ຮອງປະທານນາທິບໍດີ Angola ຢ້ຽມຢາມບັນດາແຂວງພາກໃຕ້ຫວຽດນາມ
(vovworld) - ໃນຂອບເຂດການຢ້ຽມຢາມຫວຽດນາມຢ່າງເປັນທາງການ, ຕອນເຊົ້າວັນທີ 14/2, ທ່ານຮອງປະທານາທິບໍດີ Angola Fernando Dias Dos Santos ໄດ້ມີການເຮັດວຽກກັບຄະນະກຳມະການປະຊາຊົນແຂວງ ຕ່ຽນຢາງ, ຢ້ຽມຢາມຮາກຖານລ້ຽງປູກສິນໃນນ້ຳໃນບໍລິເວນແຂວງ. ກ່ອນໜ້ານັ້ນ, ຕອນບ່າຍວັນທີ 13/2, ຢູ່ນະຄອນໂຮ່ຈີມິນ, ທ່ານຮອງປະທານາທິບໍດີ Angola Fernando Dias Dos Santos ໄດ້ມີການພົບປະກັບການນຳນະຄອນໂຮ່ຈີມິນ. ທ່ານປະທານຄະນະກຳມະການປະຊາຊົນນະຄອນ ໂຮ່ຈີມິນ ເລຮ່ວາງກັວນ ໄດ້ແນະນຳໂດຍຫຍໍ້ກ່ຽວກັບສະພາບການເສດຖະກິດ - ສັງຄົມຂອງນະຄອນ ແລະ ສະແດງຄວາມເຊື່ອໝັ້ນວ່າ: ພາຍຫຼັງການຢ້ຽມຢາມຫວຽດນາມຂອງທ່ານຮອງປະທານາທິບໍດີ Angola ຄັ້ງນີ້, ການພົວພັນທາງດ້ານການເມືອງ ແລະ ເສດຖະກິດລະຫວ່າງ 2 ປະເທດເວົ້າລວມ ແລະ ລະຫວ່າງນະຄອນໂຮ່ຈີມິນກັບ Angola ເວົ້າສະເພາະຈະນັບມື້ນັບພັດທະນາ. ຄະນະກໍໄດ້ໄປຢ້ຽມຢາມບາງຮາກຖານຜະລິດຢູ່ບັນດາແຂວງ ບິນເຟືອກ, ບິນເຢືອງ ແລະ ນະຄອນໂຮ່ຈີມິນ. ຕອນບ່າຍວັນທີ 14/2, ທ່ານຮອງປະທານາທິບໍດີ Angola Fernando Dias Dos Santos ໄດ້ເດີນທາງກັບເມືອປະເທດ ສິ້ນສຸດການຢ້ຽມຢາມຫວຽດນາມຢ່າງເປັນທາງການ.
