( vovworld ) - ຕອນບ່າຍວັນທີ 8 ກຸມພາ ຢູ່ນະຄອນຫຼວງ ວຽງຈັນ, ໄດ້ດຳເນີນພິທີລົງນາມໃນສັນຍາຮ່ວມມືລະຫວ່າງກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ ແລະ ໂທລະພາບ ສສ ຫວຽດນາມ ໄລຍະປີ 2012 - 2015. ຕາມນັ້ນແລ້ວ, 2 ຝ່າຍເພີ່ມທະວີແລກປ່ຽນຂ່າວສານ, ບົດສາສາລະຄະດີ ແລະ ບັນດາລາຍການໂທລະພາບ. ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ ສືບຕໍ່ສະໜັບສະໜູນໂທລະພາບ ສສ ຫວຽດນາມ ປະຕິບັດໂຄງການກໍ່ສ້າງສະຖານນີໂທລະພາບຢູ່ທ້ອງຖີ່ນຕ່າງໆຂອງລາວ. ໂທລະພາບ ສສ ຫວຽດນາມ ສືບຕໍ່ປະຕິບັດໂຄງການໜັງສືລອດຜ່ານໜ້າຈໍດ້ວຍພາສາ ລາວ ໃນໂທລະພາບຊ່ອງ VTV4 ທີ່ຖ່າຍທອດຢູ່ ລາວ, ຊ່ວຍໂທລະພາບແຫ່ງຊາດ ລາວ ບູລະນະ ສ້ອມແປງອຸປະກອນເຄື່ອງສົ່ງສັນຍາໂທລະພາບ.
