 (ທີ່ການຕ້ອນຮັບ) |
ຕອນບ່າຍວັນທີ 01 ພະຈິກ, ຢູ່ສູນກະຈາຍສຽງແຫ່ງຊາດ, ເລກທີ 58, ຖະໜົນ ກວານຊື, ຮ່າໂນ້ຍ, ຄະນະພະນັກງານຄຸ້ມຄອງສື່ມວນຊົນ ສປປ.ລາວ ໄດ້ໄປຢ້ຽມຢາມ ແລະ ເຮັດວຽກຢູ່ VOV.
ໂດຍຕາງໜ້າໃຫ້ການນຳ VOV ເປັນປະທານພິທີຕ້ອນຮັບ, ທ່ານນາງ ຫງວຽນຖຸຍຮວາ, ຫົວໜ້າພະແນກຮ່ວມມືສາກົນ, ໄດ້ແນະນຳໂດຍຫຍໍ້ກ່ຽວກັບທ່າອ່ຽງພັດທະນາຂອງ VOV ໃນຊຸມປີມໍ່ໆມານີ້, ກໍ່ຄືບັນດາການກຳນົດທິດໃນໄລຍະຈະມາເຖິງ. ວິໄສທັດຮອດປີ 2045, VOV ສູ້ຊົນກາຍເປັນໜຶ່ງໃນບັນດາອົງການສື່ມວນຊົນຕ່າງປະເທດແຖວໜ້າຂອງ ຫວຽດນາມ, ມີອິດທິພົນຊື່ສຽງໃນສາກົນ. ກ່ຽວກັບການຮ່ວມມືກັບຝ່າຍ ລາວ, ທ່ານນາງ ຫງວຽນຖຸຍຮວາ, ໃຫ້ຮູ້ວ່າ:
“VOV ແລະ ວິທະຍຸກະຈາຍສຽງແຫ່ງຊາດ ລາວ ໄດ້ແລກປ່ຽນຂໍ້ມູນ, ຂ່າວ, ບົດ, ລາຍການເພງເປັນປະຈຳ ເພື່ອແນະນຳກ່ຽວກັບປະເທດຊາດ, ມະນຸດຂອງ 2 ຝ່າຍ. ນອກນັ້ນ, ພວກຂ້າພະເຈົ້າກໍ່ຈັດບັນດາກຸ່ມຮ່ວມຜະລິດລາຍການ, 2 ຝ່າຍໄດ້ພ້ອມກັບປະຕິບັດລາຍການຢູ່ເຂດຊາຍແດນຂອງ 2 ປະເທດ. VOV ກໍ່ໄດ້ຈັດຫຼາຍຊຸດບຳລຸງສ້າງໃຫ້ບັນດານັກເຕັກນິກຂອງ ລາວ”.
ສ່ວນຝ່າຍຄະນະຜູ້ແທນບັນດາອົງການສື່ມວນຊົນຂອງ ລາວ, ທ່ານ ໂອລຳ ຈັນທະວິໄລ, ຫົວໜ້າຫ້ອງການວິທະຍຸກະຈາຍສຽງແຫ່ງຊາດ ລາວ, ເປັນຫົວໜ້າຄະນະ, ໄດ້ຂອບໃຈການໜູນຊ່ວຍ, ຊ່ວຍເຫຼືອຂອງບັນດານັກຊ່ຽວຊານ, ພະນັກງານເຕັກນິກຂອງ VOV ໃນຊຸມປີຜ່ານມາ; ພ້ອມທັງ, ປາດຖະໜາວ່າ 2 ຝ່າຍຈະສືບຕໍ່ເພີ່ມທະວີການແລກປ່ຽນ, ຮ່ວມມືກັນຢ່າງແໜ້ນແຟ້ນ, ເລິກເຊິ່ງກວ່າອີກໃນໄລຍະຈະມາເຖິງ.
