(vovworld) - ວັນທີ 1/3, ຢູ່ຮ່າໂນ້ຍ, ທີ່ການຕ້ອນຮັບຜູ້ອຳນວຍການໃຫຍ່ບໍລິຫານອົງການພົວພັນຕ່າງປະເທດ ສະຫະພາບ ເອີລົບ (ຫຼື EEAS), ທ່ານ David O’Sullivan, ທ່ານພົນໂທ ຫງວຽນຈີວິ້ງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໃຫ້ຮູ້ວ່າ: ຫວຽດນາມມີການພົວພັນມິດຕະພາບ, ຮ່ວມມືໃນການປ້ອງກັນປະເທດກັບຫຼາຍປະເທດສະມາຊິກຂອງສະຫະພາບ ເອີລົບ (ຫຼື EU), ທ່ານພົນໂທ ຫງວຽນຈີວິ້ງ ຫວັງວ່າ EU ໜູນຊ່ວຍພາຫະນະເຄື່ອງຈັກອຸປະກອນ, ການເງິນ ຊ່ວຍຫວຽດນາມ ເກັບກູ້ລູກລະເບີດບໍ່ທັນແຕກ, ແກ້ໄຂຜົນຮ້າຍຢ້ອນຫຼັງຂອງທາດພິດສີສົ້ມ/ດີໂດຊິນ, ສະໜັບສະໜູນຫວຽດນາມ ໃນວິວັດການກະກຽມ ແລະ ເຂົ້າຮ່ວມການເຄື່ອນໄຫວປົກປັກຮັກສາສັນຕິພາບຂອງສະຫະປະຊາຊາດ... ສ່ວນທ່ານ ຜູ້ອຳນວຍການໃຫຍ່ບໍລິຫານອົງການພົວພັນຕ່າງປະເທດ EU David O’Sullivan, ຢືນຢັນວ່າ ຫວຽດນາມແມ່ນຄູ່ຮ່ວມມືສຳຄັນ ແລະ ແມ່ນຂົວເຊື່ອມຕໍ່ຂອງ EU ໃນການຮ່ວມມືກັບກຸ່ມ ອາຊຽນ.
