 ທ່ານເອກອັກຄະລັດຖະທູດ Julien Guerrier (ພາບ: TTXVN) |
ທ່ານເອກອັກຄະລັດຖະທູດ Julien Guerrier ໃຫ້ຮູ້ວ່າ ຫວຽດນາມ ແລະ ອີຢູ ມີເຈດຈຳນົງຢາກຍົກລະດັບສາຍພົວພັນຄູ່ຮ່ວມມືສອງຝ່າຍເພື່ອເປີດ “ສັກກະລາດໃໝ່” ໃນສາຍພົວພັນສອງຝ່າຍ ເພື່ອແນໃສ່ສະແດງໃຫ້ເຫັນການເພີ່ມທະວີການຮ່ວມມື, ຢັ້ງຢືນທີ່ຕັ້ງນຳໜ້າ, ເປັນແບບຢ່າງຂອງສາຍພົວພັນນີ້. ອີຢູ ແລະ ຫວຽດນາມ ຢາກປັບປຸງ 3 ເສົາຄ້ຳຮ່ວມມືທີ່ພວມມີໃນປັດຈຸບັນຢ່າງແຂງແຮງ ເຊັ່ນ: ການຄ້າ, ການຫັນເປັນສີຂຽວ ແລະ ສັນຕິພາບ, ໝັ້ນຄົງ. ຫວຽດນາມ - ອີຢູ ຢາກເພີ່ມທະວີການຮ່ວມມືໃນການເຄື່ອນໄຫວຮັກສາສັນຕິພາບ, ຄວາມໝັ້ນຄົງໃນການເດີນເຮືອ, ການຄຸ້ມຄອງວິກິດການ ແລະ ຊຸກຍູ້ເຄົາລົບກົດໝາຍສາກົນ, ລວມທັງຢູ່ທະເລຕາເວັນອອກ. ນອກຈາກນັ້ນແລ້ວ, 2 ຝ່າຍກໍຢາກພັດທະນາບັນດາຂົງເຂດໃໝ່, ເຊັ່ນ: ຫັນເປັນດີຈີຕອນ, ນະວັດຕະກຳ, ບັນດາຂົງເຂດເຕັກໂນໂລຢີສູງຄືທາດເຄິ່ງຊັກນຳໄຟຟ້າ, ປັນຍາປະດິດ (AI) ແລະ ຊັບພະຍາກອນທີ່ຈຳເປັນ.
