ໝູ່ບ້ານ ໂລໂລຈ໋າຍ (ຂຶ້ນກັບແຂວງ ຮ່າຢາງ ເກົ່າ, ປັດຈຸບັນແມ່ນແຂວງ ຕຽນກວາງ) ຕັ້ງຢູ່ຕີນພູ ໂຣ່ງ, ໃກ້ກັບຈຸດເໜືອສຸດທີ່ສັກສິດ.

ໝູ່ບ້ານນ້ອຍຂອງຊາວເຜົ່າ ໂລໂລ ແຕ່ດົນນານມາແລ້ວໄດ້ກາຍເປັນສະຖານທີ່ທີ່ບໍ່ອາດພາດໄດ້ຂອງແຂກງທ່ອງທ່ຽວ ທັງຢູ່ພາຍໃນ ແລະ ຕ່າງປະເທດເມື່ອມາພູພຽງຫີນ ໂດ່ງວັນ.

ວັນທີ 17 ຕຸລາ, ຢູ່ແຂວງ ເຈີຈຽງ (Zhejiang), ຈີນ ອົງການທ່ອງທ່ຽວ ສປຊ (UN Tourism) ໄດ້ເຊີດຊູໝູ່ບ້ານ ໂລໂລຈ໋າຍ, ຕາແສງ ລຸ້ງກູ້, ແຂວງ ຕວຽນກວາງ ຂອງ ຫວຽດນາມ ແມ່ນໜຶ່ງໃນບັນດາໝູ່ບ້ານທ່ອງທ່ຽວດີທີ່ສຸດໃນປີ 2025.

ເຫດການໝູ່ບ້ານ ໂລໂລຈ໋າຍ ໄດ້ຮັບການເຊີດຊູແມ່ນ “ໝູ່ບ້ານທ່ອງທ່ຽວດີທີ່ສຸດໃນປີ 2025” ບໍ່ພຽງແຕ່ແມ່ນຄວາມເອກອ້າງທະນົງໃຈຂອງ ຕວຽນກວາງ ເທົ່ານັ້ນ ຫາກຍັງແມ່ນການຢັ້ງຢືນການເດີນທີ່ຖືກທິດຂອງ ຫວຽດນາມ ໃນການພັດທະນາການທ່ອງທ່ຽວແບບຍືນຍົງ, ຕິດພັນກັບການອະນຸລັກຮັກສາມໍລະດົກ.

ສະຖານທີ່ແຫ່ງນີ້ຍັງແມ່ນຫໍພິພະທະພັນທີ່ມີຊີວິດກ່ຽວກັບສະຖາປັດຕະຍາກຳ, ວັດທະນະທຳ ແລະ ການດຳລົງຊີວິດຂອງພໍ່ແມ່ປະຊາຊົນເຜົ່າ ໂລໂລ.

ເຮືອນແຕ່ລະຫຼັງດ້ວຍຫຼັງຄາມຸງດິນຂໍ ໄດ້ຄົງຕົວມາເປັນເວລາຫຼາຍຮ້ອຍປີ.

ໂລໂລຈ໋າຍ ມີສະເໜ່ດຶງດູດແຂກທ່ອງທ່ຽວດ້ວຍຄວາມລຽບງ່າຍ

ຢູ່ໝູ່ບ້ານແຫ່ງນີ້, ບັນດາເຮືອນຫຼັງຕ່າງໆໄດ້ຮັບການອະນຸລັກຮັກສາ, ບັນດາຈຸດວັດທະນະທຳທີ່ເປັນມູນເຊື້ອ ບໍ່ຖືກຫັນເປັນການຄ້າ ເຊິ່ງໄດ້ຮັບການເສີມຂະຫຍາຍດ້ວຍຄວາມເຄົາລົບ.

