( vov world ) ວັນທີ 1 ກຸມພາ, ຜູ້ອຳໜ່ວຍການໃຫຍ່ອົງການສືບລາຊະການລັບແຫ່ງສະຫະລັດ ອາເມລິກາ James Clapper ໄດ້ສະເໜີບົດຕີລາຄາປະຈຳປີກ່ຽວກັບບັນດາການນາບຂູ່ທົ່ວໂລກຕໍ່ສະມາຊິກສະພາ ອາເມລິກາ. ຕາມນັກຂ່າວວິທະຍຸກະຈາຍສຽງ ຫວຽດນາມ ປະຈຳ ອາເມລິກາ ແລ້ວ, ຈຸດພົ້ນເດັ່ນຂອງບົດຕີລາຄາແມ່ນ ອີຣານ ສາມາດສືບຕໍ່ພັດທະນາອາວຸດນິວເຄຼຍ, ເຖິງວ່າອອ່ນເພຍລົງແລ້ວແຕ່ອົງການ Al Qaeda ຍັງເປັນຕະລາຍຢູ່. ການນາບຂູ່ຕໍ່ຄວາມສະຫງົບປອດໄພໃຫຍ່ສຸດເຊິ່ງອົງການສືບລາຊະການລັບຂອງ ອາເມລິກາ ໃຫ້ຂໍ້ສັງເກັດ ໃນປີ 2012 ນີ້ແມ່ນ ອີຣານ. ບັນດາອົງການສືບລາຊະການລັບຂອງ ອາເມລິກາ ຍັງຖືວ່າ ປະຈຸບັນການນຳຕ່າງໆຂອງ ອີຣານ ໄດ້ກຽມພ້ອມໃຫ້ແກ່ການດຳເນີນການບຸກໂຈມຕີແນໃສ່ ອາເມລິກາ ຖ້າຫາກເຂົ້າເຈົ້າເຫັນວ່າການກະທຳຂອງ ອາເມລິກາ ນາບຂູ່ຕໍ່ລະບອບຂອງ ອີຣານ. ທ່ານ James Clapper ໄດ້ຖືວ່າ ອາເມລິກາ ຄວນຈັດວາງບັນດາມາດຕະການລົງໂທດດ້ານເສດຖະກິດທີ່ຮ້າຍແຮງກ່ວາອີກຕໍ່ກັບ ອີຣານ.
ກ່ຽວກັບບັນຫາ ອາບການິດສຖານ, ທ່ານ James Clapper ໄດ້ຖືວ່າ, ເຖິງແມ່ນວ່າກຳລັງ Taliban ເປັນສັດຕູຂອງ ອາເມລິກາ, ແຕ່ຕາມທ່ານ James ແລ້ວ ການດຳເນີນການພົບປະທາງການທູດ, ຊອກຫາການສົນທະນາຫາລືກັບ Taliban ຈະເປັນສ່ວນໜື່ງຂອງວິທີການແກ້ໄຂລວມໃຫ້ແກ່ສະພາບການຢູ່ ອາບການິດສຖານ .
