(ພາບ: ເລເຟືອງ-VOV5) |
ທີ່ການຕ້ອນຮັບ, ທ່ານຮອງຜູ້ອຳນວຍການໃຫ່ຍ ວິທະຍຸກະຈາຍສຽງ ຫວຽດນາມ ໂງມິນຫຽນ ໄດ້ແນະນຳໂດຍຫຍໍ້ ກ່ຽວກັບບັນດາຫົວໜ່ວຍຂອງວິທະຍຸກະຈາຍສຽງ ຫວຽດນາມ ກໍ່ຄືບັນດາການເຄື່ອນໄຫວໂຄສະນາ ແລະ ຮ່ວມມືສາກົນຂອງວິທະຍຸກະຈາຍສຽງ ຫວຽດນາມ ໃນຕະຫຼອດ 80 ປີຜ່ານມາ:
“ມາຮອດປະຈຸບັນ, ວິທະຍຸກະຈາຍສຽງ ຫວຽດນາມ ມີການຮ່ວມມືກັບ 44 ອົງການກະຈາຍສຽງ, ໂທລະພາບ ແລະ ບັນດາສະຖານີວິທະຍຸ ໂທລະພາບໃຫ່ຍໃນໂລກ. ໃນນັ້ນ, ລາວ ແມ່ນຄູ່ຮ່ວມມືພິເສດ. ວິທະຍຸແຫ່ງຊາດ ລາວ, ບັນດາອົງການສື່ມວນຊົນຂອງ ລາວ ແມ່ນໜຶ່ງໃນບັນດາຄວາມສົນໃຈພິເສດຂອງວິທະຍຸກະຈາຍສຽງ ຫວຽດນາມ. ແຕ່ລະປີ, ລັດຖະບານ ຫວຽດນາມ ໄດ້ສະຫງວນໃຫ້ແກ່ ລາວ ບ້ວງເງິນອຸປະຖຳ ODA ທີ່ແນ່ນອນຜ່ານວິທະຍຸແຫ່ງຊາດ ລາວ”.
(ພາບ: ເລເຟືອງ-VOV5) |
ສ່ວນທ່ານ ສາຄອນ ພົມມະລາດ ໄດ້ສະແດງຄວາມປາດຖະໜາຢາກທາບທາມບົດຮຽນຂອງວິທະຍຸກະຈາຍສຽງ ຫວຽດນາມ ກ່ຽວກັບກົນໄກຕິຕາມກວດກາ, ກວດກາເນື້ອໃນຂໍ້ມູນໂຄສະນາ; ປະຕິບັດການເຄື່ອນໄຫວໂຄສະນາແຜນນະໂຍບາຍ, ແນວທາງຂອງພັກ, ນະໂຍບາຍ, ກົດໝາຍຂອງລັດ; ການໂຄສະນາປະຕິເສດຂໍ້ມູນທີ່ຜິດເຂວ, ເສກສັນປັ້ນແຕ່ງ; ກົນໄກຕິດຕາມກວດກາຫາງສຽງສັງຄົມ; ແກ້ໄຂຄວາມຫຍຸ້ງຍາກ, ສິ່ງທ້າທາຍຂອງວິທະຍຸກະຈາຍສຽງ ຫວຽດນາມ ໃນຈຸດເວລາທີ່ສື່ສັງຄົມອອນໄລລະເບີດຂຶ້ນຄືໃນປະຈຸບັນ. ທ່ານໄດ້ຂອບອົກຂອບໃຈການແບ່ງປັນຂອງການນຳວິທະຍຸກະຈາຍສຽງ ຫວຽດນາມ ແລະ ຕີລາຄາວ່າ ນີ້ແມ່ນບັນດາບົດຮຽນທີ່ມີປະໂຫຍດ, ປະກອບສ່ວນຊ່ວຍຄະນະໂຄສະນາອົບຮົມ ສູນກາງພັກ ປຊຊ ປະຕິວັດ ລາວ ໃນວຽກງານຄຸ້ມຄອງ ແລະ ພັດທະນາລະບົບສື່ມວນຊົນ ແລະ ໂຄສະນາຢູ່ ລາວ.
