ເຮືອບັກ M/V Trisha Kerstin 3 ພວມເດີນທາງຈາກນະຄອນທ່າກຳປັ່ນ Zamboanga ໄປເກາະ Jolo (ແຂວງ Sulu) ເກີດບັນຫາດ້ານເຕັກນິກ ແລະ ຖືກຈົມນ້ຳໃກ້ກັບແຂວງ Basilan. ບາງແຫ່ຼງຂ່າວໃຫ້ຮູ້ວ່າ ເຮືອບັກທີ່ຖືກຈົມນ້ຳພວມຂົນສົ່ງຜູ້ໂດຍສານ 332 ຄົນ ແລະ ລູກເຮືອ 27 ຄົນ. ເຈົ້າຄອງເທດສະບານ Arsina Laja Kahing-Nanoh ໃຫ້ຮູ້ວ່າ ມາຮອດປະຈຸບັນມີຢ່າງໜ້ອຍສຸດ 8 ຄົນເສຍຊີວິດ. ກຳລັງກູ້ໄພກູ້ຊີບແຈ້ງໃຫ້ຊາບວ່າ ໄດ້ກູ້ເອົາຊີວິດຂອງກວ່າ 200 ຄົນ. ການເຄື່ອນໄຫວຊອກຫາກູ້ໄພກູ້ຊີບໂດຍກຳລັງທະຫານເຮືອ ຟີລິບປິນ ສົມທົບກັບບັນດາກຳປັ່ນພົນລະເຮືອນປະຕິບັດໃນເງື່ອນໄຂດິນຟ້າອາກາດອຳນວຍຄວາມສະດວກ.
