 ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດ ຫວຽດນາມ (ພາບ: ກະຊວງການຕ່າງປະເທດ ຫວຽດນາມ) |
ວັນທີ 29 ມັງກອນ, ຢູ່ຮ່າໂນ້ຍ ທີ່ການຖະແຫຼງຂ່າວປະຈຳອາທິດຂອງ ກະຊວງການຕ່າງປະເທດ ຫວຽດນາມ, ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດ ຫວຽດນາມ ໄດ້ຕອບຄຳຖາມຂອງນັກຂ່າວກ່ຽວຂ້ອງເຖິງການປະສານສົມທົບຂອງ ຫວຽດນາມ ກັບປະຊາຄົມສາກົນ ໃນການຮັບມືກັບໂລກລະບາດທີ່ເກີດຈາກ ໄວຣັດ Nipah. ທ່ານນາງ ຟ້າມທູຮັ່ງ ໃຫ້ຮູ້ວ່າ ມາຮອດປັດຈຸບັນ, ຫວຽດນາມ ຍັງບໍ່ທັນຢັ້ງຢືນກໍລະນີໃດຕິດພະຍາດຈາກ ໄວຣັດ Nipah ເທື່ອ ແລະ ພ້ອມທີ່ຈະຮ່ວມມືກັບປະຊາຄົມສາກົນ ເພື່ອຮັບມືກັບໂລກລະບາດທີ່ອັນຕະລາຍນີ້. ທ່ານນາງ ຟ້າມທູຮັ່ງ ໃຫ້ຮູ້ວ່າ:
ເພື່ອຮັບມືກັບໂລກລະບາດ, ບັນດາອົງການທີ່ມີໜ້າທີ່ຄວາມຮັບຜິດຊອບຂອງ ຫວຽດນາມ ພວມສົມທົບກັບບັນດາທ້ອງຖິ່ນຢ່າງແໜ້ນແຟ້ນເພື່ອເພີ່ມທະວີວຽກງານຕິດຕາມກວດກາການປ້ອງກັນ, ຕ້ານໂລກລະບາດນັບແຕ່ບັນດາດ່ານຊາຍແດນ, ຮາກຖານການແພດ ແລະ ປະຊາຄົມ; ກຽມພ້ອມບັນດາມາດຕະການປ້ອງກັນ, ຕ້ານໂລກລະບາດ. ບັນດາອົງການທີ່ມີໜ້າທີ່ຮັບຜິດຊອບ ຂອງ ຫວຽດນາມ ຈະສືບຕໍ່ຕິດຕາມການຜັນແປຂອງໂລກລະບາດ, ປະສານສົມທົບກັບອົງການອະນາໄມໂລກ, ບັນດາປະເທດໃນໂລກ ຢ່າງແໜ້ນແຟ້ນເພື່ອດຳເນີນບັນດາມາດຕະການປ້ອງກັນ, ຕ້ານໂລກລະບາດຢ່າງທັນການ, ເໝາະສົມ ແລະ ບັນລຸປະສິດທິຜົນ.
