 ທ່ານເລຂາທິການໃຫ່ຍພັກກອມມູນິດ ຫວຽດນາມ ໂຕເລິມ ແລະ ພັນລະຍາ (ພາບ: TTXVN) |
ນີ້ແມ່ນການຢ້ຽມຢາມ ອິນໂດເນເຊຍ ຄັ້ງທຳອິດຂອງທ່ານເລຂາທິການໃຫ່ຍພັກກອມມູນິດ ຫວຽດນາມ ຜູ້ໜຶ່ງ ພາຍຫຼັງເກືອບ 8 ປີ (ນັບແຕ່ເດືອນສິງຫາ ປີ 2017) ແລະ ໄປຢ້ຽມຢາມ ສິງກະໂປ ພາຍຫຼັງເວລາເກືອບ 13 ປີ (ນັບແຕ່ເດືອນກັນຍາ ປີ 2012). ພ້ອມດຽວກັນນັ້ນ, ນີ້ກໍ່ແມ່ນການຢ້ຽມຢາມຄັ້ງປະຫວັດສາດ, ຍ້ອນວ່າ ເປັນຄັ້ງທຳອິດທີ່ ທ່ານເລຂາທິການໃຫ່ຍພັກກອມມູນິດ ຫວຽດນາມ ຜູ້ໜຶ່ງ ໄປຢ້ຽມຢາມຄະນະເລຂາ ອາຊຽນ.
 ທ່ານເອກອັກຄະລັດຖະທູດ ອິນໂດເນເຊຍ ປະຈຳ ຫວຽດນາມ Denny Abdi (ພາບ: VOV5) |
ແງ່ຫວັງໃໝ່ກ່ຽວກັບບັນດາຂີດໝາຍການຮ່ວມມືໃໝ່
ອິນໂດເນເຊຍ ແມ່ນປະເທດທຳອິດຢູ່ອາຊີຕາເວັນອອກສ່ຽງໃຕ້ ໄດ້ສ້າງການພົວພັນທາງການທູດກັບ ຫວຽດນາມ ເມື່ອປີ 1955. 70 ປີຜ່ານມາ, ໂດຍສະເພາະແມ່ນພາຍຫຼັງສ້າງຕັ້ງການພົວພັນຄູ່ຮ່ວມມືຍຸດທະສາດເມື່ອປີ 2013, ການຮ່ວມມືລະຫວ່າງສອງປະເທດນັບມື້ນັບພັດທະນາຮອບດ້ານ ແລະ ກ້ວາງຂວາງເລິກເຊິ່ງ. ອິນໂດເນເຊຍ ແມ່ນຄູ່ຮ່ວມມືດ້ານການຄ້າໃຫ່ຍອັນດັບທີ 2 ຂອງ ຫວຽດນາມ ໃນ ອາຊຽນ, ສ່ວນ ຫວຽດນາມ ແມ່ນຄູ່ຮ່ວມມືດ້ານການຄ້າໃຫ່ຍອັນດັບທີ 4 ຂອງ ອິນໂດເນເຊຍ ໃນ ອາຊຽນ. ທ່ານ Denny Abdi ເອກອັກຄະລັດຖະທູດ ອິນໂດເນເຊຍ ປະຈຳ ຫວຽດນາມ ໄດ້ໃຫ້ຂໍ້ສັງເກດກ່ຽວກັບການຢ້ຽມຢາມ ອິນໂດເນເຊຍ ຂອງທ່ານເລຂາທິການໃຫ່ຍ ໂຕເລິມ ວ່່າ:
ການຢ້ຽມຢາມ ອິນໂດເນເຊຍ ຄັ້ງອຳອິດຂອງທ່ານເລຂາທິການໃຫ່ຍພັກກອມມູນິດ ຫວຽດນາມ ຜູ້ໜຶ່ງ ພວມໄດ້ຮັບຄວາມສົນໃຈພິເສດຈາກທັງສອງປະເທດ. ຄາດວ່າ ສອງຝ່າຍຈະຈັດກອງປະຊຸມຂັ້ນສູງ ດ້ວຍຈຸດສຸມແມ່ນການຮ່ວມມືດ້ານການຄ້າ, ການລົງທຶນ, ການດຳເນີນທຸລະກິດ ພ້ອມດ້ວຍການເຂົ້າຮ່ວມໂດຍກົງລະຫວ່າງທ່ານເລຂາທິການໃຫ່ຍ ແລະ ປະຊາຄົມນັກທຸລະກິດສອງປະເທດ. ສຳຄັນກ່ວາ ນັ້ນແມ່ນ, ສອງຝ່າຍຫວັງວ່າຈະສາມາດຍົກລະດັບການພົວພັນສອງຝ່າຍຂຶ້ນສູ່ລະດັບສູງໃໝ່.
ສຳລັບ ສິງກະໂປ, ພາຍຫຼັງ 50 ປີທີ່ໄດ້ສ້າງຕັ້ງການພົວພັນທາງການທູດ ເມື່ອປີ 1973, 10 ປີທີ່ສ້າງຕັ້ງການພົວພັນຄູ່ຮ່ວມມືຍຸດທະສາດເມື່ອປີ 2013, ການພົວພັນ ຫວຽດນາມ-ສິງກະໂປ ໄດ້ພັດທະນາຢ່າງແຮງ. ສອງຝ່າຍໄດ້ຜັນຂະຫຍາຍບັນດາກົນໄກຮ່ວມມືສອງຝ່າຍຢ່າງມີປະສິດທິຜົນ, ໃນນັ້ນ ມີກົນໄກກອງປະຊຸມຂັ້ນລັດຖະມົນຕີ ເຊື່ອມຕໍ່ສອງພື້ນຖານເສດຖະກິດ.
ສິງກະໂປ ແມ່ນພື້ນຖານເສດຖະກິດອັນດັບໜຶ່ງຂອງພາກພື້ນ, ແມ່ນໜຶ່ງໃນບັນດາຄູ່ຮ່ວມມືດ້ານເສດຖະກິດສຳຄັນອັນດັບໜຶ່ງຂອງ ຫວຽດນາມ. ການພົວພັນດ້ານເສດຖະກິດ, ການຄ້າ, ການລົງທຶນພັດທະນາຢ່າງຟົດຟື້ນ, ບັນລຸຫຼາຍຜົນງານທີ່ແທດຈິງ. ປະຈຸບັນ, ສິງກະໂປ ແມ່ນນັກລົງທຶນອັນດັບ 1 ຂອງ ຫວຽດນາມ ໃນ ອາຊຽນ ແລະ ອັນດັບທີ 2 ໃນໂລກ. ເຂດອຸດສາຫະກຳ ສິງກະໂປ-ຫວຽດນາມ (VSIP) 18 ແຫ່ງຢູ່ 13 ແຂວງ, ນະຄອນ ໄດ້ດຶງດູດເງິນລົງທຶນກ່ວາ 18,7 ຕື້ USD ຊື່ງໄດ້ສ້າງວຽກເຮັດງານທຳໃຫ້ແກ່ຜູ້ອອກແຮງງານຂອງ ຫວຽດນາມ 300.000 ກວ່າຄົນ, ແມ່ນການພິສູດໃຫ້ແກ່ການຮ່ວມມືດ້ານເສດຖະກິດທີ່ບັນລຸປະສິດທິຜົນລະຫວ່າງສອງຝ່າຍ.
