ມົດສະກູຫວັງວ່າສະພາບການຢູ່ຊີຮີ ຈະໄດ້ຮັບການແກ້ໄຂຜ່ານການເຈລະຈາ
(vovworld) - ວັນທີ 25/3, ກ່ອນການພົບປະ, ປຶກສາຫາລືກັບທູດສະຫະປະຊາຊາດ - ສະຫະພັນ ອາຮັບ KofiAnnan ຢູ່ມົດສະກູ, ທີ່ປຶກສາດ້ານນະໂຍບາຍການຕ່າງປະເທດຂອງປະທານາທິບໍດີລັດເຊຍ ທ່ານ Sergei Prikhodko, ໃຫ້ຮູ້ວ່າ, ບຸລິມາສິດຂອງລັດເຊຍໃນບັນຫາຊີຮີ ແມ່ນໄກ່ເກ່ຍຝ່າຍຕ່າງໆແກ້ໄຂວິກິດການຢູ່ຊີຮີ ດ້ວຍມາດຕະການສັນຕິພາບ. ກ່ອນໜ້ານັ້ນ, ລັດເຊຍ ພ້ອມກັບຈີນ ໄດ້ປະຕິເສດມະຕິສະບັບໜຶ່ງຂອງສະພາຄວາມໝັ້ນຄົງສະຫະປະຊາຊາດ ເພື່ອແນໃສ່ກໍ່ຄວາມດັນໃຫ້ແກ່ທ່ານປະທານາ ທິບໍດີຊີຮີ Bashar al – Assad ເພາະຖືວ່າ, ມະຕິນີ້ບໍ່ສາມາດເຮັດໃຫ້ກຳລັງຝ່າຍຄ້ານຂອງທ່ານ Assad ຢຸດຕິການສູ້ຮົບໄດ້. ເຖິງຢ່າງໃດກໍ່ຕາມ, ລັດເຊຍໄດ້ສະໜັບສະໜູນການເຄື່ອນໄຫວຕ່າງໆຂອງທ່ານ KofiAnnan ໃນບົດບາດເປັນທູດສາກົນ.
