( ພາບປະກອບ )
( vovworld ) - ວັນທີ 25/2, ຢູ່ນະຄອນຫຼວງມົດສະກູ ໄດ້ດຳເນີນການຝຶກອົບຮົມຄັ້ງໃຫຍ່ກ່ຽວກັບວຽກງານການເລືອກຕັ້ງປະທານາທິບໍດີລັດເຊຍ. ການຝຶກອົບຮົມຄັ້ງນີ້ຖືກຈັດຂື້ນຢູ່ 12 ຈຸດປ່ອນບັດເລືອກຕັ້ງໃນທົ່ວນະຄອນ. ນີ້ແມ່ນການເຄື່ອນໄຫວເຊິ່ງນອນໃນຂອບເຂດລາຍການ “ ວັນເປີດປະຕູ ” ຂອງຄະນະກຳມະການເລືອກຕັ້ງສູນກາງລັດເຊຍ ເພື່ອແນໃສ່ໂຄສະນາເຖິງມະຫາຊົນການດຳເນີນການເລືອກຕັ້ງຄືແນວໃດຢ່າງລະອຽດ ແລະ ກ້ວາງຂວາງ. ນີ້ກໍແມ່ນການເຄື່ອນໄຫວເຊິ່ງໄດ້ຈັດຕັ້ງເປັນຄັ້ງທຳອິດ. ໃນການຝຶກອົບຮົມ, ບັນດາຜູ້ຈັດຕັ້ງໄດ້ທົດລອງຂື້ນແຜນການມີຜູ້ອອກສະໝັກຮັບເລືອກຕັ້ງ 5 ທ່ານ. ຜູ້ມີສິດເລືອກຕັ້ງຈະເລືອກເອົາທ່ານໜື່ງໃນຈຳນວນບັນຊີລາຍຊື່ຜູ້ອອກສະໜັກຮັບເລືອກຕັ້ງທົດລອງດັ່ງກ່າວ. ຜູ້ຕາງໜ້າສື່ມວນຊົນ, ຜູ້ຕາງໜ້າພັກຝ່າຍການເມືອງ, ບັນດາອົງການມະຫາຊົນພວມແຕ່ງຕັ້ງຜູ້ສັງເກດການໃຫ້ແກ່ການເລືອກຕັ້ງ.
