(vovworld) - ວັນທີ 28/3, ຫວຽດນາມ ແລະ ອາເມລິກາ ໄດ້ເລີ່ມຕົ້ນການທາບທ່າມຄຳເຫັນເຫດການ ຫວຽດນາມ ຮ້ອງຟ້ອງ ອາເມລິກາຈັດວາງພາສີຕ້ານການຂາຍບຸບລາຄາສຳລັບກຸ້ງແຊເຢັນສົ່ງອອກຂອງຫວຽດນາມ. ການທາບທ່າມຄຳເຫັນຄຳຄັ້ງນີ້ສຸມໃສ່ເຂົ້າເລື່ອງອາເມລິກາປະຕິບັດຄຳຕັດສິນຂອງກໍລະນີຮ້ອງຟ້ອງເມື່ອວັນທີ 11/7/2011, ເລື່ອງຜັນຂະຫຍາຍປັບປຸງກົດໝາຍຂອງອາເມລິກາ ກ່ຽວຂ້ອງເຖິງວິທີຄິດໄລ່ລະດັບຕ້ານການບຸບລາຄາ, ແລກປ່ຽນເຮັດໃຫ້ແຈ້ງບັນດາລະບຽບການຂອງອາເມລິກາທີ່ກ່ຽວຂ້ອງເຖິງການສືບສວນຕ້ານການຂາຍບູບລາຄາສຳລັບບັນດາປະເພດສິນຄ້ານຳເຂົ້າຈາກຫວຽດນາມ. ໄລຍະເວລາທາບທ່າມຄຳເຫັນຈະແກ່ຍາວປະມານ 2 ເດືອນ. ໃນໄລຍະເວລານີ້, ຖ້າຫາກອາເມລິກາຍອມຮັບບັນດາບັນຫາເຊິ່ງຫວຽດນາມຍົກອອກ, ບໍ່ມີການພິພາດກັນອີກ, ຝ່າຍຫວຽດນາມຈະລົບລ້າງບັນດາວິທີຄິດໄລ່ ແລະ ຂໍ້ກຳນົດບໍ່ເໝາະສົມ. ໃນກໍລະນີ ອາເມລິກາບໍ່ພິຈາລະນາບັນດາບັນຫາເຊິ່ງຫວຽດນາມຍົກອອກມາ, ຫວຽດນາມຈະມີສິດຮຽກຮ້ອງອົງການການຄ້າໂລກສ້າງຕັ້ງຄະນະຕຸລາການເພື່ອແກ້ໄຂການພິພາດດັ່ງກ່າວ.
