 ທ່ານລັດຖະມົນຕີກະຊວງຕຳຫຼວດ ຫວຽດນາມ ໂຕເລີມ ຕ້ອນຮັບທ່ານຫົວໜ້າສຳນັກງານຜູ້ຕາງໜ້າກະຊວງປ້ອງກັນຄວາມສະຫງົບລາວ ປະຈຳ ຫວຽດນາມ, ຄອນສີ ເນົາວະລາດ (ພາບ: VOV) |
ນະທີ່ນີ້, ທ່ານລັດຖະມົນຕີກະຊວງຕຳຫຼວດ ຫວຽດນາມ ໂຕເລີມ ເນັ້ນໜັກວ່າ ກະຊວງຕຳຫຼວດ ຫວຽດນາມ ແລະ ກະຊວງປ້ອງກັນຄວາມສະຫງົບ ລາວ ຕ້ອງເພີ່ມທະວີການຮ່ວມມືຢ່າງແໜ້ນແຟ້ນກວ່າອີກ ເພື່ອແນໃສ່ປ້ອງກັນຄວາມໝັ້ນຄົງແຫ່ງຊາດ, ຮັກສາຄວາມເປັນລະບຽບຮຽບຮ້ອຍ, ຄວາມປອດໄພໃນສັງຄົມ ເພື່ອຊີວິດທີ່ສະຫງົບສຸກ ແລະ ວັດທະນາຖາວອນຂອງປະຊາຊົນສອງປະເທດ. ກຳລັງຕຳຫຼວດສອງປະເທດ ຕ້ອງເພີ່ມທະວີການຮ່ວມມືຢ່າງແໜ້ນແຟ້ນ, ຮອບດ້ານກວ່າອີກ, ໃນນັ້ນ ໜ້າທີ່ຂອງສອງສຳນັກງານຜູ້ຕາງໜ້າ ຕຳຫຼວດ ຫວຽດນາມ ແລະ ລາວ ດ້ວຍພັນທະໜ້າທີ່ເປັນຂົວຕໍ່ລະຫວ່າງສອງກະຊວງ ມີບົດບາດສຳຄັນທີ່ສຸດ.
ສ່ວນທ່ານ ຄອນສີ ເນົາວະລາດ ຢັ້ງຢືນວ່າ, ໃນຖານະຕຳແໜ່ງໃໝ່, ທ່ານຈະສືບຕໍ່ເປັນຂົວຕໍ່ປະກອບສ່ວນປັບປຸງການພົວພັນຮ່ວມມືມິດຕະພາບແບບພິເສດ ລະຫວ່າງສອງປະເທດເວົ້າລວມ, ລະຫວ່າງກະຊວງປ້ອງກັນຄວາມສະຫງົບລາວ ແລະ ກະຊວງຕຳຫຼວດ ຫວຽດນາມ ເວົ້າສະເພາະ ໃຫ້ພັດທະນາຂຶ້ນສູ່ລະດັບສູງໃໝ່, ເພື່ອຜົນປະໂຫຍດຂອງປະຊາຊົນສອງປະເທດ.
