 (ພາບປະກອບ: TTXVN) |
ຕອນເຊົ້າວັນທີ 27 ມັງກອນ, ກົມປ້ອງກັນພະຍາດ, ກະຊວງສາທາລະນະສຸກ ຫວຽດນາມ ໃຫ້ຮູ້ວ່າ ຮອດວັນທີ 26 ມັງກອນ, ຫວຽດນາມ ຍັງບໍ່ທັນມີກໍລະນີໃດຕິດພະຍາດໂດຍໄວຣັດ Nipah ກໍ່ຂຶ້ນ. ກະຊວງສາທາລະນະສຸກ ໄດ້ຊີ້ນຳບັນດາທ້ອງຖິ່ນເພີ່ມທະວີວຽກງານຕິດຕາມກວດກາ, ປ້ອງກັນຕ້ານໂລກລະບາດນັບແຕ່ດ່ານຊາຍແດນ, ຮາກຖານສາທາລະນະສຸກ ແລະ ຊຸມຊົນ, ກຽມພ້ອມບັນດາມາດຕະການຮັບມື, ປ້ອງກັນ, ຕ້ານໂລກລະບາດ. ຫວຽດນາມ ສືບຕໍ່ຕິດຕາມສະພາບການໂລກລະບາດຢ່າງແໜ້ນແຟ້ນ, ສົມທົບກັບອົງການອະນາໄມໂລກ (WHO), ບັນດາປະເທດໃນໂລກເພື່ອມີການຊີ້ນຳຈັດຕັ້ງຜັນຂະຫຍາຍບັນດາມາດຕະການປ້ອງກັນ, ຕ້ານໂລກລະບາດໃຫ້ທັນການ, ເໝາະສົມ ແລະ ມີປະສິດທິຜົນ.
ໄວຣັດ Nipah ໄດ້ກວດພົບຄັ້ງທຳອິດໃນປີ 1999 ຢູ່ ມາເລເຊຍ. ຮອດປີ 2001, ພະຍາດໂດຍໄວຣັດ Nipah ກໍ່ຂຶ້ນ ກໍລະນີທຳອິດສຳລັບຄົນໄດ້ປະກົດຢູ່ ບັງກະລາເທດ ແລະ ຫຼັງຈາກນັ້ນແມ່ນຢູ່ ອິນເດຍ. ຕາມ WHO, ໂລກພະຍາດໂດຍໄວຣັດ Nipah ກໍ່ຂຶ້ນໄດ້ປະກົດແບບກະແຈກກະຈາຍຢູ່ບາງປະເທດ, ຍັງບໍ່ທັນກາຍເປັນໂລກລະບາດເທື່ອ.
