(vov wolrd) ຕອນເຊົ້າວັນທີ 4/2, ເມື່ອມາຢ້ຽມຢາມ ແລະ ໂອ້ລົມໃກັບພະນັກງານ, ສະມາຊິດ ສະໂມສອນ ທັງລອງ (ນະຄອນຮ່າໂນ້ຍ), ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ໋ຈ້ອງ ໃຫ້ຮູ້ວ່າ: ປີ 2012, ຫວຽດນາມຕ້ອງສືບຕໍ່ໃຫ້ບຸລິມະສິດແກ່ການຄວບຄຸມໄພເງິນເຟີ້, ຮັກສາເສດຖະກິດມະຫາພາກໃຫ້ເປັນປົກກະຕິ, ຮັກສາການເຕີບໂຕຢູ່ໃນລະດັບເໝາະສົມກັບການປ່ຽນໃໝ່ຮູບແບບການເຕີບໂຕ, ຮັບປະກັນຊີວິດສັງຄົມ. ພ້ອມກັບການພັດທະນາເສດຖະກິດ - ສັງຄົມ, ຫວຽດນາມຕ້ອງຮັບປະກັນສະຖຽນລະພາບດ້ານການເມືອງ, ປັບປຸງການປ້ອງກັນຊາດ - ປ້ອງກັນຄວາມສະຫງົບ, ຮັກສາເອກະລາດ, ອະທິປະໄຕຂອງປະເທດຊາດ. ເລື່ອງຜັນຂະຫຍາຍປະຕິບັດມະຕິກອງປະຊຸມສູນກາງພັກຄັ້ງທີ 4 ກ່ຽວກັບບາງບັນຫາຮີບດ່ວນໃນການກໍ່ສ້າງພັກໃນປະຈຸບັນ, ທ່ານເລຂາທິການໃຫຍ່ຊີ້ແຈງວ່າ: ທົ່ວພັກ, ທົ່ວປວງຊົນພ້ອມກັນປະຕິບັດ, ໃນນັ້ນມີຖັນແຖວພະນັກງານພັກກິນເບ້ຍບຳນານ. ຕາມທ່ານເລຂາທິການໃຫຍ່ແລ້ວ, ຖັນແຖວພະນັກງານພັກກິນເບ້ຍບຳນານ ແມ່ນກຳລັງມີການອຸທິດສ່ວນຢ່າງໃຫຍ່ຫຼວງໃຫ້ແກ່ພາລະກິດປະຕິວັດຜ່ານໄລຍະຕ່າງໆ, ມີລະດັບຄວາມຮູ້ ແລະ ປະຈຸບັນຍັງສືບຕໍ່ປະກອບສ່ວນຫຼາຍຄຳເຫັນ, ພູມປັນຍາຢ່າງສຸດຈິດສຸດໃຈໃຫ້ແກ່ທ້ອງຖີ່ນ ແລະ ພາລະກິດລວມຂອງທົ່ວປະເທດ. ຖັນແຖວພະນັກງານກິນເບ້ຍບຳນານຕ້ອງໄດ້ຮັບຄວາມເອົາໃຈໃສ່, ສ້າງເງື່ອນໄຂເພື່ອສືບຕໍ່ປະກອບສ່ວນ, ບົດຮຽນໃຫ້ແກ່ບ້ານເກີດເມືອງນອນ ແລະ ປະເທດຊາດ.
