ລາວ ມອບຫຼຽນໄຊໃຫ້ການນຳເຂດເສດຖະກິດພິເສດ ລອງແທງ
ການນຳເຂດເສດຖະກິດພິເສດ ລອງແທງຮັບຫຼຽນໄຊ
ພາບ:tintuc.vnn.vn
( vovworld ) – ວັນທີ 27/2, ຢູ່ ວຽງຈັນ, ປະທານສະມາຄົມນັກຮົບເກົ່າລາວ ໄດ້ມອບຫຼຽນໄຊແຮງງານຊັ້ນ 2 ໃຫ້ແກ່ທ່ານ ເລວັນກຽມ, ປະທານສະພາບໍລິຫານເຂດເສດຖະກິດພິເສດ ລອງແທງ-ວຽງຈັນ; ມອບຫຼຽນໄຊແຮງງານຊັ້ນ 3 ໃຫ້ແກ່ທ່ານນາງ ເຈີ່ນເກີມຍູງ, ຜູ້ອຳນວຍການ ແລະ ທ່ານ ເລຮູຍຮ່ວາງ, ຮອງຜູ້ອຳນວຍການເຂດເສດຖະກິດພິເສດ ລອງແທງ-ວຽງຈັນ ຍ້ອນມີຜົນງານດີເດັ່ນໃນການຊ່ວຍສະມາຄົມນັກຮົບເກົ່າລາວ , ປະກອບສ່ວນສຳຄັນເຂົ້າໃນການເສີມຂະຫຍາຍນ້ຳໃຈມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ. ກ່າວຄຳເຫັນທີ່ພິທີ, ທ່ານພົນຈັດຕາວາ ສົມພອນ ແກ້ວມີໄຊ ໄດ້ຕີລາຄາສູງບັນດາການເຄື່ອນໄຫວທີ່ມີຄວາມໝາຍຂອງຄອບຄົວທ່ານ ເລວັນກຽມ ໃນຫຼາຍປີຜ່ານມາ, ພິເສດແມ່ນໃນບັນດາຂະບວນການກຸສົນຄື: ຕອບບູນແທນຄູນ; ກູ້ຊ່ວຍບັນດາຜູ້ປະສົບເຄາະຮ້າຍຈາກໄພທຳມະຊາດ-ໂລກລະບາດ, ກໍ່ສ້າງໂຮງຮຽນໃຫ້ເດັກນ້ອຍຢູ່ເຂດທຸກຍາກ, ກໍ່ສ້າງເຮືອນແຫ່ງສາຍຈິດສາຍໃຈ, ເຮືອນສາມັກຄີໃຫ້ຄອບຄົວນະໂຍບາຍ, ປະຊາຊົນລາວບັນດາເຜົ່າໃນເຂດຖານທີ່ໝັ້ນປະຕິວັດ….
