( vovworld ) - ຕອນຄໍ່າວັນທີ 15/2, ສະຖານທູດ ສປປ ເກົາຫຼີ ປະຈຳ ຫວຽດນາມ ໄດ້ຈັດພິທີຕ້ອນຮັບແຂກເນື່ອງໃນໂອກາດສະເຫຼີມສະຫຼອງ 70 ປີ ແຫ່ງວັນຄ້າຍວັນເກີດຂອງທ່ານ Kim Jong Il, ອາດີດການນຳສູງສຸດຂອງປະຊາຊົນ ເກົາຫຼີ. ກ່າວຄຳເຫັນທີ່ພິທີ, ທ່ານ Kim Chang In ເອກອັກຄະລັດຖະທູດ ສປປ ເກົາຫຼີ ປະຈຳ ຫວຽດນາມ ແລະ ທ່ານ ເຈືອງຮ່ວາບິ່ງ ເລຂາສູນກາງພັກ, ປະທານສານປະຊາຊົນສູງສຸດ ຫວຽດນາມ ລ້ວນແຕ່ສະແດງຄວາມພາກພູມໃຈຕໍ່ສາຍພົວພັນຮ່ວມມືມິດຕະພາບທີ່ເປັນມູນເຊື້ອລະຫວ່າງສອງປະເທດ ຫວຽດນາມ ແລະ ສປປ ເກົາຫຼີ ໂດຍທ່ານປະທານໂຮ່ຈິມິນ ແລະ ປະທານ Kim Il Sung ເພີ່ມພູນຄຸນສ້າງ ແລະ ໄດ້ຮັບການພັດທະນາຢ່າງດີງາມ. ສອງຝ່າຍເຊື້ອໝັ້ນວ່າ, ສາຍພົວພັນມິດຕະພາບລະຫວ່າງສອງປະເທດຈະນັບມື້ນັບພັດທະນາສອດຄ່ອງກັບຍຸກສະໄໝໃໝ່.
