 ສປຊ ຍົກລະດັບຕຳຫຼວດຮັກສາສັນຕິພາບ ຫວຽດນາມຂຶ້ນລະດັບ 3 (ພາບ: TTXVN) |
ຕາມແຈ້ງການຂອງຫ້ອງການຕຳຫຼວດ, ກົມເຄື່ອນໄຫວສັນຕິພາບ ສປຊ, ຫວ່າງແລ້ວນີ້, ກົມກອງຕຳຫຼວດຮັກສາສັນຕີພາບເລກ 1 ຂອງ ຫວຽດນາມ(VNFPU1) ໄດ້ອະນຸມັດຜ່ານຍົກລະດັບ 2 ຂຶ້ນລະດັບ 3 ໃນລະບົບກຽມພ້ອມຄວາມສາມາດຂອງ ສປຊ. ນີ້ແມ່ນການຢັ້ງຢືນຂອງ ສປຊ ຕໍ່ລະດັບບູລະນະຢ່າງຮອບດ້ານຂອງກົມກອງກ່ຽວກັບການຈັດຕັ້ງ, ຈຳນວນຄົນ, ຜູ້ບັນຊາການ - ເສນາທິການ, ກໍ່ຄືຄວາມສາມາດໃນການປະຕິບັດວຽກງານຕົວຈິງ ຜ່ານບັນດາບັ້ນຕີລາຄາ, ກວດກາຢູ່ກັບທີ່.
ການບັນລຸລະດັບ 3 ຊ່ວຍ VNFPU1 ມີທີ່ຕັ້ງເປັນເຈົ້າການກ່ວາໃນກົນໄກແບ່ງກຳລັງຂອງ ສປຊ, ເປີດກວ້າງຄວາມສາມາດທີ່ໄດ້ຮັບການຄັດເລືອກຈັດສົ່ງໄປຍັງບັນດາສະຖານທີ່ຈຸດສຸມ. ຜ່ານນັ້ນ, ສຽງເວົ້າ ແລະ ບົດຮຽນປະສົບການຂອງຕຳຫຼວດ ຫວຽດນາມ ສືບຕໍ່ໄດ້ແຜ່ກະຈາຍ, ປະກອບສ່ວນໂດຍກົງເຂົ້າການຮັກສາສະຖຽນລະພາບ, ປັບປຸງກົດໝາຍຢູ່ບັນດາປະເທດຕ້ອນຮັບ, ພ້ອມທັງເພີ່ມທະວີການຮ່ວມມືສອງຝ່າຍ, ຫຼາຍຝ່າຍກ່ຽວກັບຄວາມໝັ້ນຄົງ.
