 |
| ສະພາບຝົນຕົກ, ນ້ຳຖ້ວມຜ່ານມາ ຢູ່ພາກກາງ ແລະ ເຂດ ໄຕງວຽນ ໄດ້ສ້າງຄວາມເສຍຫາຍຢ່າງໃຫຍ່ຫຼວງກ່ຽວກັບຊີວິດອິນຊີ ແລະ ຊັບສິນ ເຮັດໃຫ້ຊີວິດການເປັນຢູ່ຂອງປະຊາຊົນນັບພັນຄອບຄົວມີຄວາມຫຍຸ້ງຍາກທີ່ສຸດ. |
 |
| ມີຫຼາຍເຂດຊຸມຊົນຖືກນ້ຳຖ້ວມຕັດຂາດກັບພາຍນອກ, ອຳນາດການປົກຄອງທ້ອງຖິ່ນໄດ້ສຸມໃສ່ຄວບຄຸມບັນດາເຂດທີ່ມີຄວາມສ່ຽງສູງ. |
 |
| ພາຍຫຼັງເກີດໄພທຳມະຊາດ, ບັນດາກຳລັງທີ່ມີໜ້າທີ່ໄດ້ຜັນຂະຫຍາຍການກູ້ໄພກູ້ຊີບ ແລະ ໜູນຊ່ວຍການແກ້ໄຂຜົນເສຍຫາຍທີ່ຕາມມາ. |
 |
| ພະນັກງານ, ນັກຮົບຊ່ວຍເຫຼືອປະຊາຊົນຕອນຖືກນ້ຳຖ້ວມ. |
 |
| ວັນທີ 27 ພະຈິກ, ທ່ານນາຍົກລັດຖະມົນຕີ ຟ້າມມິນຈິງ ໄດ້ສົ່ງໂທລະເລກມອບໝາຍໃຫ້ປະທານບັນດາແຂວງ ດັກລັກ, ແຄ໊ງຮ່ວາ, ຢາລາຍ, ເລິມດົ່ງ ກວດກາຄືນ, ເກັບກຳສະຖິຕິຄອບຄົວທີ່ເຮືອນຢູ່ຖືກພັງທະລາຍທີ່ຕ້ອງກໍ່ສ້າງຄືນໃໝ່; ຈຳນວນເຮືອນຢູ່ທີ່ເປ່ເພຕ້ອງໄດ້ສ້ອມແປງ. |
 |
| ທ່ານນາຍົກລັດຖະມົນຕີ ຮຽກຮ້ອງການໜູນຊ່ວຍ, ປະຕິບັດການສ້ອມແປງເຮືອນຢູ່ໃຫ້ແກ່ປະຊາຊົນສຳເລັດກ່ອນວັນທີ 30 ພະຈິກ 2025; ພ້ອມກັນນັ້ນ ກໍ່ສ້າງແຜນຮ່າງໃຫ້ແກ່ປະຊົນຜູ້ຖືກເສຍຫາຍດ້ານເຮືອນຢູ່ສຳເລັດກ່ອນວັນທີ 31 ມັງກອນ 2026 ເພື່ອໃຫ້ປະຊາຊົນມີເຮືອນຕ້ອນຮັບບຸນເຕັດ ປີ 2026. |
 |
| ວັນທີ 21 ພະຈິກ, ຄະນະກຳມະການແນວໂຮມປະເທດຊາດ ຫວຽດນາມ ປຸກລະດົມບັ້ນຂົນຂວາຍບໍລິຈາກຊ່ວຍເຫຼືອພໍ່ແມ່ປະຊາຊົນເຂດຖືກນ້ຳຖ້ວມ. |
 |
 |
