຂອງຊາວເຜົ່າຜູ້ ໄທ ເຂົ້າໃນບັນຊີມໍລະດົກວັດທະນະທຳໄດ້ເປັນການຢືນຢັນສີສັນວັດທະນະທຳທີ່ອຸດົມສົມບູນຂອງຊາດ ຫວຽດນາມ, ຄວາມຜູກຜັນຂອງວົງຄະນະຍາດຊຸມຊົນ ເປັນກາກຍົກສູງ, ເຄົາລົບວັດທະນະທຳທີ່ຫຼາກຫຼາຍຮູບແບບຂອງວົງຄະນະຍາດ ແລະ ບັນດາເຜົ່າ ຫວຽດນາມ. |
