ທີ່ສູນພົວພັນແລກປ່ຽນວັດທະນະທຳ ຍີ່ປຸ່ນ (ເຮືອນເລກທີ 27 ຖະໜົນ ກວາງຈູງ, ຮ່າໂນ້ຍ) ພວມດຳເນີນງານວາງສະແດງ ສັງກາດປຼາດຕິກ ເຊິ່ງແມ່ນງານວາງສະແດງບັນດາຜົນງານສິລະປະທີ່ເປັນເອກະລັກສະເພາະຂອງນັກສິລະປິນ ຍີ່ປຸ່ນ ທີ່ມີຊື່ສຽງສາກົນ Fuji Hiroshi.

ນັກສິລະບິນ Fuji Hiroshi ໃຫ້ຮູ້ວ່າ: ໂດຍຮັບຮູ້ໄດ້ວ່າ ການພັດທະນາຢ່າງແຮງຂອງບັນດາຜະລິດຕະພັນປຼາດຕິກພວມກໍ່ຜົນຮ້າຍຕໍ່ສິ່ງແວດລ້ອມ, ທ່ານໄດ້ເລີ່ມຕົ້ນວິວັດການຫັນບັນດາວັດຖຸເສດເຫຼືອ ກາຍເປັນຜະລິດຕະພັນສິລະປະ, ສົ່ງສານກ່ຽວກັບສິ່ງແວດລ້ອມ ແລະ ຄວາມຮັບຜິດຊອບໃນການບໍລິໂພກ.

ຂ້າພະເຈົ້າຄິດເຖິງຮູບພາບ ໄດໂນເສົາ - ເຊິ່ງເປັນສັດບູຮານທີ່ຄົງຕົວນັບລ້ານປີ ແລະ ໄດ້ສືບທອດມາຮອດປັດຈຸບັນ. ເພາະສະນັ້ນ, ຂ້າພະເຈົ້າໄດ້ເລືອກເອົາ ໄດໂນເສົາເປັນສັນຍາລັກຂອງບັນດາຜົນງານປຼາດຕິກຂອງຕົນ. ເດັກນ້ອຍຍັງບໍ່ຮູ້ຜົນກະທົບຢ່າງຫຍໍ້ທໍ້ຂອງ ປຼາດຕິກ ຕໍ່ສິ່ງແວດລ້ອມໄດ້ໝົດ, ແຕ່ຂ້າພະເຈົ້າຫວັງວ່າ ຜ່ານງານວາງສະແດງນີ້, ພວກນ້ອງນ້ອຍຈະເຂົ້າໃຈແຈ້ງກ່ຽວກັບບັນຫາມົນລະພິດ”, ນັກສິລະປິນ Fuji Hiroshi ແບ່ງປັນ.

ຈາກເຄື່ອງຫຼິ້ນເກົ່ານັບພັນຢ່າງ, ນັກສິລະປິນໄດ້ສ້າງບັນດາຜົນງານທີ່ເປັນໜ້າປະທັບໃຈກ່ຽວກັບໄດໂນເສົາ ແລະ ສັດປ່າຈຳນວນໜຶ່ງ.

ງານວາງສະແດງສິລະປະ ສັງກາດປຼາດຕິກ ນຳມາເຊິ່ງສະຖານທີ່ທີ່ມີສີສັນຢ່າງຟົດຟຶ້ນ. ຜົນງານແຕ່ລະຢ່າງລ້ວນແຕ່ໄດ້ຮັບການສ້າງຂຶ້ນຈາກເຄື່ອງຫຼິ້ນເກົ່ານັບພັນຢ່າງທີ່ມີຄົບຂະໜາດ ແລະ ມີຮູບແບບທີ່ອຸດົມສົມບູນ.

ທີ່ງານວາງສະແດງ, ແຂກຢ້ຽມຊົມສາມາດພົບເຫັນເຄື່ອງຫຼິ້ນທີ່ເລິ້ງເຄີຍຢ່າງງ່າຍດາຍ

ບັນດາຜະລິດຕະພັນໄດ້ປະກອບຢ່າງລະອຽດລະອໍ

ດ້ວຍສີສັນຫຼາກຫຼາຍ ງານວາງສະແດງດັ່ງກ່າວໄດ້ສ້າງຄວາມປະທັບໃຈຕໍ່ມະຫາຊົນທີ່ມາຊົມເປັນຈຳນວນຫຼາຍ, ພິເສດແມ່ນເດັກນ້ອຍ

ເມື່ອເຂົ້າຊົມ, ມະຫາຊົນອາດສາມາດເຂົ້າຮ່ວມບັນດາລາຍການລະຫຼິ້ນ ເພື່ອຮັບບັນດາຂອງຂວັນທີ່ຈັບໃຈຢູ່ທີ່ນີ້

ງານວາງສະແດງເປີດປະຕູໂດຍບໍ່ເກັບຄ່າ ຈົນຮອດໝົດວັນທີ 01 ມິຖຸນາ 2025 ຢູ່ສູນພົວພັນແລກປ່ຽນວັດທະນະທຳ ຍີ່ປຸ່ນ ປະຈຳ ຫວຽດນາມ, ເຮືອນເລກທີ 27 ຖະໜົນກວາງຈູງ, ເມືອງຮວ່ານກຽມ, ຮ່າໂນ້ຍ.

ສັງກາດປຼາດຕິກ ນຳມາເຊິ່ງສານທີ່ເລິກເຊິ່ງກ່ຽວກັບການປົກປັກຮັກສາສິ່ງແວດລ້ອມ