 ອະດີດປະທານພັກຝ່າຍຄ້ານ SamRainsy
ພາບ:baomoi.com |
(vovworld)-ວັນທີ 30/3, ສານພິພາກສາຂັ້ນຕົ້ນພະນົມເປັນ ໄດ້ອອກຄຳຕັດສິນລົງໂທດ ອະດີດປະທານພັກຝ່າຍຄ້ານກູ້ຊາດ (CNRP) ຖືກຈຳຄຸກ 1 ປີ 8 ເດືອນ, ປັບໄຫມຈຳນວນເງິນປະມານ 10 ລ້ານ ຣຽວ (ເທົ່າກັບປະມານ 2.500 USD) ແລະ ທົດແທນຄວາມເສຍຫາຍດ້ານຈິດໃຈ 100 ຣຽວ (0,025 USD) ໃຫ້ແກ່ທ່ານນາຍົກລັດຖະມົນຕີ ກຳປູເຈຍ Samdech HunSen ຍ້ອນກ່ຽວຂ້ອງເຖິງຄຳກ່າວຫາທ່ານນາຍົກລັດຖະມົນຕີ HunSen ແລະ ລັດຖະບານ ກຳປູເຈຍ ໄດ້ຢືນຢູ່ເບື້ອງຫລັງເຫດເຂັ່ນຂ້ານັກວິເຄາະການເມືອງທີ່ມີຊື່ສຽງຢູ່ ກຳປູເຈຍ Kem Ley. ອະດີດປະທານພັກຝ່າຍຄ້ານກູ້ຊາດ SamRainsy ກໍ່ຖືກລົງໂທດຍ້ອນມີການກະທຳເຢາະເຢີ້ຍສາທາລະນະ ແລະ ປຸກປັ່ນກໍ່ຜົນສະທ້ອນຢ່າງຮ້າຍແຮງເຖິງຄວາມສະຫງົບປອດໄພໃນສັງຄົມຕາມປະມວນກົດໝາຍອາຍາ.
