(vovworld) – ຕອນເຊົ້າວັນທີ 23/12, ຢູ່ຮ່າໂນ້ຍ, ອົງການກວດກາລັດຖະບານ ໄດ້ສົມທົບກັບທະນາຄານໂລກ (WB) ຈັດກອງປະຊຸມສະຫຼຸບລາຍການຂໍ້ລິເລີ່ມປ້ອງກັນ, ຕ້ານການສໍ້ລາດບັງຫຼວງຫວຽດນາມ ປີ 2013 (VACI 2013). ຕີລາຄາກ່ຽວກັບ VACI 2013, ບັນດາຜູ້ແທນຖືວ່າ ຫົວຂໍ້ “ເພີ່ມທະວີລັກສະນະກະຈ່າງແຈ້ງ, ຊື່ຕົງບໍ່ລິສຸດ ແລະ ຮັບຜິດຊອບໜ້າທີ່ອະພິປາຍ, ຫຼຸດຜ່ອນການສໍ້ລາດບັງຫຼວງ” ຂອງ VACI 2013 ໄດ້ມີກຳລັງແຜ່ລາມຢ່າງກວ້າງຂວາງໃນວົງຄະນະຍາດສັງຄົມ, ບັນດາອົງການ, ອົງການຈັດຕັ້ງ, ຫົວໜ່ວຍ, ໂດຍສະເພາະແມ່ນບັນດາອົງການຈັດຕັ້ງສັງຄົມ, ປະຊາຊົນຢູ່ຂັ້ນຮາກຖານ. ຜ່ານລາຍການ, ໄດ້ເຮັດໃຫ້ແນວຄວາມຄິດ ກ່ຽວກັບບົດບາດຂອງປະຊາຊົນໃນບັນດາຂໍ້ຕົກລົງຂອງອຳນາດການປົກຄອງຂັ້ນຕາແສງປ່ຽນແປງ, ກົດລະບຽບປະຊາທິປະໄຕຂັ້ນຮາກຖານໄດ້ຮັບການເຜີຍແຜ່ຢ່າງກວ້າງຂວາງກວ່າ. ໃນໄລຍະຈະມາເຖິງ, ລາຍການຄວນສືບຕໍ່ເສີມຂະຫຍາຍບັນດາໝາກຜົນທີ່ບັນລຸໄດ້, ເປີດກວ້າງບັນດາແຜນຮ່າງກ່ຽວກັບການນຳໃຊ້, ບຳລຸງສ້າງ ມຸ່ງໄປເຖິງເປົ້າໝາຍແມ່ນລຸ້ນໜຸ່ມ, ນັກຮຽນ, ນັກສຶກສາ.
VACI ແມ່ນການເສັງຫົວຄິດປະດິດສ້າງເພື່ອແນໃສ່ຊອກຫາບັນດາແຜນຮ່າງທີ່ດີເດັ່ນ, ມີຫົວຄິດປະດິດສ້າງ, ມີຄວາມສາມາດປະຕິບັດໄດ້ສູງ ເພື່ອແນໃສ່ເພີ່ມທະວີລັກສະນະກະຈ່າງແຈ້ງ ແລະ ຊື່ຕົງບໍລິສຸດ ແລະ ຄວາມຮັບຜິດຊອບໜ້າທີ່ອະພິປາຍ, ປະກອບສ່ວນຫຼຸດຜ່ອນການສໍ້ລາດບັງຫຼວງຢູ່ຫວຽດນາມ.
