ສ.ເກົາຫຼີ ມອບໂຄງການທີ່ມີມູນຄ່າ 5 ລ້ານ USD ໃຫ້ແກ່ອາຊຽນ (ພາບ: ຄະນະເລຂາອາຊຽນ) |
ທີ່ພິທີ, ທ່ານ Lim Jock Hoi ເລຂາທິການໃຫຍ່ ອາຊຽນເຊື່ອໝັ້ນວ່າ ໂຄງການນີ້ຈະກາຍເປັນແບບຢ່າງ ໃນການຮ່ວມມືລະຫວ່າງສອງຝ່າຍເພື່ອແນໃສ່ຮັບມືກັບບັນດາພະຍາດຕິດຕໍ່ຜ່ານການສົມທົບກັນລະຫວ່າງບັນດາກະຊວງສາທາລະນະສຸກ ແລະ ສູນຄວບຄຸມໂລກລະບາດ ຂອງອາຊຽນ ແລະ ສ.ເກົາຫຼິີ. ທ່ານກ່າວວ່າ:
ນັບແຕ່ເມື່ອເກີດໂລກລະບາດ Covid – 19, ການຮ່ວມມືໄດ້ສະແດງອອກໃຫ້ເຫັນຢ່າງແຮງ ໃນບັນດາປະເທດອາຊຽນ ກັບ ບັນດາຄູ່ຮ່ວມມືພາຍນອກ. ການຮ່ວມມືລະຫວ່າງ ອາຊຽນ - ສ.ເກົາຫຼີ ໃນການຮັບມືກັບໂລກລະບາດ Covid – 19 ໄດ້ຮັກສາຢູ່ໃນລະດັບຊາດ ແລະ ພາກພື້ນໃນຂົງເຂດສາທາລະນະສຸກ ແລະ ບັນດາຂົງເຂດທີ່ກ່ຽວຂ້ອງຕ່າງໆ. ເລື່ອງມອບບັນດາວັດຖຸ ແລະ ອຸປະກອນການແພດຈະເພີ່ມທະວີກຳລັງຄວາມສາມາດໃນການກວດກາ, ບົ່ງມະຕິພະຍາດ ແລະ ຕິດຕາມເຝົ້າລະວັງຫຼາຍກ່ວາອີກໃນບັນດາປະເທດສະມາຊິກອາຊຽນ. ບັນດາຄຳໝັ້ນສັນຍາຂອງບັນດາການນຳ ອາຊຽນ ກັບ 3 ປະເທດຄູ່ຮ່ວມມື, ພິເສດແມ່ນ ສ.ເກົາຫຼີ ບໍ່ພຽງແຕ່ໄດ້ຮັບການປະຕິບັດໃນຂົງເຂດການເມືອງເທົ່ານັ້ນ ຫາກຍັງ ເປີດກ້ວາງອອກໄປສູ່ຂົງເຂດສະຫວັດດີການ ຂອງວົງຄະນະຍາດໃນພາກພື້ນອີກດ້ວຍ.
ທ່ານເອກອັກຄະລັດຖະທູດເຈິ່ນດຶກບິ່ງ, ຫົວໜ້າຄະນະຜູ້ຕາງໜ້າຫວຽດນາມ ປະຈຳອາຊຽນ ຢັ້ງຢືນວ່າ ເລື່ອງ ສ.ເກົາຫຼີໜູນຊ່ວຍດ້ານອຸປະກອນວິໃຈຫາເຊື້ອເຄາະ ແລະ ອຸປະການກັນເຊື້ອໃຫ້ແກ່ບັນດາປະເທດສະມາຊິກອາຊຽນແນ່ນອນວ່າ ຈະຊ່ວຍສະກັດກັ້ນການແຜ່ລາມຂອງເຊື້ອໄວຣັດໃນພາກພື້ນ. ທ່ານ ເຈິ່ນດຶກບິ່ງກໍ່ຢັ້ງຢືນວ່າ ດ້ວຍຖານະບົດບາດເປັນປະທານອາຊຽນ ປີ 2020, ຫວຽດນາມຈະມານະພະຍາຍາມປະຕິບັດຂໍ້ຕົກລົງຂອງບັນດາການນຳຂັ້ນສູງ ອາຊຽນ + 3 ທີ່ໄດ້ຍົກອອກມາໃນຖະແຫຼງການຮ່ວມຂອງກອງປະຊຸມ.
ເຮືອງຈາ, ນັກຂ່າວ VOV ປະຈຳອິນໂດເນເຊຍ
