(VOVWORLD) - ក្នុងរយៈពេលកន្លងមក ការនាំចេញអង្កររបស់វៀតណាមទទួលបាន កំណើនល្អ (ជាពិសេសទាក់ទងនឹងតម្លៃលក់ចេញ) ដែលបានក្លាយជា ចំណុចភ្លឺនៅក្នុងសកម្មភាពនាំចេញ។ មុខទំនិញផលិតផលកសិកម្មនេះ បាន ឈានចូលទីផ្សារប្រកបដោយជោគជ័យដែលមានតម្រូវការតឹងរឹងជាច្រើន ព្រមទាំងបញ្ជាក់ជាបណ្តើរៗអំពីម៉ាកយីហោអង្កររបស់វៀតណាម។

(VOVWORLD) - ឆ្នាំ ២០២០ គឺជាឆ្នាំដ៏លំបាកសម្រាប់អង្គភាពអាជីវកម្មទាំងអស់ដោយសារការរងឥទ្ធិពលយ៉ាងធ្ងន់ធ្ងរពីជំងឺកូវីដ១៩។ ជំងឺរាត ត្បាតសកលបានធ្វើឱ្យអង្គភាពអាជីវកម្មជាច្រើនស៊ូទ្រាំយ៉ាងខ្លាំង ដើម្បីបន្តរក្សាភាពរឹងមាំនៅក្នុងទីផ្សារផងដែរ។ ទោះជាយ៉ាងណាក៏ដោយ នេះក៏ជាឆ្នាំដែលឆ្លុះបញ្ចាំងពីការខិតខំប្រឹងប្រែងអស់ពីសមត្ថភាពរបស់អង្គភាពអាជីវកម្មវៀតណាមក្នុងដំណើរការអភិវឌ្ឍន៍និងធ្វើសមាហរណកម្មជាដើម។ នេះក៏ជាហេតុផលសំខាន់មួយ ដើម្បីធ្វើឱ្យវៀតណាមទទួលបានលទ្ធផលនៃកំណើនវិជ្ជមានក្នុងបរិបទដែលសេដ្ឋកិច្ចពិភពលោកកំពុងធ្លាក់ចូលក្នុងឱនភាពខាងសេដ្ឋកិច្ច។

(VOVWORLD) - នៅឆ្នាំ ២០២០ មានតំបន់ជាច្រើននៅទូទាំងប្រទេស ជួបប្រទះនឹងការលំបាកជាច្រើនក្នុងការទាក់ទាញដើមទុនវិនិយោគផ្ទាល់ពីបរទេស (FDI) ដោយ សារការរីករាលដាលនៃជំងឺ COVID-១៩ ។ ប៉ុន្តែដោយមានភាពអំណោយផល ជាច្រើននិងគោលនយោបាយទាក់ទាញការវិនិយោគដ៏ល្អៗ ខេត្ត Bac Ninh នៅតែគូសសញ្ញាសំគាល់ដ៏ល្អប្រពៃនៅពេលដែលទាក់ទាញទុនវិយោគ FDI រហូតដល់ ៧០០ លានដុល្លារអាមេរិក ដែលជាចំណុចលេចធ្លោរបស់វៀតណាមក្នុងការទាក់ទាញទុនវិនិយោគផងដែរ។

(VOVWORLD) - យោងតាមរបាយការណ៍របស់ក្រសួងកសិកម្មនិងអភិវឌ្ឍន៍ជនបទវៀតណាមបានឱ្យដឹងថា នៅក្នុងខែវិច្ឆិកាឆ្នាំ២០២១ ទំហំពាណិជ្ជកម្មនៃកសិផលត្រូវបានគេប៉ាន់ស្មានសម្រេចបានជិត ៣,៧២ ពាន់លានដុល្លារអាមេរិក។ មុខទំនិញជាច្រើនដូចជាបន្លែ កាហ្វេគ្រាប់ស្វាយចន្ទី ឈើនិងផលិតផលឈើ សម្រេចបានទំហំពាណិជ្ជកម្មជាង ២ ពាន់លានដុល្លារអាមេរិក។ ទោះបីជាមានការលំបាកទាំងក្នុងប្រទេសនិងនៅលើពិភពលោកដែលបណ្តាលមកពីការរីករាលដាលនៃជំងឺ Covid 19 ក៏ដោយប៉ុន្តែការនាំចេញកសិផលនៅតែមានកំណើនកើនឡើង ដោយការខិតខំប្រឹងប្រែងពេញមួយឆ្នាំ វិស័យកសិកម្មទាំងមូលនឹងសម្រេចបានទឹកប្រាក់ជាង ៤១ ពាន់លានដុល្លារពីការនាំចេញផងដែរ។

