( vovworld ) - ຕອນເຊົ້າວັນທີ 16/2, ຢູ່ນະຄອນ ໂຮ່ຈິມິນ, ໄດ້ດຳເນີນກອງປະຊຸມຄະນະກຳມະການສາມັກຄີ ຄິຼດທະສາສະໜາ ຫວຽດນາມ ຄັ້ງທີ 3, ອາຍຸການ 2008 - 2013 ເພື່ອແນໃສ່ຕີລາຄາໝາກຜົນ 3 ປີ ( 2009 - 2011 ) ແຫ່ງການປະຕິບັດມະຕິກອງປະຊຸມໃຫຍ່ຜູ້ແທນຊາວ ຄິຼດ ຫວຽດນາມ ສ້າງສາ ແລະ ປົກປັກຮັກສາປະເທດຊາດ ແລະ ຜັນຂະຫຍາຍໜ້າທີໃນໄລຍະທີ່ຈະມາເຖິງ. ບົດລາຍງານທີ່ກອງປະຊຸມໄດ້ຊີ້ໃຫ້ເຫັນວ່າ ໃນ 3 ປີທີ່ຜ່ານມາ, ປະຊາຊົນຊາວ ຄິຼດ ໃນທົ່ວປະເທດໄດ້ປະກອບສ່ວນເຂົ້າໃນຂົງເຂດເສດຖະກິດ, ການລົບລ້າງຄວາມອຶດຫິວຫຼຸດຜ່ອນຄວາມທຸກຍາກ ແລະ ວຽກງານກຸສົນທາງສັງຄົມຢ່າງຕັ້ງໜ້າ ແລະ ມີປະສິດທິຜົນ. ສະເພາະປີ 2009, ຊາວ ຄິຼດ ໄດ້ ບໍລິຈາກກວ່າ 300 ຕື້ດົ່ງ ໃຫ້ແກ່ວຽກງານກຸສົນທາງສັງຄົມ, ບໍລິຈາກນັບຮ້ອຍຕື້ດົງໃຫ້ກອງທຶນເພື່ອຄົນທຸກຍາກ ແລະ ບັນດາໂຄງການຮັບປະກັນຊີວິດສັງຄົມ. ກອງປະຊຸມໄດ້ກຳນົດໄດ້ຈຸດໝາຍໃນປີ 2012 ນີ້ ແລະ ໃນຊຸມປີຕໍ່ໆໄປ ແມ່ນ ສືບຕໍ່ຂົນຂວາຍຊາວ ຄິຼດ ເສີມຂະຫຍາຍມູນເຊື້ອຮັກຊາດດ້ວຍການກະທຳອັນລະອຽດໃນການອອກແຮງງານທຳການຜະລິດ, ຮໍ່າຮຽນ. ຄຸນພໍ່ ຟານຂັກຕື່, ຮອງປະທານທັງເປັນເລຂາທິການໃຫຍ່ຄະນະກຳມະການສາມັກຄີ ຄິຼດທະສາສະໜາ ຫວຽດນາມ ໃຫ້ຮູ້ວ່າ.
“ເພື່ອເຮັດໃຫ້ຂະບວນການແຂ່ງຂັນຮັກຊາດຂອງພໍ່ແມ່ປະຊາຊົນຊາວ ຄຼິດ ພັດທະນາຢ່າງເລິກເຊິ່ງ ແລະ ກ້ວາງແຂວງ, ຄວນເອົາໃຈໃສ່ເຖິງວຽກງານໂຄສະນາເຜີຍແຜ່, ສືກສາຢ່າງກ້ວາງຂວາງໃນໝູ່ຊາວ ຄຼີດ ບັນດາແຜນນະໂຍບາຍຂອງພັກ, ກົດໝາຍຂອງລັດ. ທີ່ 2 ແມ່ນປະຕິບັດຕາມທິດນຳ ຈຸດປະສົ່ງຂອງຂະບວນການແຂ່ງຂັນຮັກຊາດ, ປຸກລະດົມຊາວ ຄຼິດ ປະຕິບັດຄວາມຮັບຜິດຊອບຂອງຊາວ ຄຼິດ ກໍ່ຄືບົດບາດເປັນພົນລະເມືອງຂອງຕົນຢ່າງຄົບຖ້ວນ”.
