ເກາະ, ໝູ່ເກາະ 10 ແຫ່ງຢູ່ ຫວຽດນາມ ໄດ້ຮັບການສຳຫຼວດ ດ້ານຊັບພະຍາກອນ ສິ່ງແວດລ້ອມ ໃນຂັ້ນພື້ນຖານ
( vovworld ) –ວັນທີ 21/2, ຢູ່ຮ່າໂນ້ຍ, ກົມໃຫ່ຍທະເລ ແລະ ໝູ່ເກາະ ຫວຽດນາມ ສັງກັດກະຊວງຊັບພະຍາກອນ ແລະ ສິ່ງແວດລ້ອມ ໄດ້ຈັດການປະຊຸມກວດກາໂຄງການ “ສຳຫຼວດດ້ານຊັບພະຍາກອນສິ່ງແວດລ້ອມໃນຂັ້ນພື້ນຖານຢູ່ບາງເຂດເກາະ, ໝູ່ເກາະໃຫ່ຍ, ສຳຄັນ ເພື່ອຮັບໃຊ້ໃຫ້ແກ່ການພັດທະນາເສດຖະກິດທະເລ ແລະ ປົກປັກຮັກສາອະທິປະໄຕເຂດທະເລ“. ຈຸດໝາຍຂອງໂຄງການແມ່ນສຸມໃສ່ສຳຫຼວດສັງລວມກ່ຽວກັບເງື່ອນໄຂທຳມະຊາດ, ຊັບພະຍາກອນທຳມະຊາດ; ສິ່ງແວດລ້ອມ ແລະ ເສດຖະກິດ-ສັງຄົມຂອງເກາະ, ໝູ່ເກາະສຳຄັນບາງປຫ່ງ ເພື່ອແນໃສ່ສ້າງພື້ນຖານວິທະຍາສາດໃຫ້ແກ່ການສ້າງກົນໄກ, ນະໂຍບາຍໃນການນຳໃຊ້, ຂຸດຄົ້ນຊັບພະຍາກອນທຳມະຊາດຢ່າງເໝາະສົມ, ປົກປັກຮັກສາສິ່ງແວດລ້ອມ, ພັດທະນາເສດຖະກິດທະເລແບບຍືນຍົງ ແລະ ປົກປັກຮັກສາອະທິປະໄຕແຫ່ງຊາດບົນທະເລ ແລະ ເຂດໝູ່ເກາະ. ເກາະ ແລະ ໝູ່ເກາະ 10 ແຫ່ງໄດ້ຮັບການເລືອກເຟັ້ນເພື່ອປະຕິບັດການສຳຫຼວດດ່ັງກ່າວ ແມ່ນບັນດາຂົງເຂດສຳຄັນໃນການວາງແຜນຂຸດຄົ້ນ, ນຳໃຊ້ຊັບພະຍາກອນທຳມະຊາດຢ່າງເໝາະສົມ ແລະ ຮັກສາສິ່ງແວດລ້ອມ ຮັບໃຊ້ໃຫ້ແກ່ການພັດທະນາເສດຖະກິດທະເລ ແລະ ຮັກສາອະທິປະໄຕແຫ່ງຊາດບົນທະເລ ແລະ ເຂດໝູ່ເກາະ.
