 ຄວນນຳໃຊ້ນ້ຳໃຫ້ເໝາະສົມ
ພາບ:internet |
(vovworld) - ຕອນເຊົ້າວັນທີ 22/3 ຢູ່ແຂວງ Hau Giang , ກະຊວງຊັບພະຍາກອນ ແລະ ສິ່ງແວດລ້ອມໄດ້ຈັດງານໂຮມຊຸມນຸມຕອບສະໜອງວັນຊັບພະຍາກອນນ້ຳໂລກ ໂດຍມີການເຂົ້າຮ່ວມຂອງການນຳບັນດາກະຊວງ, ຂະແຫນງການຂອງສູນກາງ, ຜູ້ຕາງຫນ້າບັນດາອົງການຈັດຕັ້ງສາກົນ ພ້ອມດ້ວຍປະຊາຊົນກວ່າ 3000 ຄົນ. ຫົວຂໍ້ຂອງວັນຊັບພະຍາກອນນ້ຳໂລກແມ່ນ “ນ້ຳ ແລະ ຄ້ຳປະກັນດ້ານສະບຽງອາຫານ”. ດ້ວຍຈຸດໝາຍແມ່ນດຶງດູດຄວາມສົນໃຈຂອງໂລກທີ່ມີຕໍ່ສາຍພົວພັນລະຫວ່າງນ້ຳໃ ແລະ ການຄ້ຳປະກັນດ້ານສະບຽງອາຫານ, ຄວາມສຳຄັນຂອງນ້ຳໃນວິວັດການຜະລິດສະບຽງອາຫານກໍຄືພຶດຕິກຳຕົວຈິງໃນການຜະລິດ ແລະ ນຳໃຊ້ນ້ຳແບບຍືນຍົງກວ່າ. ກ່າວປາໄສທີ່ງານໂຮມຊຸມນຸມ ທ່ານລັດຖະມົນຕີວ່າການກະຊວງ ຊັບພະຍາກອນ ແລະ ສິ່ງແວດລ້ອມຫວຽດນາມ Nguyen Minh Quang ໃຫ້ຮູ້ວ່າ: ຫວຽດນາມຖືກຈັດເຂົ້າກຸ່ມບັນດາປະເທດມີແຫຼ່ງຊັບພະຍາກອນນ້ຳໃນລະດັບປານກາງຂອງໂລກ ແຕ່ວ່າພວມຕ້ອງປະເຊີນຫນ້າກັບສະພາບແຫ່ລງຊັບພະຍາກອນນ້ຳຖືກຊຸດໂຊມ ນັບທັງປະລິມານ ແລະ ຄຸນນະພາບ.
“ເພື່ອຕອບສະຫນອງຄວາມຕ້ອງການນ້ຳອັນໃຫຍ່ຫລວງໃນສະພາບຊັບພະຍາກອນນ້ຳພວມຄ່ອຍໆເຫືອດແຫ້ງ, ຫວຽດນາມ ຄວນມີບັນດາມາດຕະການຍຸດທະສາດທີ່ມີລັກສະນະສັງລວມ ແລະ ບໍ່ພຽງແຕ່ຮັດແຄບໃນຂອບເຂດຂະແຫນງນ້ຳເທົ່ານັ້ນ ຫາກຕ້ອງມີລັກສະນະລະຫວ່າງຂະແຫນງ ທີ່ດິນ, ອຸດສາຫະກຳ, ພະລັງງານ, ສິ່ງແວດລ້ອມ, ວິທະຍາສາດເຕັກໂນໂລຊີ, ການສຶກສາບຳລຸງສ້າງ, ຖະແຫລງຂ່າວໂທລະຄົມ.”
