 (ພາບປະກອບ: UNICEF) |
ກອງປະຊຸມສຳມະນາທາງໄກກ່ຽວກັບການຜັນຂະຫຍາຍ ແລະ ຕິດຕາມຂັ້ນຕອນ ອາຊຽນ ລົບລ້າງການນຳໃຊ້ແຮງງານເດັກໃນທຸກຮູບການ ໃນປີ 2025 ເຊິ່ງໄດ້ຈັດຂຶ້ນໃນວັນທີ 18 – 19 ຕຸລາ, ໄດ້ດຶງດູດການເຂົ້າຮ່ວມຂອງເຈົ້າໜ້າທີ່ແຮງງານຂັ້ນສູງ ອາຊຽນ ແລະ ຜູ້ຕາງໜ້າຂອງ 8 ອົງການຂຶ້ນກັບ ອາຊຽນ. ກ່າວຄຳເຫັນໄຂກອງປະຊຸມສຳມະນາ, ທ່ານ ເອກະພາບ ພັນທະວົງ ຮອງເລຂາທິການໃຫຍ່ ອາຊຽນ ຮັບຜິດຊອບປະຊາຄົມວັດທະນະທຳ - ສັງຄົມ ໄດ້ເນັ້ນໜັກວ່າ ຄວາມມານະພະຍາຍາມລວມຂອງອົງການໃນຂະແໜງ ອາຊຽນ ໄດ້ ແລະ ກຳລັງເພີ່ມຄຸນຄ່າໃຫ້ເປົ້າໝາຍ ແລະ ໂຄງການແຫ່ງຊາດຂອງບັນດາປະເທດສະມາຊິກ ອາຊຽນ ເພື່ອແນໃສ່ລົບລ້າງການນຳໃຊ້ແຮງງານເດັກໃນທຸກຮູບການ.
ກອງປະຊຸມສຳມະນາໄດ້ປຶກສາຫາລືກ່ຽວກັບວິທີສົມທົບມູມມອງຂອງການປ້ອງກັນ, ສະກັດກັ້ນ ແລະ ຫ້າມນຳໃຊ້ແຮງງານເດັກເຂົ້າໃນການເຄື່ອນໄຫວຂອງອົງການ, ຂະແໜງການ ອາຊຽນ. ບັນດາປະເທດສະມາຊິກ ອາຊຽນ ກໍຢັ້ງຢືນຄືນໃໝ່ຄຳໝັ້ນສັນຍາປະຕິບັດເປົ້າໝາຍຂອງ ຂັ້ນຕອນ ແລະ ຮຽກຮ້ອງໃຫ້ເພີ່ມທະວີການຮ່ວມມືລະຫວ່າງຂະແໜງການ.