ຢັ້ງຢືນນະໂຍບາຍການພົວພັນຕ່າງປະເທດຂອງ ຫວຽດນາມ ໃນ ອາຊຽນ
ບໍ່ພຽງແຕ່ໄດ້ຢັ້ງຢືນການຖືການພົວພັນກັບປະເທດຕ່າງໆໃນພາກພື້ນຂອງ ຫວຽດນາມ ໃນນັ້ນມີ 2 ຄູ່ຮ່ວມມືສຳຄັນແມ່ນ ອິນໂດເນເຊຍ ແລະ ສິງກະໂປ ເປັນສຳຄັນ ເທົ່ານັ້ນ, ການຢ້ຽມຢາມຂອງທ່ານເລຂາທິການໃຫ່ຍ ໂຕເລິມ ຍັງຢັ້ງຢືນຄວາມສຳຄັນຂອງ ອາຊຽນ ໃນນະໂຍບາຍການພົວພັນຕ່າງປະເທດຂອງ ຫວຽດນາມ ອີກດ້ວຍ. ນີ້ແມ່ນຄັ້ງທຳອິດທີ່ທ່ານເລຂາທິການໃຫ່ຍພັກກອມມູນິດ ຫວຽດນາມ ຜູ້ໜຶ່ງ ໄປຢ້ຽມຢາມຄະນະເລຂາ ອາຊຽນ, ກົງກັບໂອກາດສະເຫຼີມສະຫຼອງ 30 ປີແຫ່ງວັນ ຫວຽດນາມ ເຂົ້າເປັນສະມາຊິກ ອາຊຽນ (1995-2025), ຊື່ງໄດ້ສະແດງໃຫ້ເຫັນນ້ຳໃຈເປັນເຈົ້າການ, ມີຄວາມຮັບຜິດຊອບຂອງ ຫວຽດນາມຢ່າງແຮງ, ປາດຖະໜາຢາກປະກອບສ່ວນທີ່ແທດຈິງເພື່ອອະນາຄົດຂອງ ອາຊຽນ. 30 ປີຜ່ານມາ, ການປະກອບສ່ວນຂອງ ຫວຽດນາມ ຕິດພັນກັບບັນດາບາດກ້າວພັດທະນາທີ່ເຕັມໄປດ້ວຍຄວາມໝາຍຂອງ ອາຊຽນ. ທ່ານເລຂາທິການໃຫ່ຍ ອາຊຽນ Kao Kim Hourn ຢືນຢັນວ່າ:
ເຖິງວ່າໄດ້ຮັກສາບົດບາດເປັນປະທານອາຊຽນ, ປະຕິບັດໜ້າທີ່ໃນຄະນະເລຂາ ອາຊຽນ ຫຼືວ່າແມ່ນປະເທດປະສານງານ ກັບບັນດາປະເທດຄູ່ຮ່ວມມືສົນທະນາ, ຍາມໃດ ຫວຽດນາມ ກໍ່ແມ່ນສະມາຊິກທີ່ຕັ້ງໜ້າ. ທີ່ບັນດາເວລາປາໄສສາກົນ, ຍາມໃດ ຫວຽດນາມ ກໍ່ໄດ້ຊຸກຍູ້ຜົນປະໂຫຍດຂອງບັນດາປະເທດ ອາຊຽນ. ອາດເວົ້າໄດ້ວ່າ ຍາມໃດ ຫວຽດນາມ ກໍ່ແມ່ນສະມາຊິກທີ່ຕັ້ງໜ້າ, ເປັນເຈົ້າການ, ປະກອບສ່ວນໃຫ່ຍຫຼວງໃຫ້ແກ່ ອາຊຽນ.
ໃນສະພາບການນັ້ນ, ການຢ້ຽມຢາມຂອງ ທ່ານເລຂາທິການໃຫ່ຍໄດ້ເປີດແງ່ຫວັງການຮ່ວມມືໃໝ່ໃຫ້ແກ່ການພົວພັນລະຫວ່າງ ຫວຽດນາມ ກັບ ອິນໂດເນເຊຍ, ສິງປະໂປ ແລະ ອາຊຽນ. ໂດຍແມ່ນສະມາຊິກໃນຄອບຄົວ ອາຊຽນ, ການປັບປຸງຮັດແໜ້ນການພົວພັນສອງຝ່າຍລະຫວ່າງ ຫວຽດນາມແລະ ອິນໂດເນເຊຍ, ສິງປະໂປ ແລະ ອາຊຽນ, ການແບ່ງປັນສຽງເວົ້າລວມ ກໍ່ຈະປະກອບສ່ວນເຂົ້າໃນການພັດທະນາລວມຂອງ ອາຊຽນ, ເພື່ອ ອາຊຽນ ແຫ່ງຄວາມສາມັກຄີ, ສ້າງຄວາມເຂັ້ມແຂງດ້ວຍຕົນເອງ ແລະ ພັດທະນາ./.
