ໂດຍແມ່ນສອງປະເທດບ້ານໃກ້ເຮືອນຄຽງທີ່ໃກ້ຊິດສະໜິດສະໜົມ, ມີນ້ຳໃຈມິດຕະພາບທີ່ເປັນມູນເຊື້ອມາແຕ່ດົນນານ, ຫວຽດນາມ ແລະ ຈີນ ຍາມໃດກໍຮັບຮູ້ຢ່າງເລິກເຊິ່ງກ່ຽວກັບຄວາມສຳຄັນຂອງການເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ການພົວພັນມິດຕະພາບທີ່ເປັນມູນເຊື້ອ, ແມ່ນກຳນົດທິດຢ່າງສະເໝີຕົ້ນສະເໝີປາຍແກ່ການພັດທະນາການພົວພັນສອງຝ່າຍຢ່າງມີສະຖຽນລະພາບໃນສະພາບການໂລກ ແລະ ພາກພື້ນ ສືບຕໍ່ມີການຜັນແປຢ່າງສັບສົນ.
ການພົວພັນຄູ່ຮ່ວມມືຍຸດທະສາດຮອບດ້ານ, ການສ້າງ “ປະຊາຄົມພ້ອມກັນແບ່ງປັນອະນາຄົດ ຫວຽດນາມ - ຈີນ ມີຄວາມໝາຍຍຸດທະສາດ” ຕາມກຳນົດທິດ “6 ກວ່າ” ທີ່ໄດ້ສ້າງຕັ້ງເມື່ອເດືອນ ທັນວາ 2023, ໄດ້ເປີດໄລຍະພັດທະນາໃໝ່ໃຫ້ແກ່ການພົວພັນສອງຝ່າຍ.
ປັບປຸງໄມຕີຈິດມິດຕະພາບທີ່ເປັນມູນເຊື້ອ
 ທ່ານຮອງສາດສະດາຈານ ນາງ ທານຈິນເອື໊ອ, ນັກຮຽນຮູ້ຄົ້ນຄວ້າກ່ຽວກັບ ຫວຽດນາມ |
ໃນສະພາບການນັ້ນ, ການຢ້ຽມຢາມທາງລັດຖະກິດຢູ່ ຫວຽດນາມ ຂອງທ່ານເລຂາທິການໃຫຍ່, ປະທານປະເທດ ຈີນ ສີຈີ້ນຜິງ ມີຄວາມໝາຍສຳຄັນພິເສດ. ຫວຽດນາມ ແມ່ນປະເທດທຳອິດ ເຊິ່ງທ່ານ ສີຈີ້ນຜິງ ໄປຢ້ຽມຢາມໃນປີນີ້. ພ້ອມດຽວກັນນັ້ນ, ນີ້ກໍແມ່ນຄັ້ງທີ 4 ທີ່ທ່ານມາຢ້ຽມຢາມ ຫວຽດນາມ ໃນຖານະເປັນການນຳສູງສຸດຂອງ ຈີນ ແລະ ເປັນຄັ້ງທີ 2 ໃນອາຍຸການດຽວ. ສິ່ງດັ່ງກ່າວສະແດງໃຫ້ເຫັນການຖືເປັນສຳຄັນຢ່າງສູງຂອງພັກ, ລັດ ຈີນ ແລະ ທ່ານເລຂາທິການໃຫຍ່, ປະທານປະເທດ ຈີນ ສີຈີ້ນຜິງ ໃນນາມສ່ວນຕົວ ຕໍ່ການພັດທະນາການພົວພັນບ້ານໃກ້ເຮືອນຄຽງມິດຕະພາບ ແລະ ການຮ່ວມມືຮອບດ້ານ ຫວຽດນາມ - ຈີນ. ທ່ານຮອງສາດສະດາຈານ ນາງ ທານຈິນເອື໊ອ, ນັກຮຽນຮູ້ຄົ້ນຄວ້າກ່ຽວກັບ ຫວຽດນາມ, ນັກຄົ້ນຄວ້າອາວຸໂສຂອງສະຖາບັນຄົ້ນຄວ້າລັດທິ ມາກ, ຂຶ້ນກັບສະຖາບັນວິທະຍາສາດສັງຄົມ ຈີນ, ຖືວ່າ:
“ພັກຄອມມູນິດ ຈີນ ຫາກໍ່ຈັດຕັ້ງກອງປະຊຸມວຽກງານບ້ານໃກ້ເຮືອນຄຽງ ສູນກາງ. ເມື່ອກ່າວຄຳເຫັນນະທີ່ນີ້, ທ່ານເລຂາທິການໃຫຍ່ ສີຈີ້ນຜິງ ໄດ້ຮຽກຮ້ອງຕ້ອງຖືການທູດກັບປະເທດບ້ານໃກ້ເຮືອນຄຽງເປັນວຽກງານຈຸດສຸມ, ພິເສດ ຕ້ອງຖືນີ້ແມ່ນເປົ້າໝາຍຕົ້ນຕໍ ແລະ ທິດທາງບຸລິມະສິດສຳຄັນເພື່ອພ້ອມກັບບັນດາປະເທດບ້ານໃກ້ເຮືອນຄຽງບັນລຸວັດທະນະຖາວອນລວມ. ດັ່ງນັ້ນ, ຂ້າພະເຈົ້າຖືວ່າ, ຫວຽດນາມ ແມ່ນປະເທດບ້ານໃກ້ເຮືອນຄຽງທີ່ມີຄວາມສຳຄັນຍິ່ງ ແລະ ການພົວພັນ ຫວຽດນາມ - ຈີນ ກໍແມ່ນການພົວພັນພິເສດທີ່ສຸດ. ນີ້ແມ່ນການເດີນທາງໄປປະຕິບັດງານຢູ່ຕ່າງປະເທດຄັ້ງທຳອິດຂອງທ່ານໃນປີນີ້ ແລະ ຫວຽດນາມ ແມ່ນປະເທດທຳອິດທີ່ທ່ານເລືອກໄປຢ້ຽມຢາມ. ສິ່ງດັ່ງກ່າວ ກໍພໍສະແດງໃຫ້ເຫັນ ການຖືເປັນສຳຄັນຂອງ ຈີນ ທີ່ມີຕໍ່ ຫວຽດນາມ ແລະ ການພົວພັນ ຈີນ - ຫວຽດ”.