(VOVWORLD) - នាឆ្នាំ ២០២០ កសិករអង្គភាពនិងអាជីវកម្មនៅតំបន់វាលសណ្តទន្លេ Cuu Long មានឆ្នាំទទួលទិន្នផលនិងតម្លៃស្រូវអង្ករដ៏ផ្លែផ្កា។ ដោយមាន ការធ្វើ កំណែទម្រង់វិស័យកសិកម្ម និងកិច្ចព្រមព្រៀងពាណិជ្ជកម្មសេរី ចូលជាធរមានគឺជាកត្តាដែលរួមចំណែកនាំមកនូវលទ្ធផល ដូចពោលខាងលើនេះ។ 

(VOVWORLD) - នាពេលថ្មីៗនេះ លោកនាយករដ្ឋមន្រ្តីវៀតណាមបានអនុម័តលើគោលនយោបាយវិនិយោគផ្លូវល្បឿនលឿន Dong Dang (ខេត្ត Lang Son) – Tra Linh (ខេត្ត Cao Bang) ដោយមានទុនវិនិយោគសរុបប្រមាណជាង ៩០០ លានដុល្លារអាមេរិក (ស្មើនឹង ២១.០០០ ពាន់លានដុង)។ ផ្លូវល្បឿនលឿនដែលមានប្រវែងជាង ១១៥ គីឡូម៉ែត្រ មិនត្រឹមតែចូលរួមចំណែកក្នុងការបង្កលក្ខណៈងាយស្រួលដល់សេដ្ឋកិច្ចរបស់ខេត្ត Cao Bang ប៉ុណ្ណោះទេ ប៉ុន្តែថែមទាំងបង្កើតជាផ្លូវពាណិជ្ជកម្មអន្តរជាតិដ៏មានសក្តានុពលរវាងបណ្តាប្រទេសសមាជិក       អាស៊ាន ជាមួយចិន ព្រមទាំងផ្តល់សន្ទុះថ្មីសម្រាប់សេដ្ឋកិច្ចសង្គមក្នុង      តំបន់ទៀតផង។

(VOVWORLD) - យោងតាមធនាគារពិភពលោកបានឲ្យដឹងថាថា៖ នៅឆ្នាំ ២០២០ សេដ្ឋកិច្ចរបស់វៀតណាមនឹងមានកំណើន ២,៨% ហើយមូលនិធិរូបិយវត្ថុអន្តរជាតិបានព្យាករណ៍នឹងមានកំណើន ២,៤% ។វៀតណាមគឺជាប្រទេសមួយក្នុងចំណោមប្រទេសមានសេដ្ឋកិច្ចចំនួន ៤នៅលើពិភពលោកដែលមានកំណើនខាងផលិតផលក្នុងស្រុកសរុប (GDP) ក្នុងមនុស្សម្នាក់ៗ។ ទោះបីជាកំណើន GDP នៅឆ្នាំ ២០២០ មិនសម្រេចបានល្អដូចការគ្រោងទុកក៏ដោយ ប៉ុន្តែវៀតណាមនៅតែជាប្រទេសមួយក្នុងចំណោមប្រទេសជាច្រើនដែលមានកំណើនខ្ពស់បំផុតនៅលើពិភពលោកនិងជាការខិតខំប្រឹងប្រែងនិងប្រយុទ្ធប្រឆាំង នឹងជំងឺរាតត្បាត      កូវីដ១៩ (Covid -19) យ៉ាងមឺងម៉ាត់។

(VOVWORLD) - កិច្ចព្រមព្រៀងភាពជាដៃគូគ្រប់ជ្រុងជ្រោយក្នុងតំបន់ (RCEP) ត្រូវបានរំពឹងថានឹងជំរុញយ៉ាងខ្លាំងក្លានូវការអភិវឌ្ឍខ្សែសង្វាក់តម្លៃក្នុងតំបន់និងលើសកលលោក ព្រមទាំងអភិវឌ្ឍន៍សេដ្ឋកិច្ចនៃបណ្តាប្រទេសសមាជិកសមាគមប្រជាជាតិអាស៊ីអាគ្នេយ៍ (អាស៊ាន) ក្នុងនោះមានប្រទេសវៀតណាមនិងប្រទេសជាដៃគូទៀតផង។ ម្យ៉ាងវិញទៀតកិច្ចព្រមព្រៀង RCEP នឹងបើកចេញឱកាសកាន់តែច្រើនសម្រាប់សហគ្រាស វៀតណាមជំរុញខ្លាំងការនាំចេញនិងចូលរួមទៅក្នុងខ្សែសង្វាក់តម្លៃថ្មីនៅក្នុងតំបន់ ក៏ដូចជាបង្កើនការទាក់ទាញវិនិយោគបរទេសផងដែរ។

