 ລາຍການ ຈຸດນັດພົບ ຊາວຫວຽດນາມ ອາໄສຢູ່ຕ່າງປະເທດ ເພື່ອແນໃສ່ຊຸກຍູ້ການເຊື່ອມຕໍ່ວິສາຫະກິພາຍໃນປະເທດ ແລະນັກທຸລະກິດ ຫວຽດນາມ ຢູ່ ຕ່າງປະເທດ. ພາບ: MP |
ຈາກສະພາບຕົວຈິງໃນການນຳເອົາຜະລິດຕະພັນເຫັດລິ້ນຈື່ເຂົ້າເຄືອຂ່າຍຈຳຫນ່າຍຢູ່ ຊ່ອງການຄ້າເອເລັກໂຕນິກ (ແອັບ/APP ຂາຍເຄື່ອງອອນລາຍ) Amazon ຂອງ ອາເມລິກາ, ທ່ານ ປອ ເລຮ່ວາງເທ, ຊາວ ຫວຽດນາມ ອາໄສຢູ່ ຍີ່ປ່ນ, ຜູ້ອຳນວຍການ ບໍລິສັດລະບົບນິເວດ The VOS ຈຳກັດ ຢືນຢັນ: ນອກຈາກຄຸນນະພາບຂອງຜະລິດຕະພັນ, ເລື່ອງແຈ້ງທີ່ມາຂອງສິນຄ້າ ແມ່ນມີຄວາມສຳຄັນ ຊື່ງໄດ້ເຂົ້າໃຈຄືແມ່ນ “ລະຫັດຕົ້ນກຳເນີດ” ໃຫ້ແກ່ສິນຄ້າເພື່ອໃຫ້ຜູ້ບໍລິໂພກຕ່າງປະເທດສາມາດກວດກາ ແລະ ມີຄວາມເຊື່ອໝັ້ນໃນການຊົມໃຊ້ສິນຄ້າ.
“ເພື່ອໃຫ້ມີຜະລິດຕະພັນຢ່າງຫນຶ່ງຈາກ ຫວຽດນາມ ສົ່ງໄປຍັງຕະຫລາດ ອາເມລິກາ, ວຽກທຳອິດແມ່ນ ຕ້ອງຢັ້ງຢືນໄດ້ວ່າ ທຸກຜະລິດຕະພັນ ລ້ວນແຕ່ຕ້ອງມີໃບຢັ້ງຢືນ, ມີບັດປະດິດຄິດສ້າງ ແລະ ມີການວິໄຈຕາມແຕ່ລະໄລຍະ”.
ກໍ່ເນັ້ນຫນັກກ່ຽວກັບຄວາມສຳຄັນຂອງເລື່ອງແຈ້ງແຫລ່ງທີ່ມາຂອງສິນຄ້າ ເມື່ອສົ່ງອອກໄປຍັງຕະຫລາດຕ່າງປະເທດ, ທ່ານ ຫງວຽນງອກລ້ວນ, CEO ບໍລິສັດຮ່ວມສຳພັນການຄ້າທົ່ວໂລກຈຳກັດ ດ້ວຍຜະລິດຕະພັນແມ່ນ ກາເຟລົດໝາກໄມ້ເຄື່ອງໝາຍ Meet More Coffee ແບ່ງປັນວ່າ:
“ສຳລັບພວກຂ້າພະເຈົ້າ, ບັນຫາທຳອິດແມ່ນເຂົ້າຮ່ວມຂັ້ນຕອນ ISO, ຕ້ອງມີເອກະສານ ແລະ ຖານຂໍ້ມູນຄົບຖ້ວນໃນແຕ່ລະງວດສິນຄ້າ, ຫລັງຈາກນັ້ນ ເອົາຂໍ້ມູນທັງໝົດຂຶ້ນປະຕູຖານຂໍ້ມູນ ດ້ວຍ QR code ຫລື ຂໍ້ມູນກ່ຽວກັບເຕັກໂນໂລຊີ. ວິສາຫະກິດ ຕ້ອງມີພາກສ່ວນກວດກາພາຍໃນ, ນີ້ແມ່ນສິ່ງສຳຄັນ, ຄວນໄດ້ລົງທຶນເຂົ້າກົງຈັກຄຸ້ມຄອງຄຸນນະພາບ”.
ມາຮອດປະຈຸບັນ, ຜະລິດຕະພັນ Meet More ໄດ້ດຶງດູດລູກຄ້າຫລາຍໆຄົນ ດ້ວຍອັດຕາສ່ວນວາງຂາຍຢູ່ຫລາຍຮ້ານສັບພະສິນຄ້າ, ຮ້ານຄ້າໃຫຍ່ນ້ອຍໃນທົ່ວປະເທດເປັນຈຳນວນຫຼາຍ. ບໍ່ພຽງແຕ່ເທົ່ານັ້ນ Meet More ຍັງໄດ້ສົ່ງໄປຂາຍຢູ່ເກືອບ 20 ຕະຫລາດກາເຟໃນໂລກຄື: ອິນເດຍ, ຍີ່ປຸ່ນ, ສ.ເກົາຫລີ, ອາເມລິກາ, ອົດສະຕາລີ..
ຄຽງຄູ່ກັນນັ້ນ ມີວິສາຫະກິດຫລາຍແຫ່ງໄດ້ລົງທຶນໃຫຍ່ໃຫ້ແກ່ການແຈ້ງແຫລ່ງທີ່ມາຂອງສິນຄ້າຄື: ລົງທຶນລາຍຈ່າຍໃຫ້ແກ່ການບຳລຸງສ້າງແຫລ່ງຊັບພະຍາກອນມະນຸດທີ່ມີລະດັບສູງ, ລາຍຈ່າຍການບຳລຸງສ້າງໃຫ້ພະນັກງານດ້ານເຕັກໂນໂລຊີ, ສ້າງລະບົບຮັບຮູ້ ແລະ ກວດກາຂໍ້ມູນຢ່າງຊັດເຈນ ຕໍ່ເນື່ອງ. ທ່ານນາງ ໂດ໋ຕູ Trace ຜູ້ອຳນວຍການຝ່າຍພົວພັນຕ່າງປະເທດ ບໍລິສັດ Blue Saigon ໃຫ້ຮູ້ວ່າ:
“ພວກຂ້າພະເຈົ້າໄດ້ສ້າງຕັ້ງຖັນແຖວເພື່ອນຳໃຊ້ທັງໝົດ APP ໃນຕະຫລາດ ເພື່ອຮັບໃຊ້ໃຫ້ແກ່ວຽກງານແຈ້ງທີ່ມາຂອງສິນຄ້າ. ມີຫລາຍອົງການຫົວຫນ່ວຍໄດ້ຮ່ວມເດີນທາງ ແລະ ຫນູນຊ່ວຍພວກຂ້າພະເຈົ້າ ເພື່ອສາມາດປະຕິບັດໄດ້ຢ່າງຖືກຕ້ອງຕາມບັນດາມາດຖານທີ່ເໝາະສົມກັບບໍລິສັດສະຫນອງ, ບໍລິສັດຜະລິດ ແລະ ບັນດາຄູ່ຮ່ວມມືນຳເຂົ້າສິນຄ້າ”.
