(vovworld) - ວັນທີ 17/2, ອາເມລິກາ ແລະ ສະຫະພາບເອີລົບ (EU) ໄດ້ຍອມຮັບບັນດາສັນຍານອັນຕັ້ງຫນ້າໃນການສະເຫນີຂອງ ອີຣານ ກ່ຽວກັບການເຊື່ອມຕໍ່ບັນດາການເຈລະຈາກ່ຽວກັບໂຄງການນິວເຄຼຍຂອງ ອີຣານ. ເມື່ອຕອບຄຳຖາມຂອງນັກຂ່າວ ພາຍຫລັງການພົບປະກັບທ່ານນາງ Catherine Ashton ຜູ້ຕາງຫນ້າຂັ້ນສູງ ຮັບຜິດຊອບນະໂຍບາຍປ້ອງກັນຄວາມສະຫງົບ ແລະ ການຕ່າງປະເທດ ອີຢູ ປະຈຳ ວໍຊິງຕັນ, ລັດຖະມົນຕີການຕ່າງປະເທດ ອາເມລິກາ ທ່ານນາງ Hilary Clinton ຖືວ່າ: ຄຳຕອບຂອງ ອີຣານ ແມ່ນສິ່ງທີ່ພວກຂ້າພະເຈົ້າພວມລໍຖ້າ ແລະ ນີ້ແມ່ນບາດກ້າວສຳຄັນ. ທ່ານນາງ ລັດຖະມົນຕີການຕ່າງປະເທດ ອາເມລິກາ ໃຫ້ຮູ້ວ່າ: ອາເມລິກາ ຊົມເຊີຍຈົດໝາຍຂອງ ອີຣານ ແລະ ພວມຕີລາຄາປັດໄຈທີ່ຈຳເປັນທັງໝົດ. ສ່ວນທ່ານນາງ Ashton ເວົ້າວ່າ : ທ່ານນາງເອງ ມີຄວາມລະມັດລະວັງ ແຕ່ກໍມີຄວາມປະເອີບໃຈກ່ຽວກັບການເຊື່ອມຕໍ່ການເຈລະຈາກ່ຽວກັບບັນຫາ ນິວເຄຼຍ ຂອງອີຣານ. ທ່ານນາງຍັງຖືວ່າ ຈົດໝາຍດັ່ງກ່າວ ແມ່ນສັນຍານທີ່ດີ ແລະ ເຕເຮຣານ ອາດພ້ອມແລ້ວທີ່ຈະເຊື່ອມຕໍ່ການເຈລະຈາ.