ມີເຮືອນຫຼາຍຫຼັງໄດ້ຫັນປ່ຽນກາຍເປັນ homestay ດ້ວຍສະຖາປັດຕະຍາກຳທີ່ໄດ້ຮັກສາໄວ້ຄືເກົ່າ, ນຳມາເຊິ່ງບັນຍາກາດສະຖານທີ່ພັກຜ່ອນທີ່ອົບອຸ່ນ ແລະ ເປັນເອກະລັກສະເພາະ.

ການທ່ອງທ່ຽວຢູ່ໝູ່ບ້ານ ໂລໂລຈ໋າຍ ມີການຖືເປັນສຳຄັນເຖິງລັກສະນະວົງຄະນະຍາດ, ເຊິ່ງແມ່ນສະຖານທີ່ທີ່ແຂກທ່ອງທ່ຽວບໍ່ພຽງແຕ່ໄດ້ເບິ່ງຊົມເທົ່ານັ້ນ ຫາກຍັງໄດ້ລົງຕົວຈິງ, ໂອ້ລົມ, ຊອກຮູ້ກ່ຽວກັບຊີວິດການເປັນຢູ່ຂອງຊາວທ້ອງຖິ່ນອີກດ້ວຍ.

ດື່ມຊາ ຫຼື ກາເຟ ແລະ ຄົ້ນຫາວັດນະທະນຳທ້ອງຖິ່ນ

ບັນດາເຄື່ອງລະຫຼິ້ນພື້ນເມືອງ, ພິທີກຳການເຫຼື້ອມໃສ, ວັດທະນະທຳທີ່ເປັນມູນເຊື້ອ ພວມໄດ້ຮັບການອະນຸລັກຮັກສາ ແລະ ເສີມຂະຫຍາຍຢ່າງມີປະສິດທິຜົນ ໃນການເຄື່ອນໄຫວການທ່ອງທ່ຽວພັດທະນາເສດຖະກິດ ສັງຄົມ ແບບຍືນຍົງ.

ຊຸດອາພອນຂອງແມ່ຍິງຊາວເຜົ່າ ໂລໂລ ສີດຳ ມີຄວາມເດັ່ນງາມ ຍາມໃດກໍ່ ແມ່ນຈຸດດຶງດູດແຂກທ່ອງທ່ຽວ ແລະ ແມ່ນແຫຼ່ງບັນດານໃຈໃຫ້ແກ່ນັກຖ່າຍຮູບເມື່ອມາຢາມ ໝູ່ບ້ານ ໂລໂລຈ໋າຍ.

ຄວາມສຸດຈິດສຸດໃຈ, ຮັກແພງແຂກຄົນຂອງປະຊາຊົນແມ່ນປັດໄຈຫຼັກແຫຼ່ງ ຊ່ວຍໃຫ້ ໂລໂລຈ່໋າຍ ໄດ້ຮັບການເຊີດຊູຈາກ UN Tourism

ບໍ່ວ່າໃນລະດູການໃດ, ໂລໂລຈ໋າຍ ກໍ່ໄດ້ປົກຄຸມດ້ວຍຄວາມງາມທີ່ໂຣແມນຕິກ.

ນາມມະຍົດ ໝູ່ບ້ານທ່ອງທ່ຽວດີທີ່ສຸດ 2025 ແມ່ນກຳລັງໜູນເພື່ອໃຫ້ໝູ່ບ້ານ ໂລໂລຈ໋າຍ ສືບຕໍ່ພັດທະນາການທ່ອງທ່ຽວສີຂຽວ, ມີຄວາມຮັບຜິດຊອບ, ປົກປັກຮັກສາສິ່ງແວດລ້ອມ ແລະ ສີສັນວັດທະນະທຳໃຫ້ແກ່ຄົນລຸ້ນຫຼັງ.

ໂລໂລຈ໋າຍ - ຄວາມງາມທີ່ອ່ອນນ້ອມຢູ່ເຂດເໜືອສຸດ ຫວຽດນາມ ປະກາຍແຈ້ງໃນທົ່ວໂລກ