ການນຳບັນດາປະເທດ ອາຊຽນ ຈະຈັດກອງປະຊຸມຢູ່ນະຄອນ ຈາກາຕາ ປະເທດ ອິນໂດເນເຊຍ ໃນວັນທີ 24 ເມສາ ຈະມາເຖິງ ເພື່ອແນໃສ່ປຶກສາຫາລື ກ່ຽວກັບບັນດາຄວາມມານະພະຍາຍາມສ້າງປະຊາຄົມ, ການພົວພັນການຕ່າງປະເທດ ແລະ ບັນດາບັນຫາໃນພາກພື້ນ, ໃນນັ້ນມີວິກິດການຢູ່ ມຽນມາ. ກ່ອນໜ້ານັ້ນ, ໃນວັນທີ 16 ເມສາ, ບັນດາແຫຼ່ງຂ່າວພາກພື້ນ ໃຫ້ຮູ້ວ່າ ບັນດາການນຳທີ່ມາຈາກທັງໝົດ 10 ປະເທດ ອາຊຽນ, ທ່ານພົນໂທ Min Aung Hlaing ການນຳການທະຫານມຽນມາ ຈະເຂົ້າຮ່ວມກອງປະຊຸມຄັ້ງນີ້
ປະເທດເຈົ້າພາບ ອິນໂດເນເຊຍ ແລະ ທ່ານນາງ Retno Marsudi ລັດຖະມົນຕີກະຊວງການຕ່າງປະເທດ ອິນໂດເນເຊີຍໄດ້ຊຸກຍູ້ແຜນການຈັດຕັ້ງກອງປະຊຸມຂັ້ນສູງພິເສດອາຊຽນ ໃນ 2 – 3 ອາທິດທີ່ຜ່ານມາ, ດ້ວຍການສະໜັບສະໜູນຂອງ ມາເລເຊຍ, ບຣູໄນ, ສິງກະໂປ ແລະ ຟີລິບປິນ.
