 ທ່ານ ບຸນປອນ ສີສຸລາດ ແລະ ທ່ານນາງ ຫງວຽນທິກວຽດເຕີມ |
ວັນທີ 11 ມັງກອນ, ທ່ານນາງ ຫງວຽນທິກວຽດເຕີມ, ປະທານສະພາປະຊາຊົນນະຄອນ ໂຮ່ຈີມິນ ໄດ້ຕ້ອນຮັບ ທ່ານ ບຸນປອນ ສີສຸລາດ, ຫົວໜ້າກຳມາທິການເສດຖະກິດ, ເຕັກໂນໂລຢີ ແລະ ສິ່ງແວດລ້ອມ ສະພາແຫ່ງຊາດ ລາວ, ພວມຢ້ຽມຢາມ ແລະ ເຮັດວຽກຢູ່ ຫວຽດນາມ.
ທ່ານນາງ ຫງວຽນທິກວຽດເຕີມ ໃຫ້ຮູ້ວ່າ: ໃນໄລຍະຈະມາເຖິງ, ສະພາປະຊາຊົນນະຄອນ ໂຮ່ຈີມິນ ຈະມານະພະຍາຍາມສະໜິດຕິດພັນກັບສະພາປະຊາຊົນບັນດາທ້ອງຖິ່ນຂອງລາວ ເພື່ອແນໃສ່ແບ່ງປັນບົດຮຽນໃນການເຄື່ອນໄຫວຂອງອົງການເປັນຕົວແທນຂອງປະຊາຊົນໃນທ້ອງຖິ່ນ, ປະກອບສ່ວນເຮັດໃຫ້ການພົວພັນ ຫວຽດນາມ - ລາວ ໃຫ້ນັບມື້ນັບຮອບດ້ານ, ເລິກເຊິ່ງກ່ວາ.
ສ່ວນທ່ານ ບຸນປອນ ສີສຸລາດ ໃຫ້ຮູ້ວ່າ: ປະຈຸບັນ, ກົດໝາຍວ່າດ້ວຍການຄຸ້ມຄອງທີ່ດິນຂອງລາວ ພວມຢູ່ໃນວິວັດການຮຽບຮຽງ. ດັ່ງນັ້ນ, ການຢ້ຽມຢາມຂອງຄະນະຜູ້ແທນແມ່ນເພື່ອແນໃສ່ຮ່ຳຮຽນເອົາບົດຮຽນ ກ່ຽວກັບການຄຸ້ມຄອງທີ່ດິນຂອງ ຫວຽດນາມ ກໍ່ຄືຂອງນະຄອນ ໂຮ່ຈີມິນ ແລະ ບັນດາບົດຮຽນນີ້ຈະໄດ້ຮັບການຄັດເລືອກເພື່ອນຳເຂົ້າກົດໝາຍວ່າດ້ວຍການຄຸ້ມຄອງ ທີ່ດິນຂອງລາວ. ສະພາແຫ່ງຊາດກໍ່ປາດຖະໜາວ່າ ສະພາປະຊາຊົນນະຄອນໂຮ່ຈີມິນ ຈັດສົ່ງຄະນະ ໄປເຮັດວຽກ ແລະ ແບ່ງປັນບົດຮຽນໃນການເຄື່ອນໄຫວກັບບັນດາທ້ອງຖິ່ນຂອງລາວ ໂດຍໄວໃນໄລຍະຈະມາເຖິງ.