| ຕາມການສະຖິຕິບໍ່ທັນຄົບຖ້ວນ, ໄລ່ຮອດວັນທີ 24 ພະຈິກ, ທົ່ວລະບົບແນວໂຮມປະເທດຊາດ ຫວຽດນາມ ທຸກຂັ້ນ ຂົນຂວາຍໜູນຊ່ວຍການແກ້ໄຂຜົນເສຍຫາຍຫຼັງພາຍຸ, ນ້ຳຖ້ວມ ໄດ້ຈຳນວນເງິນ 3.200 ຕື້ດົ່ງ. |
 |
| ຕອນຄ່ຳວັນທີ 23 ພະຈິກ, ຕາແສງ ຢຽນດ່ຽນ ເປັນທ້ອງຖິ່ນທຳອິດຂອງແຂວງ ແຄ໊ງຮ່ວາ ທີ່ໄດ້ເບີກຈ່າຍເງິນໜູນຊ່ວຍໃຫ້ແກ່ປະຊາຊົນເຂດນ້ຳຖ້ວມ. |
 |
| ທະຫານຊ່ວຍປະຊາຊົນອະນາໄມຢູ່ສຸກສາລາ, ເຂດຊຸມຊົນ, ໂຮງຮຽນພາຍຫຼັງພາຍຸ. |
 |
| ວຽກງານແກ້ໄຂຜົນເສຍຫາຍຫຼັງພາຍນ້ຳໄຫຼຊຸ ແລະ ດິນເຊາະເຈື່ອນ ພວມຮີບເຮັ່ງຜັນຂະຫຍາຍຢູ່ຫຼາຍທ້ອງຖິ່ນ ເພື່ອໃຫ້ການດຳລົງຊີວິດຂອງປະຊາຊົນກັບຄືນສູ່ເປັນປົກກະຕິໂດຍໄວ. |
 |
 |
 |
| ພ້ອມກັບການໜູນຊ່ວຍຢູ່ພາຍໃນປະເທດ, ປະຊາຄົມຊາວຕ່າງປະເທດ, ຫຼາຍອົງການ ແລະ ຄູ່ຮ່ວມມືສາກົນກໍ່ມີການກະທຳແທດຈິງເພື່ອໜູນຊ່ວຍ ຫວຽດນາມ ຜ່ານຜ່າຄວາມຫຍຸ້ງຍາກ. |
 |
| ວັນທີ 23 ພະຈິກ, ສະຖານທູດ ຫວຽດນາມ ປະຈຳ ສີລັງກາ ແລະ ປະຊາຄົມ ຫວຽດນາມ ຢູ່ທີ່ນີ້ໄດ້ເຂົ້າຮ່ວມງານຕະຫຼາດນັດການກຸສົນສາກົນ 2025 ຢູ່ນະຄອນຫຼວງ Colombo, ສີລັງກາ. ລາຍຮັບຈາກການຂາຍເຄື່ອງຈະໄດ້ສົ່ງມາ ຫວຽດນາມ ໜູນຊ່ວຍພໍ່ແມ່ປະຊາຊົນເຂດຖືກນ້ຳຖ້ວມຢູ່ພາຍໃນປະເທດ ແລະ ປະກອບສ່ວນໃຫ້ການເຄື່ອນໄຫວການກຸສົນຈຳນວນໜຶ່ງຢູ່ ສີລັງກາ. |
 |
| ຕອນບ່າຍວັນທີ 27 ພະຈິກ, ທີ່ກອງປະຊຸມນັດສາມັນປະຈຳເດືອນ ກະຊວງການຕ່າງປະເທດ ຫວຽດນາມ, ທ່ານນາງ ຟ້າມທູຮັ່ງ, ໂຄສົກກະຊວງການຕ່າງປະເທດ ຫວຽດນາມ ໃຫ້ຮູ້ວ່າ ໄດ້ຮັບການແບ່ງປັນ, ລະດົມກຳລັງໃຈ ແລະ ການໜູນຊ່ວຍຈາກປະຊາຄົມສາກົນ ດ້ວຍມູນຄ່າໄລ່ຮອດວັນທີ 27 ພະຈິກ ແມ່ນເກືອບ 16 ລ້ານ USD. |
