 (ທ່ານນາງເອກອັກຄະລັດຖະທູດ ວິລາວັນ ເຍ່ຍປໍເຮີ, ໄດ້ໄປສະຖານທູດ ຫວຽດນາມ ປະຈຳ ລັດເຊຍ ເພື່ອອວຍພອນປີໃໝ່) |
ວັນທີ 25 ມັງກອນ ຜ່ານມາ, ເນື່ອງໃນໂອກາດວັນບຸນເຕັດປະເພນີປີໃໝ່ ຫວຽດນາມ, ຄະນະສະຖານທູດ ລາວ ປະຈຳ ສະຫະພັນລັດເຊຍ, ນຳໂດຍ ທ່ານນາງເອກອັກຄະລັດຖະທູດ ວິລາວັນ ເຍ່ຍປໍເຮີ, ໄດ້ໄປສະຖານທູດ ຫວຽດນາມ ປະຈຳ ລັດເຊຍ ເພື່ອອວຍພອນປີໃໝ່.
ທີ່ພິທີຕ້ອນຮັບ, ທ່ານເອກອັກຄະລັດຖະທູດ ຫວຽດນາມ ປະຈຳ ລັດເຊຍ ດັ໋ງມິງຄອຍ ເໜັ້ນໜັກ: ປີ 2023, ສາຍພົວພັນແບບພິເສດ ຫວຽດນາມ - ລາວ ເວົ້າລວມ, ກໍ່ຄືສາຍພົວພັນ ລະຫວ່າງ ສອງສະຖານທູດ ຫວຽດນາມ ແລະ ລາວ ເວົ້າສະເພາະ, ໄດ້ມີການພັດທະນາເປັນຢ່າງດີ.
ເອກອັກຄະລັດຖະທູດທັງສອງທ່ານຫວັງວ່າ ປີ 2024, ສາຍພົວພັນຂອງສອງປະເທດຈະນັບມື້ນັບພັດທະນາຢ່າງແຂງແກ່ນຂຶ້ນຕື່ມອີກ, ຕອບສະໜອງໄດ້ເຖິງຄວາມຄາດຫວັງຂອງປະຊາຊົນສອງປະເທດ. ເອກອັກຄະລັດຖະທູດ ຫວຽດນາມ ປະຈຳ ລັດເຊຍ ດັ໋ງມິງຄອຍ ແລະ ທ່ານນາງເອກອັກຄະລັດຖະທູດ ວິລາວັນ ເຍ່ຍປໍເຮີ ໄດ້ເຫັນດີເປັນເອກະພາບວ່າ ໃນປີ 2024, ສອງສະຖານທູດ ຈະເພີ່ມທະວີການຮ່ວມມືໃຫ້ແໜ້ນແຟ້ນ, ສືບຕໍ່ຈັດບັນດາກິດຈະກຳທີ່ເປັນປະໂຫຍດ, ເຊັ່ນ: ການພົບປະແລກປ່ຽນວັດທະນະທຳ, ສິລະປະ, ກິລາ, ແນໃສ່ຮັດແໜ້ນຄວາມຮັກແພງລະຫວ່າງພະນັກງານ, ລັດຖະກອນ ສະຖານທູດ ຫວຽດນາມ ແລະ ລາວ ປະຈຳ ລັດເຊຍ.