ການແຈ້ງທີ່ມາຂອງສິນຄ້າ ໄດ້ ແລະ ພວມແມ່ນຄວາມຮຽກຮ້ອງແບບບັງຄັບ ເມື່ອ ຫວຽດນາມ ສະຫນອງສິນຄ້າອອກສູ່ຕະຫລາດຫລາຍແຫ່ງໃນໂລກ. ຕົວຢ່າງຄື: ສິນຄ້າປະເພດຜະລິດຕະພັນກະເສດ ຫວຽດນາມ, ບັນດາຕະຫລາດໃຫຍ່ທີ່ນຳເຂົ້າສິນຄ້າປະເພດນີ້ຄື: ຈີນ, ຍີ່ປຸ່ນ, ສ.ເກົາຫລີ, ອາເມລິກາ, ສະຫະພາບເອີລົບ (ອີຢູ) ລ້ວນແຕ່ວາງອອກບັນດາຂໍ້ກຳນົດແບບບັງຄັບກ່ຽວກັບການປະຕິບັດການເຄື່ອນໄຫວແຈ້ງທີ່ມາຂອງສິນຄ້າສຳລັບວິສາຫະກິດ. ທ່ານ ເລືອງມິງຮວນ, ຫົວຫນ້າສະຖາບັນພັດທະນາວິສາຫະກິດ ຖືວ່າ:
“ການແຈ້ງທີ່ມາຂອງສິນຄ້າ ແມ່ນວິທີຫນຶ່ງເພື່ອສະແດງຄວາມໂປ່ງໃສ ແລະ ຄຳໝັ້ນສັນຍາຂອງວິສາຫະກິດສຳລັບຄຸນນະພາບ ແລະ ຕົ້ນກຳເນີດຂອງບັນດາຜະລິດຕະພັນ. ການແຈ້ງທີ່ມາຂອງສິນຄ້າ ຊ່ວຍພິສູດໃຫ້ເຫັນຜະລິດຕະພັນ, ສິນຄ້າ ແມ່ນຕອບສະຫນອງໄດ້ບັນດາມາດຖານຄຸນນະພາບ, ຄວາມປອດໄພ ແລະ ສິ່ງແວດລ້ອມໂດຍໄດ້ກຳນົດຈາກບັນດາອົງການສາກົນ. ສິ່ງນີ້ ສ້າງຄວາມເຊື່ອໝັ້ນຈາກຄູ່ຮ່ວມມືທຸລະກິດ ແລະ ຜູ້ບໍລິໂພກ, ຊຸກຍູ້ການພົວພັນດ້ານການຄ້າ ແລະ ສ້າງທ່າໄດ້ປຽບໃນການແກ້ງແຍ່ງຢູ່ຕະຫລາດສາກົນ”.
 ທ່ານ ຫງວຽນງອກລ້ວນ, CEO Meet More Coffee. (ພາບ: Ngọc Xuân) |
ປະຈຸບັນ, ຫວຽດນາມ ໄດ້ແຊກຊຶມເຂົ້າເລິກເຂົ້າໃນເສດຖະກິດທົ່ວໂລກ ດ້ວຍການເຂົ້າຮ່ວມຫລາຍສັນຍາການຄ້າເສລີ (FTA) ລຸ້ນໃຫມ່. ເພື່ອແກ້ງແຍ່ງຢ່າງມີປະສິດທິຜົນ, ຢັ້ງຢືນຄຸນນະພາບສິນຄ້າ ຫວຽດນາມ ຢູ່ຕະຫລາດຕ່າງປະເທດ, ສ້າງຄວາມເຊື່ອໝັ້ນຕໍ່ຜູ້ບໍລິໂພກໃນໂລກ, ນອກຈາກການຫນູນຊ່ວຍຂອງລັດຖະບານແລ້ວ ກໍ່ຍັງຮຽກຮ້ອງຄວາມມານະພະຍາຍາມຂອງວິສາຫະກິດເອງໃນການທີ່ຍາມໃດກໍ່ປ່ຽນແປງໃຫມ່ຕົນເອງ, ກຳແຫນ້ນ ແລະ ຕອບສະຫນອງບັນດາມາດຖານຢ່າງຄົບຖ້ວນ, ຄວາມຮຽກຮ້ອງຢ່າງເຄັ່ງຄັດທີ່ສຸດຂອງຕະຫລາດປາຍທາງ. ຕ້ອງປະຕິບັດການແຈ້ງທີ່ມາຂອງສິນຄ້າຢ່າງເຂັ້ມງວດ, ໝູນໃຊ້ເຕັກໂນໂລຊີ ຊ່ວຍຜະລິດຕະພັນ, ເຄື່ອງໝາຍການຄ້າ ຫວຽດ ໃຫ້ນັບມື້ນັບມີຫນ້າຢູ່ຕະຫລາດທົ່ວໂລກ.
