(VOVWORLD) - ໂດຍພົ້ນເດັ່ນຂຶ້ນໃນເສັ້ນທາງລຽບຕາມຝັ່ງແມ່ນ້ຳຂອງຢູ່ໃຈກາງແຂວງຊາຍແດນນະຄອນພະນົມຢູ່ທາງທິດຕາເວັນອອກສ່ຽງເໜືອປະເທດໄທ, ຫໍໂມງດ້ວຍແຖວໜັງສື “ອະນຸສອນຂອງຊາວ ຫວຽດນາມກ່ອນຍ້າຍກັບຫວຽດນາມປີ ພສ.2503” ແມ່ນໜຶ່ງໃນບັນດາສະຖານທີ່ຢ້ຽມຢາມທີ່ຂາດບໍ່ໄດ້ສຳລັບແຂກທ່ອງທ່ຽວເມື່ອມາຢ້ຽມຢາມແຂວງນະຄອນພະນົມ. ເມື່ອມາທີ່ນີ້, ແຂກທ່ອງທ່ຽວມີໂອກາດໄດ້ຮັບຊົມທັດສະນີຍະພາບແມ່ນ້ຳຂອງທັງສາຍທີ່ຍາວຢຽດ, ໄດ້ຮັບຟັງເລື່ອງລາວຄວາມໝາຍຂອງຫໍໂມງ ເຊິ່ງເປັນໜຶ່ງໃນບັນດາສັນຍາລັກຂອງໄມຕີຈິດມິດຕະພາບລະຫວ່າງຫວຽດນາມ - ໄທ. ເນື່ອງໃນໂອກາດສະເຫຼີມສະຫຼອງວັນກໍ່ສ້າງຫໍໂມງອະນຸສອນຂອງຊາວຫວຽດນາມອາໄສຢູ່ແຂວງນະຄອນພະນົມຄົບຮອບ 60 ປີນີ້, ຕໍ່ໄປຂໍເຊີນທ່ານ
 ຫໍໂມງ ອະນຸສອນຂອງຊາວ ຫວຽດນາມ ອາໄສຢູ່ແຂວງ ນະຄອນພະນົມ |
ຫໍໂມງ ອະນຸສອນຂອງຊາວ ຫວຽດນາມ ອາໄສຢູ່ແຂວງ ນະຄອນພະນົມ ມີຄວາມສູງປະມານ 50 ແມັດ, ການທາສີເຫຼືອງ ແລະ ມີໂມງໜ່ວຍໜຶ່ງຕິດຕັ້ງຢູ່ເທິງຫໍ ໄດ້ເຮັດໃຫ້ຫໍໂມງ ພົ້ນເດັ່ນຂຶ້ນ ໃນເສັ້ນທາງໜຶ່ງທີ່ມີຄວາມຄຶກຄັກໜາແໜ້ນທີ່ສຸດໃນໃຈກາງແຂວງນະຄອນພະນົມ ທີ່ຕັ້ງຢູ່ໃກ້ແຄມຝັ່ງແມ່ນ້ຳຂອງ. ຫຼັງຄາຫໍໂມງ ໄດ້ອອກແບບຕາມສະຖາປັດຕະຍາກຳເກົ່າແກ່ຂອງຫວຽດນາມ. ຢູ່ທາງກາງຫໍໂມງມີແຖວໜັງສື “ຊາວ ຫວຽດນາມ ອະນຸສອນກ່ອນຍ້າຍກັບຫວຽດນາມ ປີ ພສ.2503”. ຫໍໂມງ ຍິ່ງສວຍງາມ ແລະ ເປັນໜ້າຈັບໃຈກັບແຂກທ່ອງທ່ຽວ ເມື່ອມີນ້ຳພຸຢູ່ທາງດ້ານໜ້າ, ຮອດຕອນຄ່ຳ, ແສງໄຟຈາກຫໍໂມງນີ້ ແຈ້ງສະຫວ່າງໄປທົ່ວບໍລິເວນ. ໃນວັນທ້າຍອາທິດ, ສະຖານທີ່ແຫ່ງນີ້ ໄດ້ກາຍເປັນບ່ອນຈັດຕະຫຼາດມືດ ໂດຍມີຄົນມາຊື້-ຂາຍຢ່າງຄັບຄາໜາແໜ້ນ. ຫໍໂມງ ອະນຸສອນຂອງຊາວຫວຽດນາມ ອາໄສ ຢູ່ ແຂວງ ນະຄອນພະນົມ ໄດ້ເລີ່ມລົງມືກໍ່ສ້າງໃນວັນທີ 1 ທັນວາ ປີ 1960 ແລະ ກໍ່ສ້າງສຳເລັດພາຍໃນ 3 ເດືອນ ດ້ວຍການປະກອບສ່ວນຂອງປະຊາຄົມຊາວຫວຽດນາມ ອາໄສຢູ່ແຂວງ ນະຄອນພະນົມ ໃນຄາວນັ້ນ. ແບ່ງປັນກ່ຽວກັບຄວາມໝາຍຂອງການກໍ່ສ້າງຫໍໂມງແຫ່ງນີ້, ທ່ານ ເຈິ່ນວັນເຊົ໊າ, ປະທານສະມາຄົມ ໄທ - ຫວຽດ ຢູ່ແຂວງ ນະຄອນພະນົມ ໃຫ້ຮູ້ວ່າ: ວັນທີ 21 ມີນາ 1946, ຝລັ່ງກັບມາຢຶດຄອງພາກພື້ນ ອິນດູຈີນ ຄັ້ງທີ 2. ກອງທັບ ຝລັ່ງ ໄດ້ລະດົມທຸກແຫຼ່ງກຳລັງເພື່ອແນໃສ່ຢືດເອົາເມືອງ ທ່າແຂກ, ແຂວງ ຄຳມ່ວນ ຂອງ ລາວ - ເຊິ່ງເປັນເມືອງທີ່ຊາວຫວຽດນາມ ດຳລົງຊີວິດເປັນຈຳນວນຫຼາຍ. ປະຊາຊົນຢູ່ທີ່ນີ້ ຕ້ອງປະລະເຮືອນຊານ, ຂ້າມແມ່ນ້ຳຂອງໄປຍັງປະເທດ ໄທ ເພື່ອຫຼົບລີ້ສົງຄາມ. ໃນເດືອນສິງຫາ ປີ 1959, ສະພາກາແດງ ໄທ ແລະ ຫວຽດນາມ ໄດ້ເຫັນດີເປັນເອກະພາບນຳກັນກ່ຽວກັບການອະນຸຍາດໃຫ້ຊາວລີ້ໄພ, ຜູ້ທີ່ມີຄວາມປາດຖະໜາ ແລະ ສະໝັກໃຈ ໄດ້ຈົດທະບຽນກັບຄືນເມືອປະເທດ ຫວຽດນາມ. ທ່ານກ່າວວ່າ:
“ກ່ອນກັບຄືນເມືອປະເທດ, ຊາວຫວຽດນາມ ອາໄສ ຢູ່ແຂວງ ນະຄອນພະນົມ ແລະ ຊາວຫວຽດນາມ ອາໄສ ຢູ່ ໄທ ໄດ້ຕັດສິນໃຈກໍ່ສ້າງຫໍໂມງແຫ່ງນີ້ຂຶ້ນ ດ້ວຍຄວາມປາດຖະໜາຢາກສະແດງຄວາມຮູ້ບຸນຄຸນຕໍ່ບຸນຄຸນອັນມະຫາສານຂອງພະມະຫາກະສັດ ໄທ, ການຊ່ວຍເຫຼືອຢ່າງສຸດໃຈຂອງລັດຖະບານ, ປະຊາຊົນ ໄທ ທີ່ໄດ້ກູ້ເອົາຊີວິດພວກເຮົາໄວ້ ແລະ ໄດ້ຊ່ວຍພວກເຮົາໃນຂະນະຫຼົບລີ້ສົງຄາມ. ນອກຈາກນັ້ນ, ປູ່ຍ່າກໍໄດ້ເລົ່າສູ່ຂ້າພະເຈົ້າວ່າ ມີຫຼາຍຄົນໄດ້ເສຍສະຫຼະຊີວິດໃນບັ້ນບຸກໂຈມຕີຂອງ ຝລັ່ງ, ນ້ຳແມ່ນ້ຳຂອງຄາວນັ້ນກໍປ່ຽນເປັນສີແດງ. ການກໍ່ສ້າງຫໍໂມງນີ້ ກໍເປັນການຈາລຶກວັນທີ່ ຊາວຫວຽດນາມ ຍ້າຍໄປຫຼົບລີ້ສົງຄາມ”.
 ທ່ານເອກອັກຄະລັດຖະທູດ ຫວຽດນາມ ປະຈຳ ໄທ ຖ່າຍຮູບ ກັບການນຳແຂວງນະຄອນພະນົມ |
ປີນີ້, ຫໍໂມງ ອະນຸສອນຊາວຫວຽດນາມ ອາໄສ ຢູ່ແຂວງນະຄອນພະນົມ ໄດ້ຄົບຮອບ 60 ປີ. ຫວ່າງມໍ່ໆມານີ້, ອຳນາດການປົກຄອງແຂວງ ນະຄອນພະນົມ ໄດ້ດຳເນີນການບູລະນະປະຕິສັງຂອນຫໍໂມງແຫ່ງນີ້ . ຢູ່ສະຖານທີ່ແຫ່ງນີ້ ໄດ້ດຳເນີນຫຼາຍເຫດການສຳຄັນຂອງແຂວງ ນະຄອນພະນົມ ກໍຄືຂອງປະຊາຄົມ ຊາວຫວຽດນາມ ອາໄສຢູ່ແຂວງ ນະຄອນພະນົມ ຄື ພິທີສະເຫຼີມສະຫຼອງຫໍໂມງ ຄົບຮອບ 60 ປີທີ່ຖືກຈັດຂຶ້ນໃນວັນທີ 22 ທັນວາ ຜ່ານມາ ໂດຍມີການເຂົ້າຮ່ວມຂອງຊາວຫວຽດນາມ ອາໄສຢູ່ ໄທກວ່າ 1.200 ຄົນ. ທ່ານ ໄກສອນ ກົງຈະລາດ, ເຈົ້າແຂວງນະຄອນພະນົມ ແບ່ງປັນວ່າ:
