|
(ພາບ: TTXVN) |
ງານວາງສະແດງ ໂດຍສຳນັກຂ່າວສານ ຫວຽດນາມ ສົມທົບກັບ ຄະນະພົວພັນການຕ່າງປະເທດສູນກາງ ພ້ອມກັນຈັດຕັ້ງເນື່ອງໃນໂອກາດປີສາມັກຄີ ຫວຽດນາມ - ລາວ 2017. ງານວາງສະແດງ ແນະນຳຮູບຖ່າຍ 55 ແຜ່ນຂອງນັກຂ່າວສຳນັກຂ່າວສານ ຜ່ານໄລຍະຕ່າງໆເຊິ່ງໄດ້ຖ່າຍທຳບັນດາຮູບພາບທີ່ສວຍງາມ, ບັນດາຈຸດເວລາປະຫວັດສາດຂອງນ້ຳໃຈສາມັກຄີ, ມິດຕະພາບສັດຊື່ບໍລິສຸດ, ໝັ້ນແກ່ນລະຫວ່າງສອງຊາດ ຫວຽດນາມ - ລາວ; ສ່ອງແສງສາຍພົວພັນຮ່ວມມືຮອບດ້ານ, ພິເສດລະຫວ່າງສອງປະເທດໃນບັນດາຂົງເຂດຄື: ການເມືອງ, ເສດຖະກິດ, ວັດທະນະທຳ, ສັງຄົມ, ການປ້ອງກັນຊາດ- ປ້ອງກັນຄວາມສະຫງົບ… ນັບທັງໃນໄລຍະຕໍ່ສູ້ຍາດເອົາເອກະລາດຂອງຊາດກໍ່ຄືໃນພາລະກິດສ້າງສາ ແລະ ປົກປັກຮັກສາປະເທດຊາດໃນປັດຈຸບັນ.
ກ່ອນໜ້ານັ້ນ, ທ່ານ ເລຂາທິການໃຫຍ່, ປະທານປະເທດ ລາວ ບູນຍັງ ວໍລະຈິດ ແລະ ຄະນະຜູ້ແທນປະເທດ ສປປ ລາວ ໄດ້ວາງພວງມາລາທີອະນຸສາວະລີບັນດານັກຮົບວິລະຊົນທີ່ໄດ້ເສຍສະຫຼະຊີວິດເພື່ອຊາດ; ເຂົ້າສຸສານໄວ້ອາໄລປະທານ ໂຮ່ຈີ໋ມີນ. ພວງມາລາຂອງຄະນະມີແຖວໜັງສື “ປະທານ ໂຮ່ຈີ໋ມີນ ຍືນຍົງຄົງຕົວໃນດວງໃຈຂອງປະຊາຊົນລາວບັນດາເຜົ່າຕະຫລອດໄປ”.