 ທ່ານ ຫຼິນຈຽນ ໂຄສົກກະຊວງການຕ່າງປະເທດ ຈີນ |
ໂດຍອີງໃສ່ບັນດາໝາກຜົນການຮ່ວມມືທີ່ມີປະສິດທິຜົນ, ແທດຈິງໃນທຸກຂົງເຂດໃນໄລຍະຜ່ານມາ, ການຢ້ຽມຢາມຂອງການນຳຂັ້ນສູງ ຈີນ ມາ ຫວຽດນາມ ຈະສືບຕໍ່ສ້າງພື້ນຖານອັນໝັ້ນແກ່ນກວ່າອີກ ກ່ຽວກັບຄວາມໄວ້ເນື້ອເຊື່ອໃຈດ້ານການເມືອງ, ກຳນົດທິດແກ່ການພັດທະນາຢ່າງມີສະຖຽນລະພາບ, ປອດໃສເຂັ້ມແຂງຂອງການພົວພັນສອງຝ່າຍໃນສະພາບການສາກົນ ແລະ ພາກພື້ນສືບຕໍ່ມີການຜັນແປຢ່າງສັບສົນ. ທ່ານ ຫຼິນຈຽນ ໂຄສົກກະຊວງການຕ່າງປະເທດ ຈີນ ຖືວ່າ:
“ການຢ້ຽມຢາມໄດ້ດຳເນີນກົງກັບຈຸດເວລາສະເຫຼີມສະຫຼອງ 75 ປີແຫ່ງການສ້າງຕັ້ງສາຍພົວພັນທາງການທູດ ຈີນ - ຫວຽດນາມ, ເຊິ່ງມີຄວາມໝາຍອັນຍິ່ງໃຫຍ່ໃນການສືບຕໍ່ມູນເຊື້ອ ແລະ ເປີດອະນາຄົດໃຫ້ແກ່ການພົວພັນສອງປະເທດ. ຈີນ ປາດຖະໜາຢາກພ້ອມກັບ ຫວຽດນາມ, ຖືການຢ້ຽມຢາມຄັ້ງນີ້ແມ່ນໂອກາດປັບປຸງໄມຕີຈິດມິດຕະພາບທີ່ເປັນມູນເຊື້ອ “ທັງເປັນມິດສະຫາຍ, ທັງເປັນອ້າຍນ້ອງ” ລະຫວ່າງ ຈີນ ແລະ ຫວຽດນາມ, ເພີ່ມທະວີຄວາມໄວ້ເນື້ອເຊື່ອໃຈຍຸດທະສາດ, ເຮັດໃຫ້ການພົວພັນຮ່ວມມືແທດຈິງ, ເລິກເຊິ່ງກວ່າອີກ, ຊຸກຍູ້ການສ້າງປະຊາຄົມພ້ອມກັນແບ່ງປັນອະນາຄົດ ຈີນ - ຫວຽດນາມ ທີ່ມີຄວາມໝາຍຍຸດທະສາດເຂົ້າສູ່ລວງເລິກ, ແທດຈິງ, ປະກອບສ່ວນເຂົ້າໃນການສ້າງປະຊາຄົມພ້ອມກັນແບ່ງປັນອະນາຄົດໃຫ້ມວນມະນຸດຫຼາຍກວ່າອີກ”.
