 ທ່ານ ເຫຼັກໄຫຼ ສີວິໄລເລຂາພັກແຂວງ, ເຈົ້າແຂວງ ແຂວງເຊກອງ ມອບຫຼຽຍໄຊເອກະລາດຊັ້ນ III ໃຫ້ແກ່ທ່ານ ເຈິ່ນເຟືອກເຊີນ ຮອງປະທານຜູ້ປະຈຳການສະພາປະຊາຊົນນະຄອນ ດ່ານັ້ງ |
ຕອນເຊົ້າວັນທີ 11 ມິຖຸນາ, ຢູ່ນະຄອນ ດ່ານັ້ງ, ໂດຍໄດ້ຮັບການມອບໝາຍຈາກ ນາຍົກລັດຖະມົນຕີ ລາວ, ທ່ານ ເຫຼັກໄຫຼ ສີວິໄລເລຂາພັກແຂວງ, ເຈົ້າແຂວງ ແຂວງເຊກອງ ໄດ້ມອບຫຼຽຍໄຊເອກະລາດຊັ້ນ III ຂອງລັດແຫ່ງ ສປປ.ລາວ ໃຫ້ແກ່ທ່ານ ເຈິ່ນເຟືອກເຊີນ ຮອງປະທານຜູ້ປະຈຳການສະພາປະຊາຊົນນະຄອນ ດ່ານັ້ງຍ້ອນ ທ່ານມີບັນດາຜົນງານດີເດັ່ນໃນການພົວພັນຮ່ວມມື ແລະ ການໜູນຊ່ວຍແຂວງ ເຊກອງ ໄລຍະ 2017 – 2022. ທ່ານເຫຼັກໄຫຼ ສີວິໄລ ໃຫ້ຮູ້ວ່າທາງນະຄອນ ດ່ານັ້ງ ໄດ້ໃຫ້ການໜູນຊ່ວຍຫຼາຍຢ່າງ, ປະກອບສ່ວນສຳລັບແຂວງ ເຊກອງໃນການພັດທະນາເສດຖະກິດ - ສັງຄົມ, ເປັນຕົ້ນແມ່ນບັນດາຂົງເຂດ: ການທ່ອງທ່ຽວ, ການຄ້າ, ສ້າງພື້ນຖານໂຄງລ່າງ, ບຳລຸງສ້າງແຫຼ່ງຊັບພະຍາກອນມະນຸດ… ທາງແຂວງ ເຊກອງ ມີຄວາມເຄົາລົບນັບຖືຕໍ່ບັນດາການໜູນຊ່ວຍອັນລ້ຳຄ່ານີ້, ຍາມໃດກໍ່ມານະພະຍາຍາມເສີມຂະຫຍາຍ, ພັດທະນາ, ສືບຕໍ່ນຳການພົວພັນຮ່ວມມືລະຫວ່າງສອງທ້ອງຖິ່ນໃຫ້ເລິກເຊິ່ງກ່ວາອີກ.
