(vovworld) – ເນື່ອງໃນໂອກາດວັນບຸນໄຫວ້ບູຊາເຈົ້າຊີວິດຮູ່ງ - ງານບຸນວິຫານຮູ່ງປີ 2012, ຕອນບ່າຍວັນທີ 24/3, ທ່ານນາງຮອງປະທານປະເທດ Nguyen Thi Doan ພ້ອມກັບຄະນະປະຕິບັດງານໄດ້ໄປຢ້ຽມຢາມເຂດປູສະນີຍະສະຖານປະຫວັດສາດ ວິຫານຮູ່ງ ແລະ ຖະຫວາຍທູບທຽນອາໄລຫາບັນດາເຈົ້າຊີວິດຮູ່ງ. ເນື່ອງໃນໂອກາດນີ້, ການນຳແຂວງ ຟູ໋ທໍ້ ໄດ້ລາຍງານກັບທ່ານນາງຮອງປະທານປະເທດ ບາງຈຸດກ່ຽວກັບສະພາບການເສດຖະກິດ - ສັງຄົມຂອງແຂວງ ຟູ່ທໍ້, ວຽກງານກະກຽມໃຫ້ແກ່ວັນບຸນໄຫວ້ບູຊາເຈົ້າຊີວິດຮູ່ງ - ງານບຸນວິຫານຮູ່ງປີມະຣົງ 2012 ແລະ ຄວາມຄຶບໜ້າໃນການສ້າງສຳເນົາເອກະສານ “ຄວາມເຫຼື້ອມໃສໃນການບູຊາເຈົ້າຊີວິດຮູ່ງ” ເພື່ອສະເໜີຕໍ UNESCO ຮັບຮອງວ່າເປັນມໍລິດົກວັດທະນະທຳທີ່ບໍ່ມີຮູບຮ່າງຂອງມວນມະນູດ.
