 ພິທີມອບຫຼຽນກາທີ່ລະນຶກ “ເພື່ອສັນຕິພາບ, ມິດຕະພາບ ລະຫວ່າງບັນດາປະຊາຊາດ” ໃຫ້ທ່ານນາງ ພິມພາ ແກ້ວມີໄຊ, ຫົວໜ້າສະຖານກົງສູນໃຫຍ່ ລາວ |
ຕອນເຊົ້າວັນທີ 22 ສິງຫາ, ຢູ່ນະຄອນ ໂຮ່ຈີມິນ, ສະຫະພັນບັນດາອົງການມິດຕະພາບ ນະຄອນ ໂຮ່ຈີມິນ ໄດ້ຈັດພິທີມອບຫຼຽນກາທີ່ລະນຶກ “ເພື່ອສັນຕິພາບ, ມິດຕະພາບ ລະຫວ່າງບັນດາປະຊາຊາດ” ຂອງສະຫະພັນບັນດາອົງການມິດຕະພາບ ຫວຽດນາມ ໃຫ້ທ່ານນາງ ພິມພາ ແກ້ວມີໄຊ, ຫົວໜ້າສະຖານກົງສູນໃຫຍ່ ລາວ ປະຈຳ ນະຄອນ ໂຮ່ຈີມິນ. ກ່າວຄຳເຫັນນະທີ່ນີ້, ທ່ານ ໂດ໋ຫວຽດຮ່າ, ປະທານສະຫະພັນບັນດາອົງການມິດຕະພາບນະຄອນ ໂຮ່ຈີມິນ ເນັ້ນໜັກວ່າ: ດ້ວຍບົດບາດແມ່ນຫົວໜ້າສະຖານກົງສູນໃຫຍ່ ລາວ ປະຈຳ ນະຄອນ ໂຮ່ຈີມິນ, ທ່ານນາງ ພິມພາ ແກ້ວມີໄຊ ໄດ້ເຂົ້າຮ່ວມການສ້າງ ແລະ ເປີດກ້ວາງ, ເພີ່ມທະວີການພົວພັນສາມັກຄີ, ມິດຕະພາບ, ການຮ່ວມມືລະຫວ່າງປະຊາຊົນ ຫວຽດນາມ ເວົ້າລວມ ແລະ ປະຊາຊົນນະຄອນ ໂຮ່ຈີມິນ ເວົ້າສະເພາະ, ກັບປະຊາຊົນລາວ, ໃນບັນດາຂົງເຂດຮ່ວມມືເສດຖະກິດ - ການຄ້າ, ການພົວພັນແລກປ່ຽນວັດທະນະທຳ - ກິລາ, ການແພດ, ການສຶກສາ…
ສ່ວນທ່ານນາງ ພິມພາ ແກ້ວມີໄຊ ຢັ້ງຢືນວ່າ ເຖິງວ່າໃນຖານະຕຳແໜ່ງໃດ ແລະ ຢູ່ບ່ອນໃດກໍ່ຕາມກໍ່ຈະມານະພະຍາຍາມຈົນສຸດຄວາມສາມາດຂອງຕົນ, ຕັ້ງໜ້າເຂົ້າຮ່ວມ ບັນດາການເຄື່ອນໄຫວສ້າງ, ປັບປຸງ, ພັດທະນາການພົວພັນມິດຕະພາບອັນດີງາມ, ຄວາມສະໜິດຕິດພັນເປັນຈິດໜຶ່ງໃຈດຽວລະຫວ່າງປະຊາຊົນລາວ ກັບ ປະຊາຊົນ ຫວຽດນາມ, ໃນນັ້ນມີປະຊາຊົນນະຄອນ ໂຮ່ຈີມິນ.
