 ທ່ານ ຫງວຽນເທ໋ກີ້ ແລະ ທ່ານ ບໍແສງຄຳ ວົງດາລາ |
ນີ້ແມ່ນການເຄື່ອນໄຫວນອນໃນຂອບເຂດການຢ້ຽມຢາມ ແລະ ເຮັດວຽກຢູ່ລາວ ແຕ່ວັນທີ 18 – 21 ພະຈິກ ຂອງຄະນະຜູ້ແທນ VOV ໂດຍທ່ານ ຫງວຽນເທ໋ກິ້, ຜູ້ອຳນວຍການໃຫຍ່ VOV ເປັນຫົວໜ້າຄະນະ. ເຂົ້າຮ່ວມການພົບປະເຈລະຈາກໍ່ຍັງມີ ທ່ານລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ບໍແສງຄຳ ວົງດາລາ, ທ່ານອັກຄະລັດຖະທູດ ຫວຽດນາມ ປະຈຳລາວ ຫງວຽນແທງຕູ່ງ. ການນຳ ວິທະຍຸທັງສອງ ໄດ້ພ້ອມກັນທົບທວນຄືນໝາກຜົນການຮ່ວມມືໃນໄລຍະທີ່ຜ່ານມາ ຕາມເນື້ອໃນຈິດໃຈບົດບັນທຶກຂໍ້ຕົກລົງຮ່ວມມືໄລຍະ 2015 – 2018. ຕາມນັ້ນແລ້ວ, 2 ຝ່າຍໄດ້ປະຕິບັດບັນດາມາດຕາໃນຂໍ້ຕົກລົງຮ່ວມມືເປັນຢ່າງດີ. ທ່ານຜູ້ອຳນວຍການໃຫຍ່ VOV ຫງວຽນເທ໋ກິ້ ຢືນຢັນວ່າ: ຈະເຮັດຈົນສຸດຄວາມສາມາດຂອງຕົນ ເພື່ອຊ່ວຍບຳລຸງສ້າງພະນັກງານຄຸ້ມຄອງ, ນັກຂ່າວ, ນັກເຕັກນິກ ໃຫ້ແກ່ ວິທະຍຸກະຈາຍສຽງແຫ່ງຊາດ ລາວ ໃນໄລຍະທີ່ຈະມາເຖິງ. ແລະກໍ່ໃນວັນດຽວກັນ, ຄະນະຜູ້ແທນ VOV ໄດ້ໄປຢ້ຽມຢາມ ວິທະຍຸກະຈາຍສຽງແຫ່ງຊາດ ລາວ, ຢ້ຽມຢາມ ສະຖານທູດ ຫວຽດນາມ ປະຈຳ ລາວ.