ພ້ອມກັນປະຕິບັດວິໄສທັດຮ່ວມອະນາຄົດໃຫ້ປະກົດຜົນເປັນຈິງ
ດ້ວຍຄວາມໝາຍນັ້ນ, ການຢ້ຽມຢາມ ຈະສົ່ງຜົນກະທົບຕໍ່ການພັດທະນາການພົວພັນ ຫວຽດນາມ - ຈີນ ໃນໄລຍະຍາວ ໃນສະພາບສອງປະເທດລ້ວນແຕ່ກ້າວເຂົ້າສູ່ສັງກາດໃໝ່, ຍຸກສະໄໝພັດທະນາໃໝ່.
 ທ່ານເລຂາທິການໃຫຍ່, ປະທານປະເທດ ຈີນ ສີຈີ້ນຜິງ |
ໃນການຢ້ຽມຢາມ, ທ່ານເລຂາທິການໃຫຍ່, ປະທານປະເທດ ຈີນ ສີຈີ້ນຜິງ ມີການພົບປະເຈລະຈາຂັ້ນສຸດຍອດກັບທ່ານເລຂາທິການໃຫຍ່ ໂຕເລິມ ແລະ ທ່ານປະທານປະເທດ ຫວຽດນາມ ເລືອງເກື່ອງ, ພົບປະກັບທ່ານນາຍົກລັດຖະມົນຕີ ຟ້າມມິງຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝິນ ຕາມລຳດັບ ເພື່ອປຶກສາຫາລືກ່ຽວກັບບັນດາມາດຕະການ, ທິດທາງ, ກຳນົດທິດໃຫຍ່ ແນໃສ່ຊຸກຍູ້ການພົວພັນສອງປະເທດໃນທຸກຂົງເຂດ. ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ຢັ້ງຢືນວ່າ:
“ການຢ້ຽມຢາມ ໄດ້ກຳນົດບັນດາທິດທາງໃຫຍ່, ຈຸດສຸມຜັນຂະຫຍາຍການຮ່ວມມືໃນບັນດາຂົງເຂດ; ຍົກລະດັບການຮ່ວມມືອັນແທດຈິງລະຫວ່າງສອງປະເທດຕາມທິດ ນັບມື້ນັບມີຄຸນນະພາບ, ມີປະສິດທິຜົນ ແລະ ຍືນຍົງ; ຊຸກຍູ້ການສ້າງ “ຈຸດພົ້ນເດັ່ນ” ກ່ຽວກັບການຮ່ວມມືລະດັບສູງ, ໂດຍສະເພາະໃນບັນດາຂົງເຂດ ຫວຽດນາມ ມີຄວາມຕ້ອງການ, ຈີນ ມີທ່າແຮງຄື ທາງລົດໄຟບັນລຸມາດຕະຖານ, ການຄ້າຜະລິດຕະພັນກະເສດ, ວິທະຍາສາດເຕັກໂນໂລຢີ, ການສຶກສາບຳລຸງສ້າງ, ເສດຖະກິດດີຈີຕອນ, ເສດຖະກິດສີຂຽວ… ມີເອກະສານຮ່ວມມືປະມານ 40 ສະບັບໃນບັນດາຂົງເຂດ ຈະໄດ້ລົງນາມໃນໂອກາດນີ້, ສ້າງພື້ນຖານອັນສຳຄັນເພື່ອຜັນຂະຫຍາຍການຮ່ວມມືໃນໄລຍະຈະມາເຖິງໃຫ້ມີປະສິດທິຜົນສູງກວ່າ”.
ການຢ້ຽມຢາມກໍແມ່ນຂີດໝາຍສຳຄັນໃນປີພົບປະແລກປ່ຽນວັດທະນະທຳມະນຸດ ຫວຽດນາມ - ຈີນ ປີ 2025, ປະກອບສ່ວນເປີດກວ້າງການຮ່ວມມືລະຫວ່າງບັນດາທ້ອງຖິ່ນສອງປະເທດ, ຜ່ານນັ້ນ ເພີ່ມທະວີຄວາມເຂົ້າໃຈ ແລະ ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ, ເສີມຂະຫຍາຍໄມຕີຈິດມິດຕະພາບທີ່ເປັນມູນເຊື້ອ, ປັບປຸງພື້ນຖານປະຊາມະຕິອັນດີງາມສຳລັບການພົວພັນສອງຝ່າຍ.
ບົນເນື້ອໃນຈິດໃຈ “ຢາກໄປໄກຕ້ອງໄປພ້ອມກັນ”, ຫວຽດນາມ ແລະ ຈີນ ພວມຢູ່ໃນຈຸດເວລາສຳຄັນເພື່ອພ້ອມກັນປະຕິບັດຄວາມຄາດຫວັງລວມ, ວິໄສທັດລວມກ່ຽວກັບອະນາຄົດອັນສົດໄສໃຫ້ປະກົດຜົນເປັນຈິງ ດ້ວຍຄວາມຕິດສິນໃຈລວມ, ສຽງເວົ້າລວມ ແລະ ການກະທຳລວມເພື່ອສັນຕິພາບ ແລະ ວັດທະນາຖາວອນຂອງພາກພື້ນ.