(VOVWORLD) - ទោះបីជារងផលប៉ះពាល់នៃជំងឺកូវីដ១៩ (COVID-១៩) ចាប់តាំងពីដើមឆ្នាំ ២០២០ រហូតមកដល់ពេលនេះក៏ដោយ ប៉ុន្តែការទាក់ទាញទុនវិនិយោគមកកាន់ទីក្រុង Da Nang នៅតែមានការផ្លាស់ប្តូរជាវិជ្ជមានជាច្រើន។ ដើម្បីសម្រេចបាននូវលទ្ធផលទាំងនេះ គឺអាស្រ័យដោយទីក្រុងនេះបានផ្តោតសំខាន់លើការកសាងសង់ហេដ្ឋារចនាសម្ព័ន្ធចាំបាច់សម្រាប់តំបន់ឧស្សាហកម្មបច្ចេកវិទ្យាខ្ពស់ ព្រមទាំងធ្វើកំណែទម្រង់នីតិវិធីរដ្ឋបាលយ៉ាងសកម្ម ដើម្បីមានភាពម្ចាស់ការក្នុងការត្រៀមខ្លួនទទួលស្វាគមន៍ចំពោះលំហូរទុនវិនិយោគថ្មី។

(VOVWORLD) - នៅចំពោះមុខបញ្ហាប្រឈមរួមនៃវិស័យកសិកម្មទាំងមូល ជាពិសេស នៅពេលដែលវៀតណាមចូលរួមកិច្ចព្រមព្រៀងពាណិជ្ជកម្មជំនាន់ថ្មីដូចជាកិច្ចព្រមព្រៀងពាណិជ្ជកម្មសេរីវៀតណាម - សហភាពអឺរ៉ុប (EVFTA) ; កិច្ចព្រម ព្រៀងគ្រប់ជ្រុងជ្រោយនិងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP) ; កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) នោះ ខ្សែសង្វាក់តម្លៃកាហ្វេរបស់វៀតណាម កំពុងប្រឈមមុខនឹង តម្រូវការផ្លាស់ប្តូរថ្មីនិងច្នៃប្រឌិត ដើម្បីធ្វើសមាហរណកម្មនិងអភិវឌ្ឍន៍។ ដោយយល់ដឹងច្បាស់អំពីតម្រូវការទាំងនោះ អ្នកដាំកាហ្វេនៅតំបន់ Tay Nguyen កំពុងខិតខំប្រឹងប្រែងយ៉ាងខ្លាំង ដោយផ្តោតលើការផ្លាស់ប្តូរថ្មី និងច្នៃប្រឌិតក្នុង ការផលិតនិងធ្វើអាជីវកម្មកាហ្វេផងដែរ។

(VOVWORLD) - រាល់ការលំបាកដោយសារជំងឺកូវីដ១៩ (Covid -19) បានបណ្តាលឱ្យសហគ្រាសវៀតណាមជាច្រើន ត្រូវបញ្ឈប់ការសកម្មភាពផលិតកម្ម ឬក៏ប្រកាសក្ស័យធន។ ក៏ប៉ុន្តែមានអង្គភាពអាជីវកម្មមួយចំនួន បានកំណត់ឡើងវិញអំពីទីផ្សារយ៉ាងឆាប់រហ័ស ដោយបង្កើតលក្ខណៈខុសប្លែកគ្នាសម្រាប់ផលិតផល ដើម្បីប្រកួតប្រជែងនិងឈានចូលក្នុងទីផ្សារនាំចេញឲ្យបានល្អផងដែរ។ នៅទីក្រុងហូជីមិញ ដោយផ្អែកទៅលើទិសដៅនេះ អង្គភាពអាជីវកម្មជាច្រើនទទួលបានការបញ្ជាទិញទំនិញដើម្បីនាំចេញសម្រាប់ត្រីមាសទី ៤ នៃឆ្នាំ ២០២០ និងទាំងត្រីមាសទី ១ ឆ្នាំ ២០២១។ ទន្ទឹមនឹងនេះដែរ សហគ្រាសទាំងនេះក៏មានទិសដៅក្នុងការពង្រីកផលិតកម្មរបស់ខ្លួននាពេលខាងមុខផងដែរ។